[زيزى]

أنا الى شوفته النهارده تعبنى جدا
المفروض انى خلصت كليه صيدله ومستنيه التكليف لحد لما دخلت على موقع الوزارة وعرفت انى اتوزعت فى مكان قريب منى والمفروض انه فى جواب يوصلى على البريد عشان اروح استلم الشغل وفجأة
واحده صحبتى تتصل بى وتقولى انها استلمت الشغل من شهر !!!!!!!!!!!
المهم قولت اروح اشوف ايه الحكايه روحت المكان الى اتوزعت عليه قالولى فين الجواب روحى هاتيه من المديرية وبالفعل روحت وبسأل الموظفه مابعتوش الجواب ليه ؟؟؟؟ تقولى هو احنا فاضييييين نبعت جوابات !!!!!!
وياريتهم عملولى حاجه ده كمان قالتلى ورقك ناقص فيش وتشبيه اعمليه وبعدين تعالى
بالذمه مش حاجه تفلق وتغيظ نفسى نبطل الروتين بتاع الحكومه ده ويبطلو يدوخونا بين المكاتب
أسفه طولت عليكو بس أنا متغاظه اوى وقولت افضفض معاكو

[شوشو123]

معلهش يازيزي ان شاء الله مشكلتك تنحل باذن الله
وان كان علي مصر فمصر باظـــــــــــــــــــــــــــــــــت
كل حاجه فيها مش مطمنه وربنا يستر علي اولادنا في الايام اللي جايه
وربنا معاكي يازيزي هي فعلا حاجه تغيـــــــــــــــــــــــــــــــــــــــــــــــ ظ

[yoyo]

يبقى انت اكيييد اكييد في مصر
يبقى انت اكيييد اكييد في مصر
تيراراراااا

[smsmah]

معلش
زي مفيه ناس وحشين فيه ناس كويسن
ربنا يفك كربك

[الزهره الحزينه]

تحياااااااااااااااااا مصررررررررررررررر

[ام سيف الدين]

و الله يا حبيبتى لو محصلش كدة يبقى مصر فيها حاجة غلط دا الطبيعى يا امى
على العموم انشاء الله تخلصى الموضوع بس ايه حطى اعصابك فى تلاجة

و بصراحة موت من الضحك لما قلتى ( المفروض انى خلصت كليه صيدله )
قلت فى سرى لا حول و لا قوة الا بالله البت شككوها فى نفسها هى خلصت و لا لا
متزعليش كلنا اتبهدلنا و عقبالك لما تسبيها و تطفشى زينا

[Marwa Esmael]

عادي دا انا اللي حصلي يتحكي فيي مسلسل يجي 30 حلقه من الروتين واللف في كل حاجه تعين تخليص ورق وكلها حقوقك المشروعه

[ام نيروزة]

يييييييييييييييييييييييياه هو لسه فى حاجه اسمها شغل انتى اكيد من بلد تانيه

[sarasemsem]

معلش يازيزى هى دى مصر دلوقتى بلد بقت بتاعه وسطه وليست شهادات واتمنى ان ربنا يكرمك وتجدى وظيفه مناسبه ليكى وتكونى بتحبيها

[bes_bes]

هي يويو قلتهالك
انت لسه فكره انك تحسي ان
انت اكيد اكيد في مصر
ده مش اليومين دول ده من زمااااااااااااااااااااااااااان
مش عرفه لو كنتي خريجه حاجه غير صيدله كانوا عملوا فيكي ايه اكتر من كده
اوعي تطلعي غلك في المرضي بقي

[زيزى]

شكرا على مروركم العطر نورتو صفحتى أنا عارفه انها كده من زمان بس فكرتها اتغيرت

[امل مستحيل]

هو اصلا لو محضلش كده يبقى وقتها الى تسالى هى مصر حصل فيها ايه
هى دى مصر اهلا بيكى فى الواقع الاليم يا حبيبتى
مصر الانسان فيها ميساويش غير ورقه

معلش بقا بلدنا ولازم نتحملها
الحمد لله انك لاقيتى شغل
دى بقت حاجه اشبه بالمعجزات دلوقتى
محدش عارف يمكن يلغلوا التكليف بتاع الدكاتره كمان زى ماكانوا بيقولوا من كم سنه
ربنا يوفقك

[كلى امل فى الله]

سلام عليكم ورحمة الله وبركاتة
زوزو الجميلة اول حاجة اقلك معلش قدر الله وماشاء فعل وعسى ان تركهوا شيئا وهو خيرا لكم ... اكيد التأخير دة كلة فى مصلحتك وفية خير ليكى يمكن ربنا عمل كدة لانة شيلك شغل احسن وفى مكان احسن ويمكن لو كنتى سعتها اشتغلتى فى الحكومة مكنتش قدرتى تشتغلى فى المكان الاحسن دة صدقنى ربنا نفسة اعلم بالخير لينا فينا .. فاحمدى ربنا على كل حال

