[جالاكسى2006]

شكرا على مرورك يا nadita

[لولينا]

موضوع هايل تسلمى ياقمر

[كادبورى 81]

جزاك الله خيرا يا قمر على الموضوع الرائع

[زينات]

شكرا جالاكسى على موضوعك رائع بجد
انا كمان معاكى و ده بيحصل فعلا فى الحقيقة و كل يوم و لو نفكر شوية هنلاقى انها دايرة .. يعنى زوجه جوزها اهملها و راجل تانى غالبا متجوز بيشاغلها و هو كمان اهمل مراته و هكذا دايرة فساد فى المجتمع .. ربنا يعين كل واحدة تتحلى بالصبر و اخلاق المسلمات و تنقذ بيتها و نفسها و كمان تخرج من الدايرة المحرمة و هى كمان ربنا هايكرمها و يرجع لها جوزها و نبقى بجد ساهمنا فى مجتمع فاضل حقيقى
زينات

[nefrtlove]

ميرسي جالاكسي
انتى صح
وكلامك مظبوط
وربنا يهديهم علينا

[دعاء A]

مشكورة يا عسل على موضوعك الاكثر من رائع ده والواقعي ايضا

[saadelhelaly]

جزاك الله كل الهير انتي فعلا اثرتي موضوع مهم جدا وفي ناس كتير بتعمل كدهوهي عارفة انها بتعنل الغلط و بتخون ومش هاممها اي حاجة و بتقضي وقت جميل و خلاص

[saadelhelaly]

موضوعك رائع فعلا و مهم
وفي ناس فعلا زي ما قلتي بتعمل كده و مش بتتغير و انا اعرف ناس مفيش عندها استعداد للتغير لانها اخدت على كده وارتاحت و اهي بتقضي وقت لطيف و خلاص ربنا يلطف بينا و يستر علينا و عليكم

[raghoda]

موضوع جميل تسلمى

[ام مطلقه]

اختي واضح طبعا من اسمي القرار اللى اخذته انا نموذج من الحاله دي بعدما مريت بكل الحلول لقيت نفسي في طريق غلط طلبت الطلاق بشرف نصيحه لكل اخواتي اللى بيمرو بنفس الظروف احذري تنجيس الامومه باوهام الحب المزيفه والله مزيفه انا قدامكم ماموتش ولا الولادي اتشردو صحيح العتراضات كتير على الطلاق بس صري افضل منغضب ربك ومن نار جهنم اسفه للاطاله

[n.e.h.e.a]

أنا بصراحة شايفة إن اللى جوزها مضايقها تحاول الاول تهتم بيه وبنفسها علشان ميبقاش عنده غير بيته وبس وماتيأسش مهما حصل
ولو مارجعش وكان هوة أصلاً ما يستاهلش وخانها تحتسب دة عند ربنا وتعيش تصون بيتها وأولادها وتشغل كل وقتها فى إرضاء الله عز وجل وبرضوا ماتقصرش فى واجبات بيتها علشان ربنا يرضى عنها وتحتسب الجزاء فى الآخرة
وربنا يعيين ويصبر اى واحدة جوزها بيخونها.

[ام دومى]

شكرا يا جالاكسى على موضوعك و فعلا انا تقريبا شوفت الثلاث انواع دول بين عيلتى و صحباتى بس الحمد لله النوع الرابع ده قريت عنه بس و اللى بتلجأ لرجل اخر غير جوزها بتبقى اكيد مش متدينة و مش قريبة من ربنا عشان كده الشيطان بيقدر عليها و يزين لها المحرمات دى و كأن الراجل اللى بتكلمه ده مش راجل برده زى بقيت الرجاله بيزينه فى نظرها و بيصوره انه ملاك و انه شط الامان و انه فارس الاحلام اللى ياريت انها قابلته الاول قبل جوزها .... طبعا ده كله من الاعيب الشيطان الرجيم لحد ما توقع الفاس فى الراس و توصل الحكايه لابغض الحلال و بكده يكون الشيطان انتصر هو و اعوانه .بالصبر و الدعاء ممكن تغيرى جوزك و انا معاكى ان بعد كل الوسائل المشروعه جوزك متغيرش يبقى لقب مطلقه اشرف و انبل من لقب خائنة و العياذ بالله...

[ام اوس]

شكرا لك بارك الله فيك

[ام الحبايب]

موضوعك هايل بس أنا عندى مشكلة كبيرة ومش عارفة أعمل إية أنا عندى بنتين وزوجى عصبى لأبعد حد كما أنه سليط اللسان ومتقلب المزاج حتى مع البنات على فكرة دى وحدة عندها 6 سنوات والثانية 3 سنوات انا قلت انا مش مهم بس المهم البنات مش عارفة أستمر معاه والا الإنفصال افضل ليهم علشان أعرف اقوم بتربيتهم التربية السليمة

[مسز باسم]

ولما يكونوا الاهل رافضين الطلاق
انا بقى اعرف واحد بيجيب صاحبه يبات فى البيت عنده مع مراته عادى ويسهروا سوا لحد ما فجأة حست انها بتحب صاحبه خصوصا ان جوزها سئ معاها وكتير الناس حذرت جوزها من الموضوع ده بس هو مش فى دماغه واهلها يقولوا لها مش مهم خليكى معاه ماينفعش تبقى مطلقة والناس تقول ايه يعنى ممكن الناس هى اللى تجبر على الخيانة. انا اسفة طبعا انا مش باعطى مبرر للخيانة انا بوضح وجهة نظر

[yamama]

