[حواء 2010]

على فكره يا جماعه رد الاخت زينات رائع وحقيقى مئه بالمئه
جزاكى الله كل خير

[memoza]

[حبيبة أحمد]

مشكورة على الموضوع
فهلا ده اللي بيحصل بس لازم الصبر و مصارحة الزوج بهدوء

[تويتى سويت]

طيب ورأيكم ايه فى الزوج اللى بيعمل كل ده واحنا لسة ايام الخطوبة
ومع ذلك انا كنت وبقيت نوعين من النساء اللى جلاكسى قالت عليهم
فى الاول كنت نكديه وبعمل مشاكل ويااما تمشى صح وتبطل التهريج ده
علشان انت بقيت انسان مسؤل يااما كل واحد يروح لحاله وكان للأسف
العند والعصبية وتصليب الرأى مش من صالحى لانه فضل الانفصال
على انى اتعصب عليه واعتبره هو اسلوب فرض رأى وان هو الراجل
ومينفعش اناقش ولااجادل بنرفزة والا اللى هو عاوزه هو اللى هيمشى
طيب انطويت على نفسى فترة قولت طب والحل انا بحب خطيبى ومش
عاوزة اخسره ولازم اتدرب علشان اكيد بعد الجواز هتقابلنى عقبات كتيرة
اوى من الصنف ده وبكده اتنازلت عن العند والعصبية وفضلت وقررت انى
اكون النوع التانى من النساء (الصابرة الحمولة) مفيش قدامى حل تانى
حاولت البس قناع الهدوء والصبر وانا جوايا بركان لو خرج كان ممكن يدمر
كل حاجه قدامه بس اعمل ايه مش عاوزه اخسر حياتى واخد لقب مخطوبة للمرة
التانية وخطوبتها منفعتش قررت اصبر وامثل الهدوء اهو منها اخف المشاكل شوية
ومنها احاول اعود نفس على الهدوء كتدريب زى ماقولتلكم وبكده قدرت فعلا والله
بالصبر والدعاء لله لقيت ان الاعاصير والزعابيب والبراكين اللى كانت بينى وبينى
هديت جدا بفضل الله ومن ثم الصبر ماعدا مشاكل طفيفة الوارده على كل اتنين
بس الحمدلله افضل بكتير من الاول
طولت عليكم بس كل القصد انى اقولكم ان الصبر والدعاء وعدم التسرع وعدم التزامنا كحريم يعنى بالعاده والطبع المعروف عننا بلا فخر وهو النكد والبوز والنرفزة وهياج الاعصاب لما اتجنبت كل الحاجات دى لقيت حياتى اختلفت فانا
بفضل انى اكون النوع التانى من النساء (الصابرات) وزى ماذكرت الاية الكريمة
(انما يوفى الصابرون اجرهم بغير حساب) انا كده ابقى طمعانة فى اللى عند الله
مش اللى عند جوزى انا عارفة ان ربنا مش هيخيب رجائى ابدا وربنا يهدى
كل الازواج والزوجات ويسخرهم لبعض يارب

[امان الروح]

مشكوررررررررررررةةةة على الموضوع جميل جدا