[هبه مجدى]

السلام عليكم ورحمة الله وبركاته انا جاتلى فكرة موضوع هو بداية التزام كل واحده وكانت ايه هي حكاية التزامها سواء كانت اتحجبت متاخرا او ابتدت تطلع على الكتب الدينيه وتحضر دروس علم وكل حكايه اكيد صحبتها لما حتحكيها حتفتكر امتى ربنا حبها وحب يقربها ليه وامتى اخترها علشان تكون من التوابين والصالحين واكيد لما كل واحده فينا حتفتكر لو هيه ناسيه حترجع تقرب تانى من الرحمن اللى كانت رحمته بيها اكبر من الدنيا وما فيها وانا حبتدى بنفسى انا اتحجبت وانا فى 3 اعدادى وابتديت الالتزام الفعلى وانا فى الجامعه فى سنه تانيه عمرى ما حنسى يوم ما حضرت درس عن وفاة رسول الله صلى الله عليه وسلم وفى اليوم ده اتهزيت جدا وحسيت اد ايه ان رسول الله عظيم واد ايه الله سبحانه وتعالى كريم ومن وقتها واظبت على دروس المسجد وسماع حلقات الداعيه عمرو خالد ولاقيت ان كل ده ما اشبعش رغبتى فى طلب العلم الشرعى فقررت ان بعد الجامعه التحق بمعهد اعداد الدعاه وكانت دى نعمة ربنا سبحانه وتعالى عليا وانا دلوقتى بفضل الله فى السنه الرابعه بمعهد اعداد الدعاه وبامتحن واخيرا اسالكم الدعاء بالتوفيق والثبات وياللا عايزه اسمع حكاياتكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
تعالوا نفتكر(2)البدايه
http://forums.fatakat.com/thread36862

[هبه مجدى]

ياللا يا بنات مين حتفتكر

[ورده الحب الصافى]

أنا أنا أنا يابيبو هفتكر معاكى أهه
أنا أبتديت أصلى وأنا فى 2 إعدادى وإلتزمت فى الصلاه وأنا فى 2 ثانوى
والحمد لله إلتزمت بالنوافل
وأنا فى 3 ثانوى
وكل ده وأنا بصلى من نفسي من غير دروس ولا توعيه من الأهل ولا حتى تقليد لزمايلى والله هو اللى شاهد
كنت بصلى لأنى عارفه إن الصلاه هى اللى هتقوينى على كل خير
وبعد كده
لاقيت السور اللى أنا حفظاها مش بكتفى الصلاه
فقررت أنى أحفظ وعلى فكره ده من نفسي من غير دروس تجويد
هو غلط بس كنت عايزه أحمس نفسي والحمد لله ربنا قدرنى
وكان عندنا فى الشغل الحمد لله كل الموظفات والدكاتره السيدات
كانوا بيصلوا وعلشان ماكانش فى غير حمام واحد كنت بروح أتوضأ قبل الصلاه بربع ساعه أو نص ساعه علشان الزحمه وأحنا كتير
ولما الأذان كان بيأذن بروح لكل واحده مكتبها وأقولها الأذان .. مش هتصلى
لكن زميلاتى فى المكتب كانوا بيفضلوا يصلوا فى البيت
بس على مين كنت بقوللهم اللى تضمن إنها هتروح بيتها
يبقى ماتصليش معانا
كنت بحرجهم أصلى زنانه
ههههههه
وبحاول دلوقتى أروح لدروس التحفيظ الصحيحه
لأنى بنت خالى أصغر منى والحمد لله حافظه المصحف كامل بالتجويد وبتعمل حلقات فى الكتاب لتحفيظ الأطفال والكبار
طولت صح
أعملك أيه أنا واحده رغايه
هههههههههههه
ربنا يوفقك يابيبو فى حياتك ويسعدك
اللهم آمين

[هبه مجدى]

جزاكى الله كل خير وربنا يثبتك

[هبه مجدى]

ياالا مين تانى حتفتكر

[هبه مجدى]

ياالا يابنات

[بيلسان1]

طيب أنا كمان رح أتذكر يوم ما التزمت بالحجاب الكامل يعني مش بس الطرحة وكمان الجلباب كنت بصف عاشر يعني 15 سنة بس كان كتير يوم حلو حسيت إني قريبة من ربنا واني استجبت لدعوته وحتى لو متت بهداك اليوم مش رح أخاف لاني بيوم طاعة وطبعاً الي دعاني للحجاب معلمة كنت كتير أحبها و أعتبرها قدوة حتى كنت أحب ألبس زيها والله يجزيك الخير عالموضوع الحلو

[هبه مجدى]

جزاكى الله خير الجزاء وخير العمل وخير الدارين

[هبه مجدى]

ياللا يابنات

[هبه مجدى]

