|
رد: اعيش ماساه ارجوكم ساعدونى لو حتى بالكلام
السلام عليكم ورحمة الله وبركاته
شوفي ياستي انا مش هاكلمك انت ازاي ارتبطتي بيه من الاول بس ابقي ما اتكلم عن المشكله الاول استغفري ربنا لانك قولتي حاجات صعبه قوي "ليه ربنا رزقني بطفل" وانك فكرتي في الانتحار بس شوفي الله سبحانه وتعالي لايُسأل عما يفعل وهم يُسألون الحاجه التانيه انت لو انتحرتي استفدتي ايه هاتبقي خسرتي دينك ودنيتك والانتحار مش حل
يابنتي اولا شغل جوزك في فرقه حرام اصلا وطالما حرام يبقي مافيش بركه طب هو ليه مش بيدور علي شغلانه شريفه ايا كانت عشان ربنا يباركله ويباركلكم هل حاولتي انك تكلميه عن كدا يعني بتقولي انه بيشتغل شهرين بس في السنه ياجماعه لازم ندور علي موضوع الحلال والحرام لأن ليه تأثير كبير قوي في حياتنا والبركه اللي بتبقي في حياتنا
بعدين كدا جوزك عندوه مشكله في دينه ولما مابيصرفش عليكي ولا علي ابنك كمان فقد شرط القوامة ربنا سبحانه وتعالي بيقول " الرجال قوامون على النساء بما فضل الله بعضهم على بعض وبما أنفقوا من أموالهم..."
يعني فيه صورة وصلتنا غلط فكره سي السيد وهي اصلا صح الراجل هو سي السيد بس بحق لما يكون بيراعي بيته وليه القوامه اللي ربنا ادهالوه واللي ربنا بيديلوه حاجه ماحدش يقدر ياخودها منه.
انا مش بانصح بالانفصال عشان خاطر الولد لان الولد يتربى مع ابوه احسن كتير من ان يتربى مع جوز ام ويعيش المأساة دي ويطلع متعقد
بانصحك تحاولي مع جوزك الأول وتحاولي تدوري على عمل حلال مش اي عمل وانما حلال صدقيني هاتحسي بالفرق حتى لو كان دخله بسيط عشان ربنا يباركلك وعليكي بالقرب من ربنا وادعي دايما قال تعالى "ام من يجيب المضطر اذ دعاه"
قولي يارب انا باسعي وفاض بيا يارب رحمتك اللي وسعت كل شيء
اذا ماانصلحش يبقى لازم تطلعي من المستنقع دا وتحتسبي الاجر والثواب عند الله
يعني ايه رأيك بدل مابتفكري في الانتحار وتصبري ممكن يكون سبب في دخولك الجنه بدل والعياذ بالله النار
ودايما افتكري ان فيه ناس عندهم مشاكل اكتر منك ومش بينتحرو وبيصبروا عليها وبيدعو ربنا
وعليكي بالأدعية دي
*** من أدعية الكرب والهم والشدة والخوف. [للازدياد راجع كتب الأذكار]
· كان صلي الله عليه وسلم إذا خاف قوماً قال في دعائه: (اللهم إنا نَجْعَلك في نحورهم، ونعوذ بك من شرورهم: سنده صحيح كما قال العراقي).
· (هل من شيءٍ نقوله؟! فقد بلغت القلوب الحناجر! قال: "نعم، اللهم! استر عوراتنا، وآمن روعاتنا"؛ فضرب الله وجوه أعدائه بالريح، وهَزَمَ الله بالريح). وإسناده حسن.
· كان رسول الله يقول عند الكرب: (لا إله إلا الله العظيم الحليم، لا إله إلا الله رب العرش العظيمُ، لا إله إلا الله رب السموات ورب الأرض، رب العرش الكريم) البخاري، وكان السلف الصالح يسمونه دعاء الكرب.
· (دعوات المكروب: اللهم رحمتَك أرجو فلا تَكِلْني إلى نفسي طَرْفة عين، وأَصْلِح لي شأني كله، لا إله إلا أنت). أبو داود، والحديث حسن.
· قال لي رسول الله ألا أعلمكِ كلماتٍ تقولينهن عند الكرب أو في الكرب؟ (اللهُ، اللهُ ربي لا أشرك به شيئاً). أبو داود، والحديث صحيح.
· عن ابن عباس رضي الله تعالي عنهما: [إذا أتيتَ سلطاناً مَهيباً تخاف أن يَسْطوَ بك فقل: الله أكبرُ، الله أعزُّ من خلقه جميعاً، الله أعَزّ مما أخاف وأَحذر، وأعوذ بالله الذي لا إله إلا هو، الممسكِ السموات السبع أن يَقَعْنَ على الأرض إلا بإذنه من شر عبدك (فلان) وجنوده وأتباعه وأشياعه من الجن والإنس، اللهم كُنْ لي جاراً من شرهم، جَلَّ ثناؤك، وعَزّ جارك، وتبارك اسمك، ولا إله غيرك /3مرات/]. ابن أبي شيبة والطبراني وهو صحيح موقوفاً على ابن عباس.
8- (ماء زمزم لما شُرب له) ابن ماجهْ، وهو صحيح على التحقيق.
في الختام أسأل الله أن يصلح لك ولسائر المسلمين جميع الأحوال وأن يرزقهم الصبر الجميل وأن ندعي دائما بدعاء سيدنا يعقوب "فصبر جميل والله المستعان على ما تصفون" وباناشد اي من الاخوات اذا كان عندها شركة ممكن تساعد بيها اختنا انها ما تتأخرش قال صلى الله عليه وسلم فيما معناه من فرج عن مؤمن كربه فرج الله عنه كربه من كربات يوم القيامة
نسأل الله أن يفرج كرباتنا في الدنيا والآخرة
والسلام عليكم ورحمة الله وبركاته
التعديل الأخير تم بواسطة : ام بسنت بتاريخ 9-7-2008 الساعة 11:06 ص.
|
