[أم مهند]

.مفيش يوم بيعدى الا واحنا فى حاجة زعلتنا او غازتنا ياإما احنا الى عملناها او اتعملت فينا بس ماينفعش نحكى
يمكن مكسوفين من الى عملناه
ويمكن مش عايزين حد يشمت فينا
بس هنا مفيش كسوف فضفضى ولا يهمك
وعلشان يبقى فى جانب كويس لو عملنا الحاجة الوحشة نستغفر
ولو اتعملت فينا ندعى واخواتنا الفتوكات يدعولنا ربنا يصبرنا وفى دعاء حلو اوى مامتى قالتهولى (اللهم لا تجعل فى قلوبنا غلا للذين امنوا ).

[اسكندرانى]

فكره حلوه خالص
بس كل اللى جواه حاجه بيكتبها فى فضفضه وتجارب
انا لو لقيت حاجه غيظانى هقولهالك بدون تردد لانى حاليا مش عاوزه افتكر اللى غايظنى

شكرا يا ام مهند على سعة صدرك

[أمولة]

http://content.sweetim.com/tbsig/sig.asp?img=ad1

[أم مهند]

شكرا لردودكوا
بس انا كان قصدى الحاجات العابرة
يعنى مثلا بصيت لحد بصة وحشة
رديت على مامتى رد بايخ
او جوزى قالى تعبير رخم
كدة يعنى وطبعا لو فى حاجة اكبر ومالة
بس فى فتوكات بيحبوا قسم الدردشة وانا منهم

[أم مهند]

انا هبدأ
انا النهاردة أخرت صلاة الظهر
يارب سامحنى
اللهم اغفرلى

[شرين عمر]

انا قعدة معكم وفات على العصر ساعة انا هقوم اصلى يارب سامحنى

[أم مهند]

وانا كمان هقوم اصلى العصر
اللهم اغفر لى ولوالدى والمسلمين والمسلمات الاحياء منهم والاموات وقنا عذاب النار

[كنوز الشرق]

حلو اوى الفكرة دى
تسمحولى اشااااارك باللى بيغظنى ومش يوم واحد لاء كل يوووووووووم الميكروباااصااااااااااات وسواقين الميكروباصات .............معرفش اعمل اية

[فراشه الحب]

انا بقى اللى غايظنى انى بتصل بشخص لا بيرد عليا هتشل

[shosho5003]

انا برده اكتر حاجه دلوقتى غايظانى ومضيقانى انى برده بتصل بشخص ومش بيرد او بيكنسل بس الموضوع ده بقاله كام يوم فمضايقنى جدا

[أم مهند]

ولاعاش ولاكان الى يزعلكوا
يارب يرد عليكو يارب
حلو كدة

[فراشه الحب]

لا والله انا متعصبه اوى حاسه انى هيجيلى الضغط

[heba saad]

بعد الشر عليكى يا فراشة
انا بقا اللى بيغظنى الواد اخوية بيعندنى في كل حاجة
حد عندة حل

[أم مهند]

المسايسة هى الحل لو سنة صغير الهزار والشيكولاتة هم الحل ولو كبير الصداقة والحنية هم الحل جربى ومش هتندمى

[فراشه الحب]

ده لو مت امامه مش هيرد لانه عنيد موت والمصيبه هو اخويا ولما يزعل مش بيعمل حساب لاحد

[sadrose]

انا اكتر حاجة بتغيظنى انى علطول متعصبة ومتنرفزة وبدور على اتفة الاسباب واتخانق مع خطيبى واكتر حاجة بتغظنى منة انة على مهلة قويييييييييييييييييييييييييييييييييييييييييى بيجننى انا علطول عايز ة كل حاجة تخلص وهو بطئ قوى

[7abibet gozha]

ana mt3sba mn 3abdeen bt3 moslsl nour
w mn gozy 3shan mklmnesh l7d dlw2t

[temoon.pompa]

اااااااه وانا باه اهو قاعده مع فتكات والعشا اذن من بدرى والمفروض اخلى عندى دم واقوم اصلى .........
شكرا ليكى يا ام مهند على موضوعك يا سكره

[أم مهند]

مستعجلة على اية بكرة تقولى ياريتنى كنت مخطوبه على طول
انت لازم تقعدى معاة وتكلمية بهدوء وتفهمية انة لازم يتلحلح شويتين ووحدة وحدة ياتى الله بالفرج

[smsmah]

حبيبه جوزها انا هموت من عابدين بتاع مسلسل نور فعلا معندوش دم ولا اخلاق
باينه خطف الوليه النهارده
ربنا يستر ومهند يرجعها
اما مهند يبنات فعلا زي القمر قمر قمر يعني