[مدام اميره]

السلام عليكم ورحمه الله وبركاته
انا بقى زى غيرى لسه متزوجه حديثا وكنت عايزه استفاد من خبراتكم فى ازاى نقدر نعدى السنه الاولى من غير مشاكل لانهم بيقولوا دى اصعب سنه
وطبعا فى اختلاف طباع حتى لو كنا عارفين بعض كويس وكل حاجه بتتغير عن الخطوبه بيبقى فى طبعا مسئوليه والحب بيتغير
فياريت تفيدونا بنصائحكم ومتبخلوش علينا
بحبكم فى الله

اذا اعجبك الموضوع و اردت نشره في المنتديات الاخرى فاستخدمي هذا الرابط:
ياريت المتزوجات من فتره تساعدنا
http://forums.fatakat.com/thread37484

[اريج ونور وندى الجنة]

السلام عليكم حبيبتى
اولا الف مروك وربنا يوفقك فى جوازك يارب وتكونى زوجة صالحة اللهم امين ويسعدك يارب
ثانيا حبيبتى طبعا زى ماقالولك ان السنة الاولى من الزواج بتبقى فيها مشاكل بس
ازاى الزوجة تتجنبها ده طبعا بيتوقف على مدى تفهمك لزوجك يعنى اولا ماترفعيش صوتك على جوزك وفى المشكلات حاولى ماتتكلميش معاه ولا تتناقشى وهو متنرفز
استنى لما يهدى واتكلمى معاه وناقشيه بهدوء
دايما بتحترميه وتحترمى كلامه وطبعا لازم تطيعيه وده حقه عليكى
ماتحوليش اول ما يرجع من الشغل تبداى بالطلبات والنقاش والحكاوى استنى لما يهدى ويرتاح وبعدين قدمى الشاى وفى قعدة صفا اتكلمى براحتك
لازم تحبى اهله وتتودي ليهم عشان تكبرى فى نظره
لما ييجى من البيت اتفرغيله وتبقى مخلصة كل شغل البيت وكمان متزوقة وتخلى بالكط من الحاجات اللى بيحبها وتعمليهاله دايما
واخيرا طبعا ده اللى انا فاكراه دلوقتى بس لو فى اى استفسار انا تحت امرك وربنا يوفقك حبيبتى

[tosysaden]

حبيبتى الف مبروك ممكن تمرى على موضوعى حيفيدك
1\جوزك بعد الجواز هو جوزك قبل الزواج
2\انتى اختلفتى بعدالجواز

[جميزة]

انا لسا بس مستنيا اسمع منكم

[مهندسة ماجدة محمود]

كلام اريج ونور وندى الجنة فى منتهى الجمال

[أموونة]

انا لسةمخطوبة ومستنية معاكي اسمع نصايح اخواتي

[Marwa Esmael]

ربنا يوفقكم اهم حاجه انك متكونيش عنيده معاه وبلاش تحسيسيه انك ند ليه والمشاركه في كل قرار مهمه جدا

[مدام اميره]

ربنا يخليكم كلكم وشكرا على نصائحك يا اريج ونور وندى الجنه
وكمان مروه اسماعيل وان شاء الله هشوف المواضيع ياتوسى
وانا واموونه وجميزه مستنين نصائحكم تانى
وشكرا لمرورك مهندسه ماجده

[أم مهند الطيوبة]

بصى هقولك حاجة مهمة لازم تعرفى تفرقى مابين الحاجات الى تطنشى فيها والحاجات الى لازم ماتعديهاش
يعنى مش كل حاجة تزعلى وتعيطى
وحاولى تجددى فحياتك
وحاولى تخليكى حولية ذى الفراشة تلعبى وتضحكة وتتنططى بحيش يخلية على طول مشتاقلك
وقبل كل دة اتقى ربنا فى كل حاجة لان ربنا بيعاقب على كل حاجة ماتخليش ذنوبك تخرب حياتك
وربنا يوفقك

[الزهره الحزينه]

انا متزوجه من فتره وبقدر افيدك هي حبيبتي المشاكل مش بس بتوقف على السنه الاولى بس بتكون اكتر حده يمكن نصيحتي الك انو تحكمي عقلك مش قلبك بكل تصرف او نقاش او مشكله وتحاولي تكوني صبوره كتير وتاخدي الامور ببصاطه وتستعملي اسلوب النقاش بطريقه جميله وقت مناسب وصدقيني بهادي الطريقه راح تقدري تتفاهمي مع شريك حياتك وتوصلي للتفاهم معو وارجو لك التوفيق والسعاده

[جالاكسى2006]

حبيبتى ربنا يبارك ليكى ف زواجك بصى اهم حاجه انك ماتسمعيش كلام اى حد يعنى ماحدش يقولك لو عملتى كذا جوزك هايمشى على العجين والكلام ده كل راجل وله طبعه ومش معنى انك شايفه صاحبتك او قريبتك مبسوطه وجوزها بيسمع كلامها تبقى الحياه بينهم ورديه انتى تشوفى ايه اللى جوزك بيحبه واعمليه حاولى دايما يكون صوتك هادى وماتناقشيهوش وهوه منفعل وماتستنيش دايما ان هوه اللى يصالحك ايه كمان؟؟؟ ماتسمحيش لاى حد انه يتدخل فى حياتكوا مهمه كان صلته بيكى او بجوزك صدقينى كل كلامى ده عن تجربه وحاجات غلطت فيها ف اول زواجى وبصى فى موضوع ليا اسمه نصيحه غاليه هايعجبك قوى فيه نصايح جميله من حبايبك الفتوكات

