[ام كيكي]

انا رأيي تغيري نمره تليفونك

[وحيده بدون امي]

ربنا يصلح الجميع

[مصراويه]

هى المشكله فى التيلفون وبس ماهم عارفين طريق بيتنا يا أم كيكى - مشكوره لمروك أنتى ووحيده.

[أميرة عبد الهادى]

حقيقى دماغى وجعتنى كان الله فى عونك

[undonelife]

بصراحه مع جوز مش بيحسن عشرتها ليها حق تقرف
ربنا يهديهم ويعمل اللي فيه الخير

[مصراويه]

شكراً لمشاركاتكم - ربنا يخليكم ويصلح حال بيوت المسلمين كلهم يارب.

[nadaQ]

مشكوره يا مصراويه على القصه الواقعيه او المأساة .الحقيقه انت تعبت برده معاهم وارجو ان لا يؤثر ذلك على حياتك. مهي خربانه خربانه معاهم ربنا يستر.
اولا: انا اؤيد تحريم هذه العلاقات والزيجات لما فيها الوقوع في الشبهات اللي عايز يتجوز دا مش حرام بس يكون قد حاله ويعلن الزواج ويفتح بيت تاني وينصف في المعامله.
ثانيا: مش كل واحده مبتبوسش جوزها يقوم يتجوز عليها دا مش سبب طب ليه ما يحاولش يعرف السبب لو هو معني باصلاح بيته يمكن هو السبب في بعدها عنه قلة حنيته عليها مثلا او اهمال نظافته طب انا اعرف نساء كتير مبتبوسش عشان رائحة فمه كريهه بس متطلقوش.
ثالثا: انا انصح انهم يبعدوا شويه عن بعض باتفاق من غير طلاق لان الطلاق صعب جدا!!!!!!!! وان ينفق الزوج على عياله لان دا واجب عليه امام الله والمجتمع ويقرروا يكملوا ولا لأ بعد ما يبعدوا شويه عن بعض وربنا يجيب الي فيه الخير

[مصراويه]

ألف شكر يا ندى على ردك وأنا معاكى فى كل إللى قولتيه .
ومن ناحية التأثير على حياتى هو أثر بصراحه ساعات أنا وجوزى كنا نتخانق بسببهم طبعاً هو متبنى وجهة نظر صاحبه وأنا مع أم العيال الغلبانه إللى ملهاش حد -بس الحمد لله أهى بتعدى على خير وربنا يستر .

[@@خبيرة تجميل متخصصة@@]

اولا:- طبعاً هى اللى غلطانه مادام مش بتديله اللى هو عايزه

ثانياً :-لازم تفكر كويس قبل ما تطلق دى هتبقى التالته وواضح انهم من النوع اللى لا بحبه و لا بقدر على بعده
تجيلهم الهفة يطلقوا و بعد شويه يرجعوا

ثالثاً :- انا موافقاكى جداً فى رأيك
هى تعيش لاولادها و خلاص و تسيبه بقى يشوف مصلحته مع مراته التانيه
ياما تحاول تغير من نفسها و ترضيه و ساعتها بقى هو هيفضل ام عياله و عشرة عمره على الجديده و يطلقها من نفسه

وياما زوجات عايشين فى امان و سلام و مبسوطين جداً بس الرك على الزوج اللى يدى لكل واحده حقها و ميقصرش مع اى واحدة فيهم

بصراحة انا مع الاخت ام مريم ربنا يكرمك ياجميل

[مصراويه]

خبيرة تجميل متخصصة
مشكوره لمشاركتك .

