السلام عليكم يا فتوكات
النهارده جايبلكوا حاجه أن شاء الله تكون جديده
بس بصراحه أنا لسه مجربتهاش لسببين
الأول :- موسم الأفراح وعايزه كل العرايس تستفاد ومافيش وقت
الثانى :- فيها بقدونس وأحنا هنا فأسوان البقدونس مش حلو يعنى متعرفيهوش من الكسبره الخضرا ... أه والله 
المهم الوصفه عشان تفتيح المناطق الغامقه بالجسم وصاحبتها بتقول أن المناطق السمرا بالذات المنطقه الحساسه قربت تبقى وردى
أنا بصراحه من ساعت ماقريتها وأنا مبهوره وقولت لسه البنات حتستنى لما أسافر أسكندريه عند ماما وأشترى البقدونس وأستنى النتيجه
لااااااااااااا أكتبيها يا جين وممكن يبتدوا قبلك كمان ... ده البنات غلااااااابه والله 
وفعرض أى وصفه تخليهم أحلى عرايس وأحلى بنات وأحلى زوجات أن شاء الله
الوصفه هى صابونة البقدونس العجيبه
المطلوب :-
رزمة بقدونس - 2 فنجان ماء ورد - 3 ملاعق نشا - 2ملعقه حليب نيدو- نقطتين زيت زيتون مش أكتر- صابونة الطاووس
محدش يقولى من فين صابونة الطاووس دى متوفره جدا أن شاء الله وبالنسبه لسكان بلدى الأسكندريه حتلاقيها فالحقانيه أن شاء الله عند بتوع المكياجات والصابون ...خلاص كده
الطريقه :-
أغسلى البقدونس كويس من الأتربه اللى عليه وبعدين قطعيه كله حتى بالزعازيع بتاعته وحطيه فالخلاط وضيفى عليه ماااء الورد
وشغلى الخلاط فوووووووووووو
صاحبة الوصفه بتقول حتلاقى شكله بقى ملوخيه 
عادى عادى
الـمـــهــم ... ضيفى عليهم النشا والحليب النيدو
وبعد كده ... أرفعيهم على النار الهادئه وتكونى باشره الصابونه وتضيفى من المبشور شويه شويه مع التقليب على النار الهادئه .. خللى بالك
لأ لأ توم أيه أنتى صدقتى أنها ملوخيه ههههه ويك ويك ويك ( دى ضحكه هندى خاصه بيا ) هههههه
مــــا عـلينـا ... المهم لازم الصابون يذوب خااالص خااالص
وبعدين هاتى قوالب التلج المكعبات بتاعتنا ديه وعبى الفراغات بالقالب بالملعقه
وحته من عند جين بقى
أمسحى القالب قبل ماتصبى بأصبعك زيت أى زيت عشان يبقى سهل لما نطلعه من القالب
دخليه بقى الفريزر مدة ساعتين مش أكتر بلاش يثلج لحسن يبوظ يخرب يعنى
وبعد الساعتين تطلعيه حيبقى شكله زى الشمع كده
بس ريحته تلوع الكبد خخخخخخخخخخخخخ ... ده بالسعودى
بس ريحته وحشه أوى ههههههههههههههههه ... ده بالمصرى
وشيليه بسكينه بشويش عشان مايتكسرش ... وجيبى شاش وحطى كل مكعب ولفيه 3 لفات
شاش الجروح اللى بيتباع بالأجزخانات
مش عاتقين حاجه يا بنات حوا 
أأأه أربطيه عشان شكله يبقى كويس كده .. هه وحطيه فالتلاجه ليوم كامل
وبعد كده يبقى جاهز للأستخدام
بعد أسبوع طلعى مكعبات الملوخيه من التلاجه ولازم تتعرض للهوا عشان يبقى يابس زى الصابونه كده
يا لهوى لو بعد ده كله النت يفصل وكل اللى كتبته يتمسح
ده لما تعملوا قرود مش كاتبه تانى
الأستخدام
صاحبة الموضوع بتقول هى بتدهن المكان الأسمر بليمون وجلسرين بعد ماترجع من كليتها ولما تصحى تاخد حمامها
يعنى نفهم من كده بعد ساعتين تقريبا يعنى مانمش بيه ... وتفرك المنطقه والأماكن السمرا بالصابونه ... وكمان بتغسل وشها مرتين بيها الصبح وبالليل
وبعد الحمام
تدهن جسمها بخليط من زيت جونسون وزيت لوز تقريبا مر لأن النتيجه أن كل البقع اللى بالجسم بتروح
وكمان بتعمل حمام مغربى مرتين بالأسبوع ... أتعلموا يا حلوين هه
ولازم المنطقه يتعملها أسكراب تقشير يعنى بالسكر وزيت الزيتون ده لأن البشره هنا حساسه مش زى باقى الجسم
وباقى الجسم بالملح وزيت الزيتون والحكايه دى كل أسبوع مره
شوفوا بقى أنا كنت بشترى قبل فرحى زجاجة زيت بقدونس من الصيدليه كانت زجاه أصغر من قطرة بريزولين بتاعة العين وكان تمنها 6 جنيه غاليه مش كده
بس كانت رهيبه أسم الشركه المنتجه رونى شركه بالأسكندريه زيوتها كلها ممتازه وموثوق فيها أن كان اللوز أو الجرجير أو التوم
وكان مع كل علبه ورقه فيها شوية ماسكات تحفه ... ياريت تلاقوها
أنا كنت بتصل بالشركه وأعرف منزله منتجاتها فين وأروح أشتريها
أصلها عشان ممتازه كانت دايما بتخلص بسرعه
أيه رأيكم ممكن تدهنوا بالليل البشره والمنطقه بزيت البقدونس وفالصبح تستعملوا الصابونه صاحبة الوصفه بتقول فخلال شهر أن شاء الله ( كله على حسب درجة السمار)بيبقى المكان تحفه زيك زى البيبى ده لو كان السمار غامق شويه
يارب ياختى يارب ده كانت البنات تدعيلك دعوه تدخلك الجنه كده مره واحده
سلام يا بنات المنتدى
وسلام يا صاحبة الوصفه ... لكى منى كل الشكر والتقدير والأحترام
أأأأه نسيت أقول حاجه
خائفه من شيئين مااا الأول ....النت يفصل بعد ما أعتمد
التانى يطلع الموضوع قديم وهاله تحوله
أهىء أهىء أهىء
ده أنا كنت ... كنت ... مش عارفه بس أكيد حيكون فيه حاجه بعد كنت
سلااااااااااااااااااااام
متخلصينا و تصلحي النت بتاعك ده 
