[زيزى]

شكرا حبيباتى وعلى فكرة انا رديت عليها برضو قولتلها وانا هعرف ازاى لما انتى مش فاضيه تبعتى الجواب قالتلى ليه هو النت مدخلش عندكو قولتلها لا لسه ماوصلش ام كوكو خوفتينى كشف طبى ايه ده كمان هو انا داخله الجامعه

[ام مروان ونوران]

يا سلام عليكى
وهى المفروض الموظفة تعمل لك الفيش والتشبية كمان
يعنى مصلحتك ومش عايزة تسالى عليها وتحطى الغلط على الموظفة
يعنى اقل شى شفتى النتيجة على النت روحى اسالى وكملى ورقك
اعتذر انى اكون شديدة معاكى
لكنى موظفة شئون عاملين
ونشوف من هذا كتير
يكون الشخص ناقص احنا نمض مكانة وعلى فكرة انا خريجة حقوق

[وحيده بدون امي]

ربنا معاكى ويفرجها عليكى معلشي هو ده حال مصر

[مني محمد]

معليش يا بنات هي دي مصر لو مصر معملتش كده متبقاش مصر هو انتو مش عرفين بلدكو ولا ايه
صحي نوم *** كل تخيرا وفيها خير ربنا مع الجميع

[saadelhelaly]

على فكرة لو كنتي اشتكيتيها على الكلمة اللي قالتها انتي و غير و غيرك و المدرا اللي قاعدين تنابل على مكاتبهم يشتغلو و اللي تحتهم اكتر تنبلة منهم كمان يخافو و يعملو شغلهم كان حالنا انصلح بس طول ما في ناس ساكتة على حقها و ناس ما بتراعيش ربنا في شغلها و معندهاش ضمير طول ما هنبقا كده و اردأ من كده زي ما غيري قال فعلا مصر باظت

[saadelhelaly]

و لعلمك كل وحدة ترد عليكي بطريقة وحشه زي اللي قالتها الوظفة هتكون هي كمان موظفة و بتتعامل بنفس الطريقة و هل يا ترى كل الموظفات بيقولو ايه الورق الناقص و لا بيقولو نص الكلام و بينامو على نصه الباقي يمكن حد يصحيهم بجنيه و لا انتين و يعرف يطلع كل الكلام و يقول على المطلوب اول ما يشوف الفلوس اللي تنطق الحجر او ممكن يعمل الجواب و انتي واقفة من غير لا تعب و لا غيره
لا نقول الا
حسبنا الله و نعم الوكيل

[HALANADER]

يبقى انت اكيييد اكييد في مصر
يبقى انت اكيييد اكييد في مصر
تيراراراااا

تماااااااااااااااااااااااااااااااااااااااااااام

[همسات حب]

يا جماعه عاوزين نمسك نفسنا شويه احنا مش لوحدنا احنا على نت مفتوح
وفى ناس بتاخد كلامنا وتنشره وتقول بصوا المصريين بيقولوا ايه على بلدهم ويقعدوا يتريقوا على مصر وعلينا ويدوروها شتيمه ما نقدرش نرد عليهم والا نبقى منافقين
مصر ام الدنيا لكن لعنه الله على من افسدوها

[مني محمد]

ليه الكلام دي كلو وانا قولت حاجه غلط انا ولا موظفه ولا حاجه انا انسانه زي زيك المشكله اني بجد زهقت من كل حاجه

[موني 10]

انا كمان رأيي ان العيب مش في مصر
تخيلوا نفسكوا في بلد ثانية هي مصر بردة مش هتوحشكوا بكل ما فيها . مصر حلوة قوي

الناس هي اللي لازم تتغير
انا معاكوا ان في ناس وحشه كثير بس الحمد لله برده في ناس بتعرف ربنا

وممكن نقول لنفسنا ان كل مكان وله نظامه معلش بتعب شويه ونكمل الورق وبعدين ربنا يسهلها لنا
مفيش حاجه بتيجي بالساهل . واحنا نعمل اللي علينا ونسيب الباقي على ربنا

[موءمنه]

هههههه والله وعملوها الرجاله ورفعوا راس مصر بلدنا ..مع الاعتذارلحماده هلال

[fairy princess]

بصى يازيزى ...انا عارفة ان عدى على موضوعك كتير لكن خدى على كدة
يا جماعة الحياة العملية غير الدراسة خالص
واحمدى ربنا انتو دلوقتى اسهل مننا بكتير وممكن كمان تلغو تكليفكو باختياركم
على ايامى...مش زمان اوى يعنى..انا خريجة 99 كان التكليف اجبارى ..ولو ما استلمتيش بتتعملك قضية وفيها محكمة وغرامة

[زيزى]

انا بشكركم على اهتمامكم واحب اطمنكم الحمدلله المشكله خلصت ولسه مستلمه الشغل من يومين انا لسه مش عارفه هستمر فيه ولا ايه عشان ابنى لسه صغير

[ضحي *]

هو روتين وبس يووووووووا الزحمة البشعة في الحر والرطوبة و.....و......و....... من الأخر مصر لازم تعمل نيو لوك يا رب حد يفهمني صح

[موني 10]

مبرووووووووووووك يا قمر على الشغل الجديد . حاولي تتمسكي بيه شويه محدش لاقي شغل . وبعد فترة اعتقد 6 شهور تقريبا ممكن تاخذى اجازة رعاية طفل .
يعني بعد التعب ده كله متكمليش

[missshimoo]

هع هع هع هع
انا خريجة بكالوريوس تربية نوعية
ومعايا دبلومة فى الحاسب الالى
وicdl
وكورسات تانية محدس يعرفها اصلا وبعد كل دة برضو مشتغلتش
فى الاخر عرفت اننا فى بلد الكوسة و الاقرع
على راى ماما الالافات دى كنت جبت بيها طقم الحلل التيفال زهران والمراتب لتاكى