[ام سراج]

انا من راي ام مريم وخبيره التجمييل..لأن الراجل ماغلطش هوه مش لاقي اللي عايزه في بيته..بدال مايقع في الحرام ..اتجوز وعاش بين البيتين
وبعدين علاقتهم عامله ايه اذا كانت مش بترضى تعمل اقل حاجه واللي هي دليل المحبه عندي..البوسه حتى لو جوزي ريحه بقه وحشه..انا اصلاً مش ح اخد بالي الا لو انا حاطه في دماغي وبعدين ممكن تديله ملبسايه الاول..مش صعبه دي..!!
بالنسبه لهم هيه تعيش معاه بلاش الطلاق..دول 5عيال..واذا كانت مش عايزاه ييجي عندها..هوه برده مايركبش دماغه كفايه عليه التانيه..ويمشوا حالهم على كده
بالنسبه لك انت وجوزك...عزلوا..ولا اقولك سيبوا لهم البلد خالص..وتعالوا عندي
ماشي؟

[مصراويه]

يا سلام يا أم سراج مرسى على الدعوه بس حاسبى لأشبط بجد.
إحنا فى آخر مقابله معاهم من كام يوم هى مصممه يطلق التانيه
يا يطلقها هيه ومش قابله الوضع كده نهائى مهما كانت النتايج
وغلبت معاها وريقى نشف -
ونفس الوضع مع جوزها مش عاوز يطلق التانيه
بالعكس بقى بينى وبينكم وما حدش قال لمراته طبعاً قال إنه ممكن أوى
يطلق أم العيال ومايطلقش التانيه وإنه لسه بيفكر فى الحكايه دى .
وبصراحه أنا مقدره موقفها بس فى الحالات إللى زى دى المفروض
الواحده لما تلاقى جوزها أنانى بالشكل ده وإن اولادها مستقبلهم مهدد
تيجى هى على نفسها شويه علشان خاطرهم - لكن هى بتقول إشمعنى أنا ؟
ويظهر كده إنها حتيجى منها هى وجوزها ويبطلوا يدخلونا فى الموضوع ده
لأن كلامى ليها وكلام جوزى لجوزها عن التضحيه والواجب
مش جى على هواهم ومش مريحهم --- يبقى أحسن .

[ام سراج]

ايوا يا مصراويه..انا بتكلم بجد مش عزومه مراكبيه..بس انتي جربيني
بالنسبه لجيرانكم واضح انهم زهقوا من بعض وبيتلككوا بس هي الست..طول عمر الستات بييجوا على نفسهم علشان عيالهم..وده مش واحد دول بسم الله ماشاء الله 5
ح تحتاس بيهم
مفيش في ايدينا حاجه غير اننا ندعي لهم بالهدايه..واللي ليه نصيب في حاجه ح يشوفها..

[مصراويه]

لا لا لأ طبعاً مش عزومة مراكبيه إنتىأدها واءدود يا ام سراج.
وفعلاً عند حق مفيش فى إيدينا حاجه نعملها غير إننا ندعلهم ربنا يصلح حالهم
وييسر لهم إللى فيه الخير .
أنا سعيده بمشاركتك معايا فى الموضوع ده شكراً ليكى.

[rawan432]

بصراحة يمكن رضى هيزعل
جوزك غلطان دخل نفسه فى مشاكل ممكن تاثر بالسلب عليكوا
الست ده غبية جدا هى لما عملت لجوزها فضحية كسبت ايه غير الفضحية كمان لعيالها ده غير انانيتها فى التعامل معاه
ابعدوا عنهم وعن مشاكلهم ده نصحية مش اكتر

[مصراويه]

عندك حق ياروان فى موضوع الفضيحه دى وهى دى أكتر حاجه غايظه جوزها
على فكره.
مشكوره لمرورك يا عسل.

[أميرة عبد الهادى]

ممكن بقى يامصراويه نغير الموضوع الله يخليكى

[مصراويه]

أوى أوى يا أميره
تحبى نكلم فى إيه ؟

[أميرة عبد الهادى]

تعالى نتكلم عن رمضان وليالى رمضان بتعملى أيه فى رمضان

[ماجي2008]

صراحة الخيانة ده شيء صعب جدأ بس هى عملت شوشرة لجوزها واولادها كان حلت الموضوع بشيء من العقل شوية كانت قالت له انا مش عاوزة اعيش معاك بدل وصلت لحد انك بتفضحنى وتجيب لى واحدة وكانت تنهى الموضوع من غير القلق ده عشان شكله قدم الناس فى الاخر ده ابو اولادها