[منال جمعه]

انا ما شوفتش الفيلم ولا عايزه اشوفه
اولا لا يجوز النظر الى الرجال
ثانيا هناك اختلاط
ثالثا تضييع للوقت
رابعا هناك صور كثيره للتعايش مش محتاجه فيلم علشان نعرفها
خامسا تضييع للمال سيسألنا الله عليه
سادسا اكيد هناك عري في الفيلم ولا يجوز النظر للعورات
سابعا الوقت لو استغلناه في حاجه تنفعنا يكون بالتاكيد افضل
وده مش رايي ولكن ده راي علماء المسلمين
لان الفيلم بيميع القضيه ويجعلها كوميديه
والفيلم ده من وجهه نظر المؤلف فقط
مش لازم ناخد اراءنا من الافلام

[rawan432]

امانى انا شوفته
بصراحة خرجت اعيط لان الفيلم كوميديا سوداء
وحزنت فيه قوى على حال البلد وكمية الكره المدفونة فى كلا الطرفين

[موحده بالله]

بصى يا منال
ازاى حكمتى على الفيلم انه بيميع القضيه على حد قولك و انتى مشفتيهوش؟؟؟؟


و عرفتى منين انه فيه مشاهد عرى؟؟؟؟؟؟

ده انتى على كده عايزه الدنيا ترجع لورا خمسمية سنه بقى.
لو فصلنا نفسنا عن اللى بيحصل فى مجتمعنا و تطوراته الثقافيه

و بعدين هو انتى لا سمح الله اختلطتى بحد فى الفيلم و لا حتى استثمرتى فيه؟؟؟؟؟؟؟؟

[rodi4882]

والله يا اموووووووووووونة انا شوفت الااعلانات بتاعته وكان نفسي اشوفه جدا
والله انا كنت في مدرسة راهبات ولقيت معاهم احسن معاملة ورعاية
وكان ليا طول عمري جيران واصحاب عايشين سوا زي الااهل
وبالاخص لما سافرت .. دلوقتي اعز صاحباتي هنا واقربهم مسحية
بحبها جدا وهيه اكتر ولازم نكون مع بعض في المناسبات
ربنا يصلح الاحوال في مصر يا رب

[Noorseed2006]

يا جماعة بالراحة شوية .. انتوا هتشدوا مع بعض كمسلمين عشان خاطر الفيلم ده..
اولا يا جماعة فعلا فكرة الفيلم مش حلوة .. كان يقدر يناقش التعايش من غير ما كل طرف يلبس عباءة الطرف التانى .. ازاى يعنى يعرضوا علينا فيلم فيه واحد مسيحى بيجسد شخصية شيخ اللى هو المفروض انه اعلى حد فى الدين عندنا .. وبعدين تحصل بقى المفارقات اللى انا ما بحبش اشوفها على رجال الدين .. تريقة .. واستهزاء .. وعموما زى ما قلت فى المشاركة اللى فاتت ان ده مش جديد على عادل امام .. ما فيش فيلم ما بيستهزئش فيه من الدين وامنتقبات والملتحيين .. حتى انى اذكر انه فى فيلم الارهابى استهزئ بالسنة النبوية الشريفة وده كان فى جملة ابراهيم يسرى (الناس طلعوا القمر واحنا لسه بنفكر ندخل الحمام برجلنا اليمين ولا الشمال ولا دخلنا بالشمال ده يبقى حال ولا حرام( لا حول ولا قوة الا بالله .. ازاى يا جماعة نتقبل ده عادى كده؟؟!!! دى سنة صريحة عن النبى ازاى يتم الاستهزاء بيها .. ومن غير ما اشوف فيلم حسن ومرقص انا واثقة انه فيه تجاوزات تخص الدين .. وبالنسبة لموضوع التعايش نقدر نثبته بمليووووووووون حاجة غير الافلام دى .. واللى هما بيعملوه مش صح .. عاملين زى اللى بيدونا حقن لمجرد اثبات التعايش .. دى حاجة تقرف

[اينو]

انا شوفت الفيلم اول ما نزل وعجبنى قوى بردو يا امانى والاحداث بتاعته ظريفه جدا
احنا طول عمرنا عايشين مسلمين ومسيحيين فى امان
احنا جيرانا كانو مسيحيين قبل ما اتجوز فى بيت ماما ولغاية دلوقتى علاقتنا فوق الممتازه مع بعض وفى الاعياد وكل المناسبات بس انا مش عارفه ايه اللى حصل دلوقتى للناس

[موبينيل]

معلش ياجماعة انا عندى راى تانى انا شوفت الفيلم وبعد ماخرجت هحسيت باكتئاب شديد حتى كل الناس اللى خرجوا معانا كان بيسبوا فى عادل امام لانة الفيلم فى غلطات كتير جدا ومحدش اصلا كان عجبوا الفيلم اصلا عادل امام تفه وبحب التفاهة جدا بس والله الفيلم زبالة زيوا فعلاانا اصلا مش بحب السنيما بس جوزى بيعشقهاربنا يتوب علينا جميعا وانا اسفة فى ردى بس حبيت اقولوا