[n-jet]

السلام عليكم
أنا وزني 72 كغ و طولي 163 و أود أن أنقص 10 كغ
إذا أمكن دلوني علي طريقة لأتحكم في نفسي علما أنني لا أمارس الرياضة و لا أمشي
أواجه صعوبة في التحكم في نفسي ففي كل مرة أنوي القيام بالريجيم لا أتابع الوصف المطلوب بل بالعكس أزداد شراهة في الأكل
أفيدوني أفادكم الله
شكرا

[shosho83]

فعلا والهى احلى رجيم

[داليا محمد نور]

شكرا جدا على النظام الجميل ده،ده بجد اول نظام يشجعني انه اعمله ـ بس كنت عايزة اعرف النتيجة هتظهر بعد اد ايه ـ وكمان كنت عايزة اعرف لو في نظام لنزول البطن

[فتكات]

ما شاء الله ما شاء الله .. ايه ده كله ايه ده كله ؟
اولا احب اشكر الجميع لمشاركتهم في البرنامج الغذائي ده ..
ثانيا النظام ده زيه زي اي نظام صحي ينتقص الوزن فيه من 2و نصف الى 3 كيلو جرام بالاسبوع لا اقل و لا اكثر ..
ثالثا بما ان فيه مجموعة حلوة كده اجمعت يبقى نحدد معاد يناسب الجميع وعبركة الله.. عايزين نستقبل السنة الجديدة باجسام حلوة و نفسية احلى .. و كل سنة و انتو ارشق و بالف صحة و سعادة !
بالنسبة لسؤال الغالية ( ان جيت ) كنت في بداية الريجيم باستعين بمشروب الاعشاب اللي ذكرته الاخت هالة في المنتدى و كان خير معين .. لكن اظن ان النظام ده مش محتاج سد نفس لانه مشبع فعلا و انت نفسك لما تبداي ان شاء الله هتحسي بكده ..
و بالنسبة ليك يا داليا العزيزة ان شاء الله لما توصلي للوزن اللي انتي عايزاه لو كان لسه فيه بطن يبقى مشروب الكمون و الرياضة هم حلك الامثل ..

[لولوه]

مساء الخير على الجميع مفيش نظام غذائي جديد وماهو مشروب الكمون وهل هو مفيد

[لولوه]

مساء الخير على الجميع
كيف حالكم , ممكن اعرف ماهو شراب الكمون وماهي طريقة استخدامه وهل ينقص الوزن

[فتكات]

مساء الفل عليكي يا لولوة .. لو تصفحتي منتدى الرشاقة كله هتلاقي اكثر من تلات او اربع انظمة مختلفين تماما ..
مشروب الكمون ده انا سمعت عبد العال كان بيقول عليه و فعلا انا جربته فترة بس مشكلته انه المفروض يتشرب قبل الاكل بربع او نصف ساعة لتحقيق النتيجة المرجوة .. و انا ما كنتش بفتكر اخده الا لما اشوف الاكل عالسفرة ..
هو بيتكون من نصف ملعقة كمون و ليمونة كاملة بالقشر و البذر مقطعة شرايح و قرفة و جنزبيل كل ده في كباية ماء مغلي لمدة عشر دقايق و بعدين بالهنا و الشفا .. مش قادرة اقولك على جمال طعمه

[alanoooooood]

هااااااااااي مرحبا انا العنود من السعودية ياناس ساعدوني ابغي انحف
انا طولي 150 وزني 62 يعني غير متناسق لاني قصيرة بليييييز ابغي حل سريع ؟
وانا شفت الدايت هاذا وعجبني وانشاءاللة رح استمر علية واقولكم النتجية باقرب فرصة ادعولي

[sosa_nona]

ازيكم انا ام اسماء واتبسط اوي من نظام الرجيم وهبدا ياريت تشجعوني وانا هبدا من دلوقتي طولي 165 ووزني 95 نفسي اخس 25 كيلو

[سلوى س]

thanks a lot

[shosho83]

هاى بجد انا نفسى اخس بس بحب الاكل موووووت كل ما افكر اعمل رجيم يبوز بسبب الحلويات انا عايزه حل طوالى 170 ووزنى 85 بليز يا فتكات ردى عليا

[نور السعوديه]

السلام عليكم ورحمة الله وبركاته
انا توني جديده بس حبيت منتداكم اتمنى تعتبروني صديقه احس اني وحيده بليز راسلوني
علشااااااااان اقدر اراسلكم 00
واحس اني بين خواتي00
المهم تسلمين اختي على الموضوع000

[kajoo]

انا كاجو وبصراحة انا لسه جديدة جدا وان شاء الله همشى على النظام ده بحزافيره وربنا يسهل لانى انا وزنى تقريبا 88 وطولى 164 وامنية حياتى اوصل ل60 وخسيت كتير وبرجع تانى ادعولى

[فوفه 79]

مساء الخير
فعلا النظام ده حلو وحسه انه مريح احسن من النظام اللى المدربه فى النادى مخليانا مشين عليه
وانا عندى وصفه لازاله الكرش ممكن تيفدكم وكان قالها دكتور فى التليفزيون وهى
2معلقه نعناع ناشف اى يابس
2معلقه قشر رمان
2معلقه زنجبيل بودره
يخلطو مع بعض وتحفظ الخلطه فى برطمان زجاج وتضع فى الثلاجه للحفاظ عليها
وتستخدم 1معلقه صغيرة على كوب ماء مغلى بدون سكر وتشرب بعد الاكل بنصف ساعه
3مرات يوميا

