[ام مطلقه]

اختي العزيزه مش حل المشاكل الانتحار بس علشان ابنك والله البصه في وجهه بالدنيا وتنسي الهموم وان كان خوفك عليه اكبر همك بس نصيحه فعلا دوريله هوعلى شغل يقدر يعيشكم منه ونناشد الاخوات انهم لو حد يقدر يشغل جوزك ربنا يجازيهم خير بعد كده لو اتعدل اشتغلي وايدك بايده لو حتى هاتي ولاد الموظفات جيرانك عندك في البيت بمقابل مادي او هاتي رز وبقول وانت في الريف ونقيهم واعملي اكياس باوزان وبيعيها للموظفات اللى بيحتاجو الحاجات الجاهزه دي وهذه اشياء مش مكلفه وابنك قدام عينك وتوفري مصاريف الحضانه لو مفيش فايده والطلاق وجب عدلي وضعك واستعدي له قبل ان تجدي نفسك في مهب الريح مع صدمة الطلاق فلا تعرفي كيف تتدبري امورك وخاصه انك لستي وحدك ربنا معاك ويصلح حالك اسفه للاطاله

[ام هيوي]

انا كان نفسي اساعدك اوي لكن انا مش هيكون عندي كلام اكتر من كلام اختي ام بسنت كلامها جميل ومهون وانا عايزه اقولك علي حاجه مهمه لازم تحاولي تستغفري ربنا دايما بسبب تفكيرك في الانتحار وان ربنا ليه خلقكك اصلا وليه رزقك بطفل لان الكلام دا ما يصحش ابدا انا حاسه بيكي اوي وعارفه انتي اد ايه بتعاني في حياتك لكن لا املك لكي غير الدعاء

[mohey303]

اللهم فرج كربها ويسر امرها اللهم استر عوراتنا وفرجكروباتنا وامن روعاتنا اللهم امين انا مع كلام ام بسنتجزاها الة كل خير وصبر قلبك واعانك على تربية ابنك تربية صاحة ودة اختيار ربنا ما ن تصبرى او تطلقى ودة اضل بس رتبى يعنى راى دورى على شغل الاول وماتطلبيش من زوجك حاجة لانة مامنهوش امل تحايلة عية حى تجدى عمل اولا ودورى على مكان بسيط واجلرية بمرتبك جنب ولدتك انتى وابنك وبعدين طلبى اطلاق وانصحك بسورة يس فهى لما قرا لها وانا جربتها كتير بس اقرى يس كل يوم وادعى ربنا بالى انتى عايزاة وانا ها اقرهالك وربنا يزيح عنك اللهم فرج كربها اللهم افرغ يها صبرا اللهم اصلح لها زوجها الهم امين

[أاأهات ودموع]

الهم امين وربنا معاى انا بحاول اهو اطلع نفسى من الهم الى انا فيه وهاذا بفضل تشجيع اخواتى فى المنتندى وربنا كريم

[دعاء A]

اختي الحبيبة /بارك الله فيك وفي ابنك وربنا يهون عليك اللي انت فيه اولا الراجل دة معندهوش مسؤلية ويمكن ده يرجع لطريقة تربيتة من الاصل فحاولي تصلحي من حاله بالنصح مع الحزم ولازم قبل ان تتخذى اى قرار تفكرى فية الف مرة ويكون عندك بعد نظر للمستقبل وعليك بالدعاء دائما والتضرع الى الله وانا شخصيا اعرف واحدة كانت زيك واكثر منك وعانت كتير وكان عندها 4 اولاد ومع الدعاء والصبر تبدل حالها الى احسن وكانت بتفكرك زيك في الطلاق ودلوقتي هى في احسن ماشاء الله اختي الحبيبة غيرى من اسلوبك في التعامل مع زوجك وحاولي فى البداية ان تبعدية عن اصدقاء السوء وشلة الفرقة وتقربى الية بكافة الطرق الحنينة وقوليله انك بتحبية لكن بتحبى مصلحت ابنكم اكثر وفهمية ان الطلاق مش مشكلة عندك بس انت بتخافي علي ابنك وعوزاه يتربى بين امه وابوه واذا قالك انا بروح بلدى قوليله انا معاك مقدرش استغنى عنك وشوية كلام من ده لازم تحسسيه بالمسؤلية وان انت محتاجة الية وخلي بالك الرجال كلهم نفس التركيبة اذا جاهم احساس ان الزوجة مستغنية عنه بيكرها لان هو عاوز يحس بقيمته شوفي يا عسل الكلام سهل والتنفيذ بيكون صعب فى اوله لكن لما بتكون عن تجربة بتكون افيد قومي توكلي علي الله وصلي ركعتين وادعي ربنا يسخره ليك وبالنسبة للاكل والشرب طالما بيروح يتصرف عند امه روحى معاه او خذى ابنك ورحي قولى لامه احنا حنجلس عتك اليوم ويوم ويوم لا وهكذا وهذا حل مؤقت فية حكمة ممكن مش عتهرفيها من الكتابة لكن عتعرفيها وتشوفي النتيجة من التنفيذ اختي الحبيبة حطي اعصابك في الفريزر وغيرى من نفسك اولا ومن اسلوبك من التعامل معاه بالنص مرة المباشر والغيرمباشر وعليك بالدعاء و الاستغفار وبصراحة ان شيفا ان الطلاق مش عيحل المشكلة بل حيذيد الطين بلة والصبر مع النصر وربنا يوفقك ويحسن خطاك