[مدام اميره]

بجد مش عارفه اشكركم ازاى كلامكم حلو اوى وحاسه انه طالع من القلب
شكرا يام مهند والزهره الحزينه وجالاكسى

[ززه-ززه]

حبيبتى اقول لك نصيحه أختى قالتها لى من 25 سنه والحمد لله ماشيه عليها ألى الان
اول رد لكى على أى طلب تقولى حاضر بعدها اعصابه بتهدى وتقدرى تتناقشى معاه
إذا كان الموضوع مش عاجبك
تانى حاجه مهمه دائما اعتبر حماتى زى ماما وأرد اى موقف ليها على ماما
وكأنى زوجة أخى الاقى تصرفات ماما زى حماتى فلا ازعل

[ززه-ززه]

حبيبتى اقول لك نصيحه أختى قالتها لى من 25 سنه والحمد لله ماشيه عليها ألى الان
اول رد لكى على أى طلب تقولى حاضر بعدها اعصابه بتهدى وتقدرى تتناقشى معاه
إذا كان الموضوع مش عاجبك
تانى حاجه مهمه دائما اعتبر حماتى زى ماما وأرد اى موقف ليها على ماما

وكأنى زوجة أخى الاقى تصرفات ماما زى حماتى فلا ازعل

واتمنى لكى التوفيق

[مدام اميره]

ربنا يخليكى ياززه فعل كلمه حاضر بتريح تاتا دايما تقولى كده

[أم لوجى و ملك]

اولا مبروووووووك يا اميره الزواج وان شاء الله ربنا يسعد ايامك كلها
ثانيا انا متزوجه من 5سنوات وعندى طفلتين لجين 3 سنين ونص وملك سنه ونص
انا وزوجى متجوزين بعض جواز تقليدى لكن حبينا بعض جدا فى فترة الخطوبه ورغم الحب والتفاهم بينا الا ان السنه الاولى فى جوازنا دى مرت وفيها كتييييييير من المشاكل بسبب حماتى وفعلا انا قدرت انى اتعامل مع المشاكل دى بعقل وحكمه لغاية لما حطيت حدود الكل بيتعامل على اساسها
طبعا نصيحتى الذهبيه ليكى وعن تجربتى الشخصيه هى النقاش مع زوجك فى كل شىء ووضع خطوط معينه لحياتكم زى مثلا ان حياتكم دى ملككم انتوا وبس والمفروض محدش يدخل فيها حتى لو اقرب الناس منكم وان هو لازم تاخدوا رأى بعض فى كل شىء واهم شىء الاحترام المتبادل بينكم وزى ما قلت ليكى ان حياتكم دى بتاعتكم انتوا الاتنين وبس .
وربنا يوفقك يا جميل وابقى بلغينى بالتطورات بتاعة اصعب سنه وهى السنه الاولى

[زيزى]

ألف مبروووووووووووووووووووك على الجواز انا لسه مخلصه اول سنه من 5 ايام بس نصيحتى ليكى الطاعه مهمه جدا واتدلعى عليه والحركات الى احنا شاطرين فيها دى هاارجعلك تانى الواد بودى بيعيط مش عارفه اكتب بجد

[monee]

الف مبرووووووووووك يا قمر ويا رب يرزقك بالذريه الصالحه
نصيحتى ليكى ان مشكلك بينك وبين زوجك ما تخرجش لاى حد
كمان مش كل حاجه حلوه فيه تعودى تحكيها قدام الناس
يعنى لا حلو ولا وحش يتقال

[مدام اميره]

بجد حاسه انكم اكتر من اخواتى عشان انا معنديش اخوات بنات
بس بجد بدات اعمل بنصايحكم بس سبحان الله بتطلع ظروف قهريه وصعبه
شكرا ليكى ام لوجى وملك وربنا يخليهملك
وربنا يخليلك بودى يازيزى
وميرسى يامونى
ربنا يسعدكم يااااااااااااااااااارب

[أم مهند الطيوبة]

بصى يااميرة ان هقولك على حاجة مهمة جدا وكتير من المشايخ نصحوا الناس بيها
لازم يبقى فى حدود بينك وبين جوزك يعنى فى نقط ماينفعش يتعداها يعنى الشتيمةوشتيمة الاهل والضرب والاحراج قدام الناس ماينفعش يتساب الباب على البحرى وانت كمان لازم تحترمية وحاجة كمام مهمة
قدام الناس لازم تحترمية اوى الرجالة بيحبوا كدة حتى لو قال حاجة دايقتك ماتروديش ممكن تعملى زعلانة حاجة بسيطة واوعى تردى علية نصيحتى (اديلو برستيجوا قدام الناس ولما تروحى اسحبى البرستيج وعاتبية)