[جالاكسى2006]

حبايبى انا عايزه اتكلم معاكوا ف موضوع مهم قوى .. بعد الجواز اكيد كل واحده مننا بتشوف عيوب جوزها اللى كان ملاك ايام الخطوبه صح وبتبقى الحياه واقعيه مفيش فيها تمثيل وانتى كمان اكيد جوزك بيشوف عيوبك وبالتالى كلنا بنقول الحياه بعد الجواز اتغيرت...
طيب كتير قوى بنسمع من صديقه لينا.. من اخت.. من قريبه.. من مشكله على منتدى ان جوزى خلاص اتغير معدش بيحبنى بيسهر بره مع اصحابه ويسيبنى وكلام كتيييييييييير قوى من كده صح؟؟؟ اوك فى 3 انواع من الزوجات هانشوف بتتصرف ازاى فى المواقف دى...
* زوجه عاقله بتحاول تتأقلم مع الحياه الجديده اللى هيه اختارتها بايدها وتحاول تتأقلم مع تغيراتها ومش معناه انها تطنش لأ انا قصدى انها بتفكر صح وتحاول ماتضيقش الخناق على جوزها وتكون الزوجه الصالحه اللى ربنا امر بيها ..مثلا لو بيتأخر بره تقابله بوش جميل وابتسامه حلوه ليه اتأخرت ياحبيبى انت بتوحشنى ومره تانيه هاتزعل زعل بهدوء من غير نكد ومره ف مره جوزها بيحاول على قد مايقدر مايزعلهاش وكمان هيه مع الوقت بتتاقلم ماشى وبتمشى الحياه.. طيب نشوف بقى الحاله التانيه
* زوجه نكديه جدا انت اتاخرت ليه انا زهقت دى مش عيشه وهاتك يا نكد ويا اما جوزها بيقول توبه.. يا بيسيبها تقول اللى عايزاه ويعمل اللى ف دماغه ومره ومره برضه وبتعدى
* الزوجه التالته هيه اللى بتطنش خاالص اتأخر عادى اتكلم زى ماتكلمش يعنى بتكبر دماغها وتقول هوه مش هايتغير وتعيش حياتها لبيتها وولادها وتدى جوزها حقه وتقول يارب الثواب عندك ..
طيب لحد دلوقت انا بقى ماقولتش اللى انا عايزه اوصله ليكم معلش انا عارفه انى لكاكه شويه بس استحملونى...
انا فى الاول قلتلكوا فى 3 انواع صح ...لألألأ فى نوع رابع وهوه ده اللى انا كاتبه موضوعى له ..ايوه انا كاتبه موضوعى ليكى بكلم اختى فى الله ,,
النوع الرابع وهوه الزوجه اللى شايفه جوزها وحش قوى ومش بيحبها ومش بيديها حقها وبيهملها ووووووو..... وحاجات كتير احنا كلنا معاكى وكلنا مصدقين ان جوزك كده فعلا طيب النتيجه ايييييييييييه
انك تخونى؟؟؟؟؟
تخونى جوزك؟؟؟؟ تخونى ربنا؟؟؟؟ ايوه انتى كده بتخونى ربنا بتنقضى عهده ..انتى ناسيه ان الزواج ده ميثاق غليظ....
لا ياحبيبتى لا مهما كان جوزك وحش الا الخيانه اوعى صدقينى الشات مع واحد فاضى مش ده اللى هايصلحلك جوزك كلامك فى التليفون مع واحد بيتسلى بيكى مش ده اللى هايصلحلك جوزك لا ياحبيبتى انا خايفه عليكى.... صدقينى صلحى علاقتك مع ربنا ادعيله ان ربنا يهديه صلى قضاء حاجه بنيه ان ربنا يسخره ليكى ويسخرك له قومى الليل ادعى من قلبك..... هاتقوليلى لسه زى ماهوه هاقولك اصبرى ( انما يوفى الصابرون اجرهم بغير حساب ) ايوه هاتتكتبى عند ربنا من الصابرين
اويه سامعاكى انتى بتقوليلى مش قادره انا انسان مش ملاك ولا يكلف الله نفسا الا وسعها ... ساعتها هاقولك اطلبى الطلاق...... ايوه اطلبى الطلاق لقب مطلقه احسن كتير من لقب خاينه الطلاق لو على حق مش هايدخلك النار مش هاينزل عليكى غضب ربنا انما الخيانه هيه دى اللى هاتوديكى طريق الاهوال .... ايوه يا حبيبتى لو ضاقت الدنيا ومعدش حلول ربنا شرع الطلاق عشان كده عشان تقابلى انسان تانى يكون احسن ولا ايه.... اوعى تقولى انا هاعيش وخلاص وادينى بلاقى الحنان (المزيف) والحب (الوهمى) على الشات او التليفون او مع اخو صاحبتى او او او لا انا بقولك ماتعيشيش لو ده الحل ارجعى بيت اهلك وانتى لسه زوجه صالحه عملتى اللى عليكى ورضيتى ربنا اوعى يا حيبتى تخسرى الدنيا والاخر.....
اااااااااااااااااسفه للاطاله

[جالاكسى2006]

ماتنسوش التقيييييييييييييييييييييم

[rodi4882]