[أاأهات ودموع]

اختى دعاء كلامك رائع بس انا مش عارفه هقدر اعمله ولا لا لانو انا جربت مره الكلام ده قالى ريحى نفسك مبكلش من لاحاجات دى بس ربنا يهدى وانا هحاول مره تانيه وربنا يسعدك ويهدى امورك ويوفقك

[s.i.m.p.l.y.m.e]

يا اهات فى خدمة فى مصر للاطفال كلميهم و هما هيساعدوا ابنك و اكيد لما يساعدوه هيساعدوكى
و انا هجبلك رقمهم و ربنا يصبرك

[s.i.m.p.l.y.m.e]

انا جبيتلك الرقم هو 16000
دا خط نجدة الطفل و يارب ياساعدوكى و متستنيش علشان ابنك بجد
ميطلعش معقد نفسينا او يتعب بجد
مافيش حاجة تستاهل ولا يغير الله قوما حتى يغيروا ما بانفسهم
و ربنا معاكى و طمنينا عليكى

[أاأهات ودموع]

اختى ماذا افعل انا وضعت الرقم فى جوجلل لقيت الموقع يعنى اتصل بيهم فى اتليفون

[s.i.m.p.l.y.m.e]

ايوا اتصلى بيهم فى التليفون و اشرحلهم وضعك و يا رب يسعدوكى يارب

[نديتا]

قرأت مشكلتك و قرأت بعض الحلول و أرى أنها جل الحلول سليمة و عليك بتجربتها ، لكن رأيي أنا هو أن مشكلتك تحتاج إلى تدخل عدة أطراف ، مثلا جمعيات اجتماعية توفر لك عملا تكسبين منه قوتك اليومي أو جمعيات حقوقية تتابع زوجك و تلزمه بالنفقة عليك و على ابنك .. أرى كذلك بأن زوجك نقمة عليك يعني حضوره هو أكثر ضررا من غيابه لذلك الحل كله يتجلى في الاعتماد على نفسك و مفارقة هذا الزوج

و الله المعين

[أاأهات ودموع]

مشكوره اختى نديتا والله المستعان لان دماغى تعبت من التفكير

[رانيا الدلوعه]

اختي الكريمه بصي في حالتك دي احسن حاجه ليكي الشغل وده الي حيخليكي عيشه مرتاحه..حولي تشوفي شغل ولو حتي ايه بس يكون حلال
لان شغل جوزك ده حرام
وبعدين انتي لو اشتغلتي ولا حتحتاجي لجوزك ولا حتحتاجي لامك ولا لاي حد قرشك هوا الي حيغنيكي عن اي معاناه
وبعدين في زمنا ده ما حدش بيقف معي حد كله بيقول يلا نفسي
لان الحياة بقيت صعبه جدا علي الكل حتي الي معاه فلوس كتير بيحس انو محتاج تاني عشان يلبي طلبات الحياه الصعبه
يبقي انتي ما فيش قدامك غير الشغل
تعملي اي حاجه تفصلي ملابس .. تخبزي عيش.. اي حاجه بس حرام طفل مسكين يبات من غير عشا
اعتبري انك ارمله والغي وجود جوزك من حياتك خالص ومش لازم تطلقو
انتي مدام حيكون معاكي فلوس حتلاقي نفسك مش محتاجه اي حاجه منه
وربنا معاكي

[أاأهات ودموع]

اشكرك اخت رانيا منا بحاول اشوف شغل من المنزل يعنى اشغال يدويه لان ماما مش موافقه تاخد ابنى لسه عمره سنتين وهنا ممنوع انك تاخدى طفل فى السن ده العمل وبعدين هنا كلهم فلاحين يعنى خبيز والحاجات دى متنفعش معاهم وكتر خيرك

[قائدة الاسطول]

انتى لازم تطلقى منو لانو ماانفعش اب لانو الشقل البيشتقلو حرام ولانو موش مسؤل من بيتو , ومراتو , وابنو .والجئى للحكومة امكن تساعدك .. انتى قلتى ماانفعش تعشى لوحدك لية ماانفعش ...لو انتى صاينة نفسك وبتخافى ربنا مافيش حاجة تجيلك ابدا ..روحى فتشيلك عن شقل .. ان شاءاللة فى مطعم او بوتيك او تنظفى البيوت اهو شقل موش حرام ولاعيب وتبقى ساترة نفسك وابنك ...ماتزعليش منى

لانو موضوعك زعلنى اوى ربنا يوفقك فى حياتك

[نوشا]

انا بصراحة مش عارفة اقولك ايه
بس طمنينا الاول عليكى وعرفينا اخبارك
عشان نقدر نتواصل معاكى
انا من المنصورة وعارفة ميت عساس
جايز اقدر اساعدك

[monee_2020]

ايه يا جميل عملتى ايه يارب تكون مشكلتك انحلت

[أاأهات ودموع]

مش هقدر اقول غير الحمد لله مع انى حالتى زى ما انا بس حسيت انى هتجنن وحالتى النفسيه بدات تتدهور وما يصيبنا الا ما كتب الله لنا

[mashmosha]

بصى يا جميل اجلى موضوع الطلاق ده شوية واشتغلى اىشغلانة ومش لازم تقولى انتى بتاخدى كام ولو قلتى قولى رقم بسيط وحاولى على اد ماتقدرى تصرفى على نفسك انتى وابنك وبس يعنى ماتشاركيش معاهباىحاجة حتى الاكل خليه ياكل عند مامته واكلى نفسك انتى وابنك بس وياريت تطمنينا عليكى

[تريمان]

حسبى الله ونعم الوكيل انا مش عارفه اقولك ايه بس والله فرج ربنا ليكى قريب اذا فوضتى امرك لله والله اللى بقولك عليه مش كلام استغفرى الله 100 مره فى اليوم وصلى ركعتين قضاء الحاجه بعد صلاه العشاء واقرئى سوره ياسين ودعائها والله مجربه وان شاء الله تكتبى لينا وتقولى ان ربنا فرج كربك بس عايزه اسالك سؤال انتى وزوجك الحوار بينكم زى ما بتقولى معدوم ليه انتم لسه متجوزين ايه اللى وصل الامر كده ولا هو كده من اول الزواج طيب ملكيش عم او خال بعيد عن والدتك يتدخل يفهم زوجك ماله بيفكر فى ايه
مهو لازم حد يقعد معه ويكلمه او شيخ مسجد قريب منكم حد ينصحه يشوف ماله اصل تصرفه معاكى غير طبيعى ازاى يشوف ابنه بيموت من الجوع ويسكت فى ايه فى دماغه حاولى تتكلمى مره واتنين وعشره معه ومتياسيش افهمى ليه بيعمل كده معاكى وليه اتجوزك اصلا حاولى بالراحه وحاولى تشوفى شغل له وليكى ادخلى على الوسيط فى الجوجل مثلا وحتلاقى شغل كتير حاولى ومتسبيش نفسك للياس والحزن لان الشيطان كل هدفه يدمر حياتك فتقربى لله اولا وثانيا دخلى حد كبير تثقى فيه وافتحى حوار مع زوجك وقبل ما تتكلمى معه اقرئى سوره الزلزله
وربنا معاكى