كلامك صح بس يا خسارة مشكلتى انا مالهاش حل حتى ولا الطلاق

[مسز باسم]

ليه يماما مالكيش حل هو انتى مش مسلمة؟
وبعدين هى ايه مشكلتك بالظبط وايه رايك فى الموضوع اللى انا قلته خصوصا ان صاحبه عرف ان مراة صاحبه بتحبه

[mondina]

موضوع جميل وربنا يهدى

[mondina]

موضوع جميل وربنا يهدى

[حواء 2010]

حبايبى انا عايزه اتكلم معاكوا ف موضوع مهم قوى .. بعد الجواز اكيد كل واحده مننا بتشوف عيوب جوزها اللى كان ملاك ايام الخطوبه صح وبتبقى الحياه واقعيه مفيش فيها تمثيل وانتى كمان اكيد جوزك بيشوف عيوبك وبالتالى كلنا بنقول الحياه بعد الجواز اتغيرت...
طيب كتير قوى بنسمع من صديقه لينا.. من اخت.. من قريبه.. من مشكله على منتدى ان جوزى خلاص اتغير معدش بيحبنى بيسهر بره مع اصحابه ويسيبنى وكلام كتيييييييييير قوى من كده صح؟؟؟ اوك فى 3 انواع من الزوجات هانشوف بتتصرف ازاى فى المواقف دى...
* زوجه عاقله بتحاول تتأقلم مع الحياه الجديده اللى هيه اختارتها بايدها وتحاول تتأقلم مع تغيراتها ومش معناه انها تطنش لأ انا قصدى انها بتفكر صح وتحاول ماتضيقش الخناق على جوزها وتكون الزوجه الصالحه اللى ربنا امر بيها ..مثلا لو بيتأخر بره تقابله بوش جميل وابتسامه حلوه ليه اتأخرت ياحبيبى انت بتوحشنى ومره تانيه هاتزعل زعل بهدوء من غير نكد ومره ف مره جوزها بيحاول على قد مايقدر مايزعلهاش وكمان هيه مع الوقت بتتاقلم ماشى وبتمشى الحياه.. طيب نشوف بقى الحاله التانيه
* زوجه نكديه جدا انت اتاخرت ليه انا زهقت دى مش عيشه وهاتك يا نكد ويا اما جوزها بيقول توبه.. يا بيسيبها تقول اللى عايزاه ويعمل اللى ف دماغه ومره ومره برضه وبتعدى
* الزوجه التالته هيه اللى بتطنش خاالص اتأخر عادى اتكلم زى ماتكلمش يعنى بتكبر دماغها وتقول هوه مش هايتغير وتعيش حياتها لبيتها وولادها وتدى جوزها حقه وتقول يارب الثواب عندك ..
طيب لحد دلوقت انا بقى ماقولتش اللى انا عايزه اوصله ليكم معلش انا عارفه انى لكاكه شويه بس استحملونى...
انا فى الاول قلتلكوا فى 3 انواع صح ...لألألأ فى نوع رابع وهوه ده اللى انا كاتبه موضوعى له ..ايوه انا كاتبه موضوعى ليكى بكلم اختى فى الله ,,
النوع الرابع وهوه الزوجه اللى شايفه جوزها وحش قوى ومش بيحبها ومش بيديها حقها وبيهملها ووووووو..... وحاجات كتير احنا كلنا معاكى وكلنا مصدقين ان جوزك كده فعلا طيب النتيجه ايييييييييييه
انك تخونى؟؟؟؟؟
تخونى جوزك؟؟؟؟ تخونى ربنا؟؟؟؟ ايوه انتى كده بتخونى ربنا بتنقضى عهده ..انتى ناسيه ان الزواج ده ميثاق غليظ....
لا ياحبيبتى لا مهما كان جوزك وحش الا الخيانه اوعى صدقينى الشات مع واحد فاضى مش ده اللى هايصلحلك جوزك كلامك فى التليفون مع واحد بيتسلى بيكى مش ده اللى هايصلحلك جوزك لا ياحبيبتى انا خايفه عليكى.... صدقينى صلحى علاقتك مع ربنا ادعيله ان ربنا يهديه صلى قضاء حاجه بنيه ان ربنا يسخره ليكى ويسخرك له قومى الليل ادعى من قلبك..... هاتقوليلى لسه زى ماهوه هاقولك اصبرى ( انما يوفى الصابرون اجرهم بغير حساب ) ايوه هاتتكتبى عند ربنا من الصابرين
اويه سامعاكى انتى بتقوليلى مش قادره انا انسان مش ملاك ولا يكلف الله نفسا الا وسعها ... ساعتها هاقولك اطلبى الطلاق...... ايوه اطلبى الطلاق لقب مطلقه احسن كتير من لقب خاينه الطلاق لو على حق مش هايدخلك النار مش هاينزل عليكى غضب ربنا انما الخيانه هيه دى اللى هاتوديكى طريق الاهوال .... ايوه يا حبيبتى لو ضاقت الدنيا ومعدش حلول ربنا شرع الطلاق عشان كده عشان تقابلى انسان تانى يكون احسن ولا ايه.... اوعى تقولى انا هاعيش وخلاص وادينى بلاقى الحنان (المزيف) والحب (الوهمى) على الشات او التليفون او مع اخو صاحبتى او او او لا انا بقولك ماتعيشيش لو ده الحل ارجعى بيت اهلك وانتى لسه زوجه صالحه عملتى اللى عليكى ورضيتى ربنا اوعى يا حيبتى تخسرى الدنيا والاخر.....
اااااااااااااااااسفه للاطاله

جزاكى الله خير كل كلامك صح