وانا معاكى ان فى اوضاع مش قليلة لازم تتغير بس هنعمل اية اكيد زى ما فى الوحش اكيد فى الحلو ومتزعليش نفسك ياقمر خالص اعملى اللى عليكى وسعى واكيد ربنا مش هيضيع تعبك على الفاضى

[amoullative]

السلام عليكم يا اخوات اريد ان اقول هذه المشكلة مش عندكم في مصر وبس بل احنا في الجزائر عندنا هذي الشمكلة كمان بس هو الحل غير اننا نطلب من الله عزوجل انوا ياهمنا الصبرو يحلها من عندو مثل ما قالت الاخت ام سيف الدين لابد من وضع اعصابنا في ثلاجة في مثل هذه المشاكل و ارجو من الله تعالى ان يكون معاك و تنحل مشكلتك و تتوظفي

[shitos_lovely]

انا تيتى ومع انها ست كبيره
بتصرف المعاش بتاع جدو
قعدت شهر
وكل مره تروح تدفع للراجل اللي قاعد فلوس عشان يمشي لها الموضوع

[nehad]

يابنتي ده العادي
انا صيدلانيه
ماحنا الي روحنا للمديريه عشان نعرف التوزيع عادي
ولازم الفيش والتشبيه عشان اي شغل ده طبيعي

[لوللا الدلوعة]

معلهش يازيزي ان شاء الله مشكلتك تنحل باذن الله
وان كان علي مصر فمصر باظـــــــــــــــــــــــــــــــــت
كل حاجه فيها مش مطمنه وربنا يستر علي اولادنا في الايام اللي جايه
وربنا معاكي يازيزي هي فعلا حاجه تغيـــــــــــــــــــــــــــــــــــــــــــــــ ظ

[ام كوكو]

ياحبيبتي ده العادي انا برده صيدلانيه اتخرجت من 3 سنين واشتغلت واخدت اجازه ولغايه دلوقتي مجاليش الجواب اللي قالوا عليه انا عرفت ان التكليف جه بالصدفه لما قابلت واحده صاحبتي وقالت انها كانت بتخلص ورقها عشان تستلم ولما رحت المستشفي اللي استلمت فيها الموظفه قالتلي لازم اجيب تصريح عمل من القاهره وانا من المنصوره وكان ممكن اخلي النقابه عندنا تجيبهولي بس هيتأخر اسبوع الموظفه قالت لاه لازم دلوقتي وفعلا سافرت وجيبته مع ان الكشف الطبي قعدت اسبوع علما خلصته وكان ممكن الموظفه تخليني ابدا في الكشف الطبي علما التصريح ييجي بس ازاي باه يلا الحمدلله
المهم استعدي من دلوقتي لموال الكشف الطبي وطلوع ونزول سلالم ودكتور موجود وعشره لاه والدكتور اللي لسه ماشي دلوقتي حالا والدكتور اللي هييجي بعد شويه وتفضلي تستني وتستني وبعدين في الاخر ميجيش مع انهم برده ممكن يخلونا نستلم الشغل وبعدين نبقي نعمل الكشف اثناء الشغل بس برده ازاي
بس برده الحمدلله اهو في الاخر اسمنا عندنا شغل مضمون وانتي عارفه ازمه الشغل في البلد

[سمسمه26]

اختى برضه خريجة صيدلة ولسه مستلمه الشغل الشهر اللى فات
وعملت نفس الشغلانه اللى انتى بتقولى عليها
هى لسه خريجه جديده
وداخت السبع دوخات مرة يوديوها العباسية ومرة العتبة ومرة النقابة ومرة الادارة ومرتين فيش

[elbatool5]

يافتوكات انا عارفه ان اللى اختنا حكته يضايق بس احنا ليه عمالين نشتم فى بلادنا
العيب فى الشعب نفسه لما واحده يكون ده شغلها وتقولك احنا فاضيين نبعت امل هيه شغلتها تعمل ايه ما تقعد فى بيتها احسن واختى حبيبتى انتى كنتى رديتى عليها الرد ده لان فى ناس تيجى بالعين الحمرا
للاسف معظم الناس دلوقتى فى مصر بقى عندها قلة ذوق وبتتعامل مع الناس كانهم جايين يشحتوا
امى بتروح التامينات عشان تقدم على الزياده فى معاشها تلاقى الستات وخاصه الستات اللى بيشتغلوا قاعدين يزعقوا فى الناس حتى مش مراعيين ان الناس دى زى ابوهم وامهم
مش بقولك تتخانقى مع اللى بتكلمك وحش بس تحرجيها بذوقك وتخللى لسانها ينعقد ويكون احراجك ليها قدام الناس عشان تتحرج اكتر
هى دى المعامله اللى يستاهلها الموظفين فى مصر لكن والله بلدنا اشتكت منا واحنا اللى بنشكيها