لسلام عليكم حبيبتي
اسفة جداً انا مختلفة معاكي
الكلام ده ممكن ينطبق علي شريحة قليلة لأن ممكن ده يحصل مع واحده لسة مش مخلفة, غير كده بيفضلوا يصبروا و يرفعوا شعار النكد او الثواب

[جالاكسى2006]

لا والله يا رودى انا بتكلم عن ناس شفتهم ف حياتى وليهم اولاد برضه بصى يا حبيبتى اللى عايزه تخون بتخون لو عنده 100 ولد وبنت انا حاسه انك مقريتيش الموضوع كويس او مافهمتيش وجهة نظرى انا فعلا بكلم الفئه القليله دى حتى لو كانت واحده بس واكيد انا اتعرفت على ناس وصلوا للمرحله دى وعشان كده بخاطبهم ومشكوره يا حبيبتى على ردك يا قمر

[LARA_2008]

شكراااااااااا على الموضوع ياقمر

[جالاكسى2006]

ميرسي يا لارا ياقمر

[ام هاجر 2]

موضوع جميل تسلمى

[جالاكسى2006]

تسلمى يا ام هاجر

[جالاكسى2006]

يالا يابنات فين التفاعل عايزه ارااااااااائكوا

[جالاكسى2006]

انا زعلااااااااااااااااااااااااانه فين الردود

[وحيده بدون امي]

يعطيكى العافيه

[ضحي *]

موضوعك هايل جدا فعلا في ستات بتحاول تهرب من نكد الزوج بالشات أو بالكلام مع زميل في العمل وهو ده بداية الهاوية في الأول حتقول أنا مش بعمل حاجة غلط وبتكلم كلام عادي بس مرة وراء مرة حتلاقي نفسها بتحكي عن تفاصيل حياتها الزوجية وطبعا في ناس بتصتاد في الميه العكرة وحيقعد يكرهها في جوزها ويحاول يكون عكس الزوج النكدي وكتير منهم بيبقي عندهم أولاد وبيطلبوا الطلاق وسعات بيتزوجوا من الشخص ده وحياتهم بتبقي نكد وعزاب وبتفضل تندم العمر كله لأنه أصلا لو أتجوزها مش حيثق فيها وحيحول حياتها لجحيم ده غير أنها حتفقد أولادها يعني خراب ودمار طب يا بنت الحلال من الأول لو مش قادرة تكملي خليكي صريحة مع نفسك مش حتموتي من الجوع وأولادك لو عاشوا مع أم مطلقة أشرف 100 مرة من أم خائنة وبعدين الطلاق مش نهاية المطاف وممكن برضة يفضل أحترام بين الأم والأب علشان خاطر الأولاد .موضوع هايل شكرا ليكي يا جلاكسي(ماشي يا ستي )

[الزوجة الوفية]

موضوع مهم جدا
مشكووووووووورة حبيبتي

[sadrose]

موضوعك جميل جدا وفعلا موجود فى حياتنا بس دايما بسال لية الزوجة بتخون جوزها انا دايما احتقر المراة اللى بتخون جوزها دة ممكن اسمية اية اللى مش عاجبها جوزها تخرج بكرامتها من حياتة وتتجوز اللى عاجبها دى دايما كلمة بقولها لانها لو جوزها خانها بس ولو بالنظرة بتقلب الدنيا لكن هى عادى واية المشكلة اخون جوزى

[ام وليد2008]

المشكله هى الاولاد فى حاله الطلاق وخصوصا لما بيكون فيه بنات ذنبهم ايه طبعا انا رفضه الخيانه رفض تام ولكن ماذنب الاطفال الاب اختار الام والام اختارت الاب ولكن الاطفال مساكين لم يختاروا ابوهم وامهم يبقى لازم الى كان عنده حريه الاختيار يتحمل اعقاب اختياره ويضحى من اجل المجبر الى ماخترش
والتضحيه هنا بالصبر والايمان واللجوء الى ربنا حتى يحمينا من شر الخيانه والمعاصى ومن يتقى الله يجعل له مخرجا .........

[ketty]

موضوع رائع
شكرا اختى على مجهودك

[جالاكسى2006]

انا بشكر كل حبايبى اللى شاركوا معايا فى الموضوع وشاركونى بأرائهم ميرسى يا ضحى قوى والزوجه الوفيه وام وليد وكيتى واختى الغاليه نانا

[لولاية]

موضوعك رائع فعلا فى ناس كتير بتعمل كده لاكن هتستفيد ايه الراجل هى دى طبيعته ربنا خلقه كده لاكن الست زى الجوهره المفروض تحافظ على نفسها كويس 0 لان خيانه المراه غير الراجل خالص

[جالاكسى2006]

ميرسي يا لولايه ياعسل

[nadita]

الحياة الزوجية هي تنازلات من الطرفين و صبر على المر ، لماذا ؟ لأن علاقتهما تتجاوز نفسيهما أو كل واحد منفرد على حدة ، فعلاقتهما هي موهوبة كليا للأسرة أي للبيت و الأولاد ، فأرجو ألا نكون أنانيين و نتحلى بالصبر و نتنازل في بعض الأمور حتى تستمر سفينة الحياة الزوجية رغم كل العواصف