[Fatooka Mn Alex]

ازيكم فتاكيتي

ان شاء الله تكونوا بخير

بصوا بقي انا بحب القطط اوي و خاصة البيكي فيس
فاذا حد عنده بنوتة صغنتوتة لسه مفطومة بيكي فيس بيضاء و عينيها زرقاء
(شوفوا الطمع و المواصفات القياسية بقي ههههههههه)
او هاف بيكي بس عالي جدا يعني الكميل ابو عيون واسعة و اطراف وودان صغيرة و ديل قصير و شعر طوييييييل
او يعرف محل بيبيع قطط حلوة و امورة كده في اسكندرية
بس يكون القطط عنده نضيفة خالية من الفطريات و الديدان و الامراض و المواد الحافظة

الشر برة و بعيد عن قطط السامعين هههههه
وطبعا السعر في المعقول و غير مبالغ فيه
دلوني كده عليه و يبقي جزاكم الله كل خير

وممنوع التريقة لو سمحتم،كل واحد حر في هواياته

[نورما ديزاين]

فى واحدة اسمها فايزان عندها قطة شيرازى

[Fatooka Mn Alex]

فى واحدة اسمها فايزان عندها قطة شيرازى

ميرسي يا قمر
ربنا يسهل و اشوف تجاوب
بس الظاهر مفيش فتوكات كتير ليهم في القطط

[رشيده]

يارب تلاقى طلبك

[نغم جاد]

ده انا زيك بمووووت فى القطط وكل الناس بتتريق عليا برضه
هههههههههههههه
بصى انا غلبت فى اسكندريه عشان الاقى البيكى فيس للاسف مش لقيت بيور خالص
وكمان كنت نفسى فى الرغدول برضه مش لقيتها دلوقتى معايا جودى ربنا يخليها ليا يااارب هيا شيرازى بس مون فيس الاصلى وهيا دي الى لقيتها وكانت من جرين بلازا محلل الحيوانات الى جوه روحى يمكن حظك يكون احسن منى وتلاقى عنده لان الحيوانات عنده فعلا بتكون بيور وممتازه

[Fatooka Mn Alex]

يارب تلاقى طلبك

ميرسي يا قمر

ده انا زيك بمووووت فى القطط وكل الناس بتتريق عليا برضه
هههههههههههههه
بصى انا غلبت فى اسكندريه عشان الاقى البيكى فيس للاسف مش لقيت بيور خالص
وكمان كنت نفسى فى الرغدول برضه مش لقيتها دلوقتى معايا جودى ربنا يخليها ليا يااارب هيا شيرازى بس مون فيس الاصلى وهيا دي الى لقيتها وكانت من جرين بلازا محلل الحيوانات الى جوه روحى يمكن حظك يكون احسن منى وتلاقى عنده لان الحيوانات عنده فعلا بتكون بيور وممتازه

لا ما انا علشان ماما بتتريق عليا
فحبيت من اول الموضوع ابين العين الحمرا و اقولهم ميتريقوش
انا بحب البيكي جدا و الهاف العالي و مفيش عمار بيني و بين الموون مش عارفة ليه
انا في موقع شفت فيه قطط بيكي و في اسكندرية
بس هما معتمدين انهم بيصدروا للخليج و السعودية فبيضاعفوا الاسعار
مش ضعف واحد،ممكن تلات اضعاف و عادي يعني بيلاقوا اللي يشتري منهم
لان مهما غلوا مش زي اسعار محلات الخليج و السعودية
بالنسبة لمحل جرين بلازا ربنا يمسيه بالخير بقي
ده اتهد بقاله سنة واكتر ولا حاجة يا قمر و لا شالوه نقلوه مكان تاني برضه في جرين بلازا؟
بس زماااان مكنتش لسه بفهم انواع القطط وكده
و كان بيبيع بيكي بس كان غالي شوية برضه
بس ارحم من اللي شفته اونلاين
معتقدش تلاقي في مصر راجدول خالص
لو بتحبي الراجدول اللي علي بني مش علي رمادي
ممكن تلاقي حاجات شبيهة ليه،زي البيرمان و ده نادر برضه مش منتشر اوي
بس موجود عند بعض المربيين
و في بقي الهيملايا شوكلت شبيه بيه شوية لو موون فيس

[мojrd e7sas]

وممنوع التريقة لو سمحتم،كل واحد حر في هواياته

مش هقدر ارد بس انتى عارفة ردى هقولهولك فين ثح


ياااااااااااارب تلاقى ياحبيبة قلبى انتىىىىىىىىىىى

[Imortal.dody]

دى تنفع ولا لا دى مش للبيع مشاركه وجدانيه قطتى بنتى حبيبتى ايه رايك

[Imortal.dody]

بصى يا قمر انا كنت شارياها من واحد فى اسكندريه اصلا لو عايزه صور تانيه تتفرجى عليها ابعتلك ههههههههه

[ام لقمرين]

ايه الكلام دا وانواع واشكال هههههههههههه معلش معلش واحدة جاهلة في مسائل القطط دي انا بخاف منهم جدااااااااا بس اطفالي نفسهم في حيوان اليف في البيت قلت اتثقف شوية
انا عايزة اعرف بتنيموا القطط دي فين وبتاكلوهم ايه وكمان الحمام وكدا مش بتخافوا ينجسوا البييت
وكمان بالنسبة لنظافتهم بيستحموا؟؟؟ نوروني الله يسعدكم

ويارب تلاقي القطة الي انتي عايزاها يافتوكة من اسكندرية