بجد خلاص تعبت ياللا بقى

[هبه مجدى]

كده برضه؟

[ام شوكت]

[هبه مجدى]

جزاكى الله خيرا

[أسعد أم]

تعرفي يا هبه بتصعبي عليا بحس انك بتوجعي قلبك جامد بس ربنا ينفع بيكي يارب

[نيللي]

بصي يا ستي انا هحكي بصراحة ماما كانت دايما تدفعنا للصلاة ولكني كنت زي بنات كتير كنت بطنش وكانت تقولي دة انتي لما كنتي صغيرة كنتي بتصلي هتخيبي على كبر وكنت اصلي شوية وابطل شوية وكان اخويا الصغير اسلام ربنا يرجعه بالسلامة كان ملتزم وهو في اولى ثانوي وكان بيخصمني لما يلاقيني مش بصلي وانا بحبه اوي وكان يقول لنا بلاش الأغاني وقللوا من التلفاز وكنت اقول معقول الواحد ما يسمعش اغاني ويتفرج على التلفاز هي دي تبقى عيشة ههههههههه
والمهم بقيت اصلي والتزمت اكتر في الصلاة بعد الجواز وبعد جوازي بسنة اتوفت امي فألتزمت اكتر وبقيت احفظ القرآن وبعدها بأقل من عامين اتوفت اختي الكبيرة اكبر مني باربع سنين فألتزمت اكتر واكتر والحمد لله رمضان الماضي لبست النقاب
وكل يوم اقول الحمد لله الذي هداني قبل ان يتوفاني والفضل طبعا لربنا ثم اخويا

[ام القمر]

انا هفتكر معاكي انا اتحجبت من تانيه اعدادي بس كان مش التزام حقيقي وفضلت كل شويه ايماني يزيد وينقص لحد مااتجوزت وربنا رزقني باحلي صحبه واحده جارتي اخدتني معاها للدروس في المسجد بعدكده قربت من ربنا جدا واخدت بايد ناس والتزمت جدا ويمكن الي قربني اكتر واكتر اني كنت بدعي ربنا كتيير يرزقني بذريه الصالحه منا مخلفتش الابعد6سنوات من الزواج وكمان رحت احفظ قران في معهد من المعاهد الازهريه وبعدين لقيت نفسي حامل وبعدين رزقت بيحيى ومجهودي في العباده قل جدا وده ماثر علي حالتي النفسيه نفسي ارجع ذي ماكنت واحسن مفيش احلي من القرب من ربنا

[هبه مجدى]

شكرا يا نيللى وعلى فكره ممكن تتفرجى على التلفزيون بس بطريقه صح وممكن تسمعى اغانى بس اغانى صح فهمانى؟

[هبه مجدى]

وانتى يا ام القمر اوعى تقولى انك بعدتى لانك كل ما حتبصى لاولادك حتفتكرى انك لما قربتى من ربنا ربنا كافئك بيهم فماتحاوليش انك تكونى بعيده ذكرى نفسك دايما ان قربك هوه سبب سعادتك

[هبه مجدى]

ياللا يابنات مين تانى حتفتكر

[ام جنى 2]

انا بقى ياستى لبست الحجاب و انا فى رابعه جامعه فجاه ما كنش بسمع دروس ولا حاجه بس حسيت انى ذهقت اووووووووى من انى البس ديق و قصير و الناس تفضل تبحلق فيه اتكسفت من نفسى بس بصراحه كنت برده بقطع فى الصلاه و كان بابا دائما يقولى اهم حاجه علاقتك بربنا و هى الصلاه اوعى تبعدى عنها ابدا لانه كان كل فروضه فى المسجد علشان كان بيأذن لكل صلاه لما توفى بابا اتقربت اووووووووووى من ربنا و بدات احسن من لبسى و احترم حجابى بانى البس دائما جيبات على بلوزات واسعه و بعد ما اتجوزت كنت بسمع شرائط كتير دينيه و سمعت شريط وفاه الرسول صلى الله عليه و سلم هو فعلا مؤثر جدا جداجدا و فضلت اعيط مش قادره اقولك اد ايه و شريط تانى للشيخ محمود المصرى عن الحجاب الشرعى من ساعتها و انا التزمت اكتر و اكتر و قررت لبس الاسدال و الحمد لله بصلى النوافل كمان و عوزاكم تباركولى علشان يوم 23 او 24 من شهر 7 هاطلع عمره عقبالكم يارب عمره رجب و جزاكى الله كل خير عنا ياهبه و نفسى اسألك فين معهد اعداد الدعاه ده انا سمعت عن مسجد النور انه بيعمل سنتين لاعداد الدعاه بس معرفش ان فى معهد ياريت تكتبى عنوانه و لو ليه شروط