2
وضع شحيبر المخدات على راسه محاولا النوم
وبدا بالفعل يغط غطيطا يسمع صوته الجيران
بعد لحظات قليلة قام مفزوعا على صوت خبط
على الباب وكانه ركل بالارجل
ذكره بزوار الفجر ربنا ما يحكم على احد
طااااااااااخ ------------طاااااااااااااخ
------------طااااااااااااااخ
---------طييييييييخ
فتح الباب
ميدو ابن الجيران يلعب بالاسكوتر على السلم
وطاخ هنا مرة وهناك مرة
اييييييييييه اللى بيحصل ده
خرجت الست نعمات وشهقت وهى تتف
فى عبها من الخضة
::يوووووه يقطعنى انت هنا ياسى شحيبر
اصل الواد ياخويا عنده بعيد عنك جديرى
مائى ومنعوه من المدرسه قلت اسيبه يلعب
على السلم شوية
بدل ماهو مجننى فى البيت
ادخل يا مقصوف الرقبه كده زعلت عمك شحيبر
معلش ياخويا مستاسفين
حصل خير بس ياريت ميعملش
دوشه تانى عاوز انااااااااااااام
دخل شحيبر واعاد وضع المخدات
على راسه محاولا استعادة النوم
بعد 10 دقائق
رن جرس التلفون تررررررررررررررررن
الووووووووووو
التلفون اتصلح مبروك
التلفون عطلان بقى له شهر وعمل شحيبر البدع
لاصلاحه ولم يحدث حبك يتصلح النهارده
ايوة ياسيدى مادام انا بارد عليك يبقى اتصلح
اولا انا انسه مش راجل وبعدين بتزعق ليه
ده بدل ما تقول متشكرين
خلاص ياستى حقك عليا متشكرين
قفل السكه وقطع السلك باسنانه ليتاكد
ان التلفون مش هيرن تانى
وعاد لمحاولات النوم المستميته
بعد ربع ساعة رننننننننننننننننن جرس الباب
عثمان البواب
عاوز ايه يازفت
الست فكيهة اللى فى الدور الرابع عتجول لك
لم الغسيل عشان هى عاوزة تنفض لا مؤاخذة السجاد
افرض انى مش فى البيت
يابيه قد اظعر من ازجر (قد اعذر من انذر)
الست حرمكم المرة اللى فاتت دبت خناجة
لرب السما من تحت راس المودوع ده
انا بلغتك وعملت اللى عليا
تذكر شحيبر ما فعلته زوجته وهى تردح للست فكيهة
لما نفضت السجاد على الغسيل وكيف انه طلعها
من الحجز بكفاله لانها فتحت راس الست
وجوزها وبنتها
طلع شحيبر ولم الغسيل بمنتهى الجنتله
وعاد شحيبر يحاول النوم لاعنا اليوم اللى مش فايت ده
ياترى شحيبر هينام ده اللى هنعرفه بكره
