[فرحه]

شوفى يا حبيبة قلبى من وجهة نظرى الشخصية ان الراجل ده فعلا زى ما قالت ام بسنت عنده مشكله فى دينه مينفعش تعيشى معاه انتى لازم تتطلقى منه وتشتغلى وتصرفى على نفسك وابنك وملكيش دعوة بكلام الناس الناس مش حتبطل كلام ولا بتبطل عن اى حد اين كانت اهم حاجه شخصيتك تكون قوية وتجمدى كده عاوز يرجع بلده مع الف سلامة بلا رجعه متزعليش منى يعنى اصلى صريحه شوية
وانتى اشتغلى واسكنى لوحدك مع ابنك انتى مش طفله محدش حيكلك وربنا كريم وميهمكيش من حد واكيد ربنا حيعوضك خير عن كل اللى شوفتيه
واسفه للاطاله ربنا يصلح حالك يا رب

[أاأهات ودموع]

اشكرك اختى فرحه وانا عمرى ما ازعل من اخواتى وحبايبى

[أاأهات ودموع]

اشكركم جميعا وربنا يجعله فى ميزان حسناتكم

[كنده]

شوفي عزيزتي من دون متزعلي مني

انا قريت الي حاصل معاكي

ورحت قريت بعض الردود
والاهم ردودك انتي

الواضح لي انك انسانه سلبيه جدا جدا جدا

ياريت تفوقي انتي من الي انتي فيه من سلبيه وبعدين تتكلمي عن سلبية جوزك

امال كل النصايح من الفتوكات

وممنكيش غير شكرا

ايه في ايه

هي النهايه كلمتين

اتطلقي
اشتغلي
شوفي بيت

انتهى الموضوع

عندك خيارين
تنفذي ترتاحي

متنفذيش انتي حرة بس خليكي بالي انتي بيه

[ام حودة]

اولا ربنا رزقك بطفل عشان يعوضك خير وبالنسبة لزوجك فى نماذج كثيرة منه المهم انك تشتغلى اى شغل المهم يكون بعيد عن الشبهات وحوشى واكلى ابنك وراعيه وان اخذ منك الفلوس اطلقى
ومتعمليش حساب لكلام الناس لانها مبتسبش حد فى حاله لا الكويس ولا الوحش
اتقى الله فى النعمة اللى اديهالك وراعى ابنك واكيد ربنا حيرزقك من وسع وبكرة تشوفى بس انتى قربى شوية من ربنا وانتى حتشوفى كرمه الواسع وربنا يحفظك انتى وابنك

[ام كيكي]

ايوه يا ااهات انا زي ما قلتلك ممكن اساعدك بالتسويق بس انتي الاول لازم تنفضي السلبيه دي وتتفاعلي مع المشكله وتقرري انك لازم تغيري حياتك حتى كلامك يا اهات مافهوش اخد ورد عشان الواحد يقدر يقرر يساعدك ازاي ... لازم نعمل خطه ونشوف الظروف المتاحه والحلول ايه وحلول بديله كمان بس انتي اسخني شويه وهاتتحل ان شاء الله ... عرفيني ظروفك اكتر من كده ... يعني مثلا تقدري تعملي حاجات اد ايه تبعا لظروفك وممكن تنزلي مصر عشان اخدهم منك ؟ وظروفك تسمح بكده ولا ممكن نفكر في شغل تاني يناسب المكان اللي انتي فيه ؟ تتعلمي الخياطه مثلا ؟ طيب جوزك هايكون وضعه ايه في الموضوع؟ وهل هايمثل عقبه؟ ممكن تشتغلي في محل مثلا او صيدليه ؟ خدي وادي معانا كده ويالله عشان تخلصي من اللي انت فيه ... ولا انتي مش عاوزه حلول ولو كده طيب عاوزه ايه بالظبط ... ارجو الجديه عشان نقدر نساعدك لان موقفك كده غريب شويه يا حبيبتي

[أاأهات ودموع]

شوفى اخت كنده واخت ام كيكى حتى لو قلتلك شكرا او مش شكرا الاخوات بيدونى نصائح بس الى عايش المشكله غير الى بيقراها وبالنسبه للشغل او التسويق انا عاوزه اتعلم حاجه ماشيه فى السوق ابدئها من البيت لان امى مش راضيه تاخد ابنى وشغل المحلاات بيرفضو اصطحاب الاطفال اما بالنسبه سلبيه او مش سلبيه انتى لو مكانى مش هيبقى ليكى اصلا نفس للحياه كلها ودى كلام ميزعلش وربنا يوفق الجميع بلاش شكرا يمكن بدايق

[صانعة الرجال]

السلام عليكم اولا ياحبيبتى الله بكون فى عونك وبعدين لابد منالرضا واليقين بالقضاء والقدروماينفعش انك تقولى ليه ربنا عمل كدة ولكن قولى قدر الله وما شاء فعل حتى يفرج الله همك بأذن الله وبعدين انا متفقة مع الاخت ام بسنت ان شغل جوزك في فرقه حرام اصلا وطالما حرام يبقي مافيش بركه ولابد ان يدور على شغل حلال ودة ان شاء الله هيجى بالدعاء لية واخر حاجة هقولهالك عليكى بلاستغفار الاستغفار مفرج الهموم وعليكى بالدعاء فقال رسول الله صلى الله علية وسلم اذا سألت فسأل الله واذا استعنت فستعن بالله فستعينى بالله واصبرى وربنا يفرج همك وكنت عايزة رقم تليفونك او اى حاجة عنك