[ايمان فريد]

السلام عليكم ورحمه الله وبركاته انا اختى سمينه كتير بس عنده حساسيه على صدرها والقلب تعبان عوزه ليها نظام كويس

[ايمان فريد]

اولا : وجبة الفطور :
ربع رغيف بلدي + 4 ملاعق فول بدون زيت او سمن.
او ربع رغيف بلدي + بيضة مسلوقة.
او ربع رغيف بلدي + قطعة جبن قريش (50 جم) .
او 2 ثمرة فاكهة + كوب شاي بملعقة سكر واحدة او شاي بحليب ( بدون سكر).
ثانيا: وجبة الغداء:
ربع رغيف بلدي او 3 ملاعق مكرونة او 3 ملاعق ارز
+ طبق سوتيه او شوربة خضار من غير بطاطس ويراعى ان تكون على شوربة لحم او ماء(بدون وش).
+ طبق سلطة خضراء اي كمية بثمرة طماطم واحدة.
+1 او 2 شريحة لحم حمراء مسلوقة او مشوية (150جم) او ربع فرخة مسلوقة او مشوية (بدون جلد من الصدر) او 3 سمكات مشوية (متوسطة الحجم) او تونا مصفاة من الزيت او 2 بيضة مسلوقة.
+ فاكهة واحدة متوسطة الحجم.
ثالثا: وجبة العشاء :
كوب حليب منزوع الدسم بدون سكر.
او كوب زبادي متوسط بدون وش.
او قطعة جبن قريش + خيار + طماطم (ثمرة واحدة).
او فاكهة ( 2 ثمرة من اي نوع متوسطة الحجم).

ملحوظة:
اي نوع من الفاكهة يعني الفاكهة المسموح بها فقط وليس الفاكهة الممنوعة (المحرمة) ، والفاكهة المسموحة هي:
التفاح ، الخوخ ، البرقوق ، الكنتالوب ، جوافة ، البرتقال ، الموز ، الكمثرى. (يعني مفيش مانجو )

بعض التعليمات:
ممنوع اضافة وجبة سابقة لم تؤكل الى الوجبة التالية لها.
يجب المشي يوميا على الاقل لنصف ساعة.
عدم الشرب وسط الاكل.
ميزان واحد فقط لقراءة وزن الجسم.
عند الاحساس بالجوع بين الوجبات يمكن اكل هذه الاصناف باي كمية :
الفجل ، الجرجير ، الخيار ، القثاء ، الفلفل الاخضر ، البقدونس ، الكرات ، الخس ، الجزر (حبتان فقط).
*زجاجة مياه غازية او 3 قوالب سكر = رغيف عيش كامل*

الف الف شكر لللاهتمام با لاعضاء جزاكم الله كل خير

[hala_2007]

ينفع كدة والله انا معرف حاجة عن اللي انتو بنتقولوة دة لا انا بادية ريجيم من حوالي شهرين بس اوكي نبتدي من بكرة معاكو اوكي
طولي 165
وزني 85
عايزة اوصل ان شاء اللة الي65 يا رب النهاردة الجمعة معادنا الجمعة الجاية اوكي
بس انا اقترح عشان التشجيع كل واحدة تجيب نتيجة اكبر نديها وسام يعني زي الرابح الاكبر ونسميها الرابحة الكبري اية رائيكم

[m_maha]

السلام عليكم ورحمة الله وبركاتة
النهاردة فكرة فى ريجيم جماعى للتشجيع ودخلت القسم لاول مرة واتفاجئت بنشاطكم المميز وبدائت النهاردة باذن الله
طولى 155ووزنى 73 وان شاء الله ارجع زى قبل الزواج 57
وحددت يوميا نصف ساعة تمارين وكوب ماء بملعقة خل تفاح
ومشى ساعتين يوم ويوم عشان الاطفال
وصيام الاثنين والخميس بالنيتين
ويوم فى الاسبوع اكل الى نفسى فيه وزيادة التمارين والمشى

[hobe_ahmed157]

بصراحة انا اول مرة ادخل فتكات ومبسوطة جدا من المجهود الرائع اللة انا شيفاة
وياريت تقبلونى اخت ليكم
انا نفسى اخس جدا بس المشكلة كلها فى خطيبى بيخلينى اكل كتير قوى انا كان وزنى من ست شهور 66كيلو دلوقتى بقا 78كيلو وطولى 68
نفسى ابقا 60 انا عاملة نظام اكل بس هو صعب شوية
مش باكل حاجة خالص فى اليوم كلة غير 2كرواسون او قطعة كيكة بس ودا بصراحة بيخلينى اخس بس بحس بدوخة على طول انا بدئا فى الرجيم دة من 4 ايام وخسيت كيلو ونص بس المشكلة كلها فى الدوخة
ياريت الاقى عند اختى العزيزة فتكات حل للمشكلة دى
وكمان انابشرب شاى باللبن كتير طول اليوم بس انا عايزة اهم حاجة عندى بطنى مش عايزة تخس خالص
ياريت لو الاقى وصفة ممكن تقوليهالى عشان بطنى معقدانى جدا جدا


واخيرا احب اشكركم كلكم على المجهود الرائع دة
ياريت تقبلونى اخت ليكم وتشركونى فى مشكلتى

[رانيه]

ريجيم ممتاز وصحي وفي كل العناصر الغزائيه