[حدوتة مصرية]

حاجات كتير اوى بتمر علينا كل يوم ومواقف ناس بتعملها فينا بس غالبا بدون قصد (الازم نفترض حسن النية)ومواقف وحركات احنا بنعملها فى نفسنا بتفور دمنا وبترفع ضغطنا
يلة يا فتكاوت ياريت كل واحدة تدخل تحكى عنموقف او حاجة حصلت فورت دمها
وانا حبدا :
صحبتى لما كل ما تشوفنى وتقولى لازم تخسسى وزنك
الغسالة لما تبوظ الهدوم عشان كانت مظبوطة على برنامج الغليان

اذا اعجبك الموضوع و اردت نشره في المنتديات الاخرى فاستخدمي هذا الرابط:
حاجات تفور الدم
http://forums.fatakat.com/thread37830

[أم أسيل ليلو]

لما يجيلك ضيف من غير ميعادوما تكونيش عامله حسابك .
لما حد يتدخل فى حياتك فى كل صغيرة وكبيرة

[م.لبيبه]

واكتر حاجه تفور دمى لما الناس تتعامل انى عملا قه اكمنى طويله حبتين

او لما تيجى النتيجه مش تمام يقولو ايه ليه كان لازم تذاكرى وانا والله كنت بذاكر بجد حاجه تجيب جلطه

[رانيـــا الشقية]

أنا بقى حاجات كتييييييييييرة بتفور دمى منها على سبيل المثال
لما احس ان الشخص اللى قدامى غبى جداااااااااا
لما حد يبهدل حاجاتى الشخصية ويبوظ ترتبيها

[ميرفت ام احمد]

لما اكون فى السوبر ماركت ويجى واحد ويلاقينى واقفة فى السكة ومش واخدة بالى يشوحللى بطريقة غبية ويقوللى وخرى كانى بشتغل عنده
ولما حمايا يكون زعلان مع سلفتى ويلاقيها جت عندى يجى يحرجنا احنا الاتنين ويقوللى انا مش قولتلك ماتدخليهاش عندك مع انه مقليش كدة ولو كان قاللى انا مبخاصمشى حد علشان خاطر حدمش بالزمة حاجة تحرق الدم

[salwasoula]

فعلا الزيارة المفاجئة و الواحد مش عامل حسابه .....مشكلة

[ريتا ميشيل]

[lolo 2008]

اكتر حاجه بتفور دمى
لما اكلم حد ومايردش عليه
جرررررررررررررررررررررررررررررررررررررررررر

[كادبورى 81]

اكتر حاجه بتحرق دمى الاهمال اللى عند زوجى بتجننى
وكمان سواقين التاكسيات اللى مش عايزين يشتغلوا وكل ما تقوليله على مكان يقولك
لا والله ..... نفسى اعرف هم عايزين يروحوا فين بالظبط واحنا نروح معاهم هههههههه

[موءمنه]

1 - الزياره المفاجئه
على العكس كمان بيكونوا فاكرين انهم عملوا لى مفاجأه حلوه قائلين...ايه رأيك بأاااه؟
2 - الحر اللى احنا فيه (انا قربت يجيلى جفاف على فكره)
3 - عدم سمع الاولاد للكلام (أاااااااااااااه)
4 - فكره هاناكل ايه بكره؟؟؟؟؟
ده جزء وليس الكل....لو فاضيين هابأه اكمل لكم بعدين...دمتم

[beta]

1-اكتر حاجه بتحرق الدم الناس اللي بتنتظر منك دوما اشياء هي غالبا مش فرض عليكي وتعمليها بس من باب الذوق لكن هم معتقدين انه دا لازم وفرض عليكي.
2-الاهمال وعدم مراعاه مشاعر الغير.
3-تدخل الناس في اشياء لا تعنيهم.
4- عدم مراعاه حق الجار.
وربنا يبعد عننا حرق الدم وارتفاع ضغط الدم .وسلام.

[حدوتة مصرية]

مشكروة لمروركم وتفاعلكم وربنا ما يجيب حرقة دم تانى
يييييييييييييه الواحد على اخرة اساسا

[دعاء A]

بصراحة انا مش لقية حاجة اقولها لان الفتكوات قالوا اللي انا عوزة اقولة الحياة كلها حاجات تفور الدم في البيت والشارع حتي في المسجد لما تيجي تنصح بيت امورة شبفها نفسها وتقولها غطي شعرك كويس احنا في المسجد وترد عليك وانت مالك بيه ربنا يصبرنