[منال_55555]

انا بقى لما ببص فى المرايا بلاقى من بره هلا هلا ومن جوه يعلم الله

[omtota]

موضوعك كبير وانا وصلنى قصدك من ان كل واحده تمسك المرايه وتبص فيها
بس صدقينى مش كل حاجة ممكن نشوفها لان المرايه احيانا بتكدب وده بيكون بناء
على رغبتنا وخصوصا المرايه التى بداخلنا لاننا فى زمن بنحاول ننسى فيه حاجات
كتير عشان نقدر نواصل الحياه
انا عندى كلام كتير بس زى ماقولت بحاول انسى
شكرا كتير غلى الموضوع

[مني محمد]

بحمد ربنا على خلقه
وبشوف انسانه امتلأ قلبها بالحزن لدرجه لما بتفرح بتخاف

وانا كمان

[semsem056]

مرسي علي الموضوع الجميل
انا بشوف انسانه مجروحة وحزينة وخايفة من المستقبل وربنا يستر

[tafy80]

ده ايه العسل ده يا اميرة الرومانسية
ماشاء الله لاقوة اللا بالله دة انتى زى العسل
وبصراحة يا جالاكسى فعلا ماحدش يقدر يرد بس هاقولك
انا لما ببص فى المراية بلاقى واحدة زوجة وام كل اهتماماتها منصبة على بناتها وبيتها وزوجها بس نفسسسسسسسسسسسها تهتم بنفسها شوية
بلاقى نفسى اوى معاكوفعلا خففتو عنى كتير
مابقتش بعرف انام اللا لما ادخل المنتدى
وممممممممم
وكمان يا ستى بحب الخير اوى لكل الناس وخصوصا ليكو ويارب يسعدكو
ولو فيه حاجة تانى عايزانى اقولها
اسالينى
وللا اروح ابص تانى

يااااه بالضبط كأنك بتوصفي اللي جوايا

[fishs]

جالكسي موضوعك جامد اوي بس مش عارفة ليه كل الفتوكات متشائمات كدة
انا ياستي مرايتي هي اولادي وزوجي وكل ماابص فيها اخاف على اولادي جدا من الايام الجاية واللي بيحصل فيها ده مش تشاؤم لكن خوف عليهم من كل اللي بيحصل لكن في العادي اكون سعيدة جدا بسعادتهم واحزن جدا بحزنهم وربنا يبارك فيكي ويسعد قلوب كل الفتوكات الحزينات

[don vito coreleone]

اما انا شايفة و احدة هبلة و عبيطة و لخمة بس طيبة و حظها قليل
الحمدلله علي كل شئ

[bobo]

شفت وحدة معرفهاش رفع حاجبها سالتها مالك قالتلي بتحمليني مالا طاقة لي عليه

[meyro]

بشوف واحده نفسها تعيش مع الناس على طبيعتها انها حنينه وطيبه وبتحب الخير للناس بس الناس اللى بتاعملهم بيخلوها تتصرف كحد تانى خالص

[fati miss algeria]

انا بقى لما شفت نفسي في المراية
عينيا امتلت دموع و افتكرت ايام اما كنت
امسك المراية و ابصلها و انا الفرحة مش سيعاني
و حاسة اني اجمل الجميلات من الكلام اللي كنت اسمعه..
ح نقول ايه بقى....................كان كلام و بس

[ثريا حلاج]

و الله هيدا سؤال صعب لأن ما في حدا بيقدر يوصف نفسه لأن كل واحد بيعتبر حاله جميل و جذاب و في عالم بتحس حالها بشعة و في غلط فيها
لهيك صعب الواحد يجاوب على السؤال لأن الأجوبة مختلفة

[عبير وزهور]

والله عن جن جد سؤال صعب بس انا لمن بصيت بلمرايه شفت بنت تعيسه ووحيده وحتى جمالها مش مفرحها او بيسعدها والدموع تاركه اثر على خدودها وعيونها حزينه وفيها اسئلة كتيره اوي مالهاش جواب وشي الوحيد الي يفرحها همه ولادها ومستنياهم يكبرو عشان يعوضوها عن حنان امها الي فقدتو وهيه صغيره ويمكن تلاقي الامان معاهم بعد ما فقدت الامان والثقه بسبب الظروف الصعبه الي مرت فيها والرغم من كل ده ايمانها بربها كبير جدا وبتحمدو على كل شي ومش عاوزه غير انو اولادها يبقى حظهم ومستقبلهم افضل منها.
وشكرا ليكي على الموضوع

[ymasry]

انا بقي لما ببص في المرايه بشوف عمري اللي ضاع مني وماتهنتش بيه واللي مش هتهني بيه
فبلاش ابص فيها احسن خليني عايشه وخلاص

[undonelife]

انا بأه بشوف نانسي عجرم
هههههههههههههههههههه

متخدوش على كلامي ده تهريج يا جماعه ال نانسي ال دانا بشوف عبد الفتاح القصري!!

[العبد لله]

بشوف واحدة مش عارفة اعمل اية محتارة فى حاجات كتيرة ومش عارفة اخذ قرار ولو اخذت القرار الى فى دماغى هزعل ناس كتير ربنا يصبرنى

[عمرنا]

بصيت فى المرايه لاقيت واحدة زى القمر
قلت ليه -قلت ربنا خلقنى يبقى اكيد خلقنى قمر
انا شفت امل وتفاؤل وعشم كبير فى بكرة اللى جاى
باكبر فى السن وباقول انا كبيرة للى يسالنى لكن قلبى لسه شباب
طيب ازاى
اقول
عجبى (رباعيات عمرنا)
بصيت لاقيتنى والحمد لله ابدو اصغر من سنى بما لايقل عن سبع سنوات -عيونى جميله ومعبرة لا تخفى ما بداخلى ويتفضحنى عين فيها بنتى وعين فيها ابنى وزوجى وابى وامى واخى على جبينى ولاقيت واحدة زوجها بيحبها علشان شخصيتها وعشرتها الطيبه وحنانها مش لجمالها العادى ولاقيتنى واثقه من نفسى وباحب الحياة وباحمد ربنا ليل ونهار على نعمه عليا ولاقيت كمان نصر من ربى فى مواقف كتير صعبه
ياااة دا انا شايفه بلاوى
تصدقوا فرحت قوى لما بصيت بعمق كدة ولاقيت حاجات حلوة
عجبى

[Somanto]

على فكرة سؤال جميل جدا يا جالاكسى
أنا اول حاجة بقولها لما ببص فالمرايا ( اللهم حسن خٌلقى كما حسنت خَلقى )
أما بالنسبة للمعنى اللى انتى تقصديه من إننا نبص فالمرايا.....يعنى نبص لداخلنا فالمرايا، فبصراحة أنا شايفة الموضوع بطريقة مختلفة خالص

بمعنى إنى بحس إن أنا اللى بتحكم فاللى عايزة اشوفة بداخلى جوه المرايا.....مش المرايا هى اللى بتورينى نفسى
بشوف اللى أنا عايزة اشوفه مش هى اللى بتظهرلى اللى جوايا

لو عايزة اشوف إنسانة كئيبة و قلقانة و متوترة علطول و حزينة بشوفها جواها
ولو عايزة أشوف إنسانه متفائلة و طموحة و مقتنعة إن مفيش حاجة اسمها مستحيل طالما مش حاجة خارقة للعادة و مؤمنة إن كله فالأول و الآخر بمشئية ربنا سبحانه و تعالى و بإذنه و ما علينا إللا إننا نبذل أقصى مجهود و راضية بأى شىء ربنا كتبه، برضو بشوفها فالمرايا

و الإختيار فالآخر يرجع ليا........و لكل إنسان فينا عايز يشوف إيه بالظبط فالمرايا

[عمرنا]

ايه الحكايه
بطلتوا تبصوا فى المرايه والا ايه
فين النشاط امال والا مش عايزين تواجهوا الحقيقه اللى فى المرايه
المرايه لا تكذب

[sosa_soma]

انا بقة بعيد عنك شفت انسانة تايهة وضعيفة اوى لا عرفت تحقق اللى هى عايزاة ولا منها عارفة تكمل حياتها زى ما هى عايزة انا على فكرة كنت باصة فى المرايا قبل ما اشوف سوالك علشان كدة ردى كان جاهز وبلاش اقولك على الاحساس بقى؟؟

[دينا محمد عادل]

انا شفت لاقيت واحده حزينه اوي ظاهره انها سعيده ومبسوطه من الاخر بوشين يلا دنيا شكرا ليكي علي موضوعك تقبلوا مروري