[smsmah]

بجد استغفري كتير اوي اوي وهتلاقي حل
واطلقي من الراجل ده واطرديه بره الشقه ميستهلش
ربنا معاكي

[ام سراج]

يا حبيبتي ماتازعليش لما الناس تقول انك سلبيه. ايوه طبعا اللي ايده في الميه مش زي اللي في النار.ومشكلتك عويصه وصعبه جداً بس ماتقفليهاش انتي على نفسك وتعقديها زياده بيأسك والرغبه في الانتحار..
في حلول من وجهه نظري ممكن تلجاي ليها مؤقتاً لغايه ماتقرري انتي حتكملي مع جوزك ده ولا لأ
واضح انكي بتفهمي في الكمبيوتر كويس..طيب مفيش عندكم في البلد مدرسين تكتبي لهم مذكراتهم وامتحاناتهم ع الكمبيوتر بسعر رمزي؟طيب نزلي شويه العاب ع الكمبيوتر واجريه للعيال بالساعه جوه اوضه في شقتك ،واهي النوايه تسند الزير
مفيش عندكم وحده صحيه؟ في حاجه اسمها تعيين العماله الموسميه يعني الوحده تكتب انها محتاجه لخدماتك في القريه وتاخدي الجواب تمضيه من مديريه الصحه تعيني بيوميه 5جنيه يعني 300 في الشهر مش وحشين وتجددي عقدك كل 15 يوم. وممكن برده في حاجه اسمها رائده ريفيه بيتجدد عقده كل تلات شهور لو الوحده عندها احتياج ليها
مفيش دكتور صغير فاتح عياده وعايز تمرجيه ورزقكم انتوا الاتنين على الله؟
طيب مفيش حد في بلدكم غني محتاج حد يقعد مع اولاده لما يبقى هوه مشغول؟
تعالي على نفسك مانت مش حتلاقي وظيفه على مكتب بس اتكلي على الله وربك يدبرها
الله يعينك

[ام كيكي]

ايوه يا حبيبتي والله انا مش عاوزه اضايقك انا بس متضايقه علشانك ونفسي تنتصري على الخزن اللي جواكي والقهر اللي انتي عايشه فيه ... طيب شوفي افكار ام سراج افكار رائعه شوفيها كده وانا معاكي ان شاء الله ومش هاسيبك ... ماتزعليش وكلنا معاكي

[أاأهات ودموع]

انا ارسلت لكى رساله على الخاص ام كيكى رد على رسالتك وان شاء الله نتفق

[mas171]

الله يكون في عونك

لا تشتكي للعبد يا أختي الغالية أشكي همك للله وحده وقولي ياسامعآ شكواي

بعرف أنك عم تفضفضي ولكن الله لا ينسى أحد الله يفرج عنك

[أاأهات ودموع]

ونعم بالله اختى بس الواحد ممكن لما يتكلم مع حد نفسيتو ترتاح هنقول ايه غير الحمد لله

[اموله المنفله]

انا بعد كلام الاخوات مش عارفه اقول ايه الله يكون فى عونك ويهدى زوجك

[أم مهند الطيوبة]

والله ربنا معاكى يااختى وربنا يهون عليكى بس اكيد فى حل

[emyaly]

الاخوات قالم ما فيه الكفايه
انا هدعيلك ربنا يهون عليكى ويصبرك وريرزقك من حيث لا تحتسبى
رددى دايما حسبنا الله ونعم الوكيل

[تلميذة الالبانى]

السلام عليكم ورحمة الله اختى انشاءالله خير اصبرى ولك الاجر انشاء الله ولكن لاتتسخطى على قدر الله ولا تعترضى على القدر والايمان بالقدر من الامور الستة المتممة لايماننا احمدى الله فما اصابك ماكان ليخطئك ةوما اخطئك ماكان ليصيبك وقومى بالليل وادعى له بالهداية وربك لن يتركك وانتى الان فى ابتلاء ليراك الله اتصبرين وتحمدى الله ام تتسخطين ويجب ان تعرفى ان كل ماياتى من عند الله هو خير لك

[تلميذة الالبانى]

السلام عليكم اختى كلام ام بسنت هو الصح ارجعى لمولاكى ودعى عنك كلام الشيطان الذى لايريد لنا الا التهلكة والخسارة فى الدنيا والاخرة اصبرى فان الصابرين يوفون بغير حساب عيشى لربك واخرتك ثم ابنك وسترين ان حياتك ستتغير فالسعادة ليست بالمال ولا الجاه والجمال ولكن بالتقوى.. محبتك اختك فى الله

[مايو]

انا مش عارفه اقولك ايه لان بصراحه كل الحلول اتقالت بس عايزه اقولك انى شوفت قصه قريبه من قصتك وهى دلوقتى اتطلقت واشتغلت وبتصرف على عياله وبتعلمهم كمان وبعدين ملكيش دعوه بكلام الناس المهم انك تكونى مبسوطه محدش نفعك دلوقتى وانت تعبانه يبقى تريحى نفسك وملكيش دعوه بكلام الناس ياستى اعتبرى نفسك ارمله واتاكدى ان ربنا مش بينسه حد واعتبرى اللى انت فيه دا اختبار وربنا يسهلك الامور وييسرهالك بس انت افتكريه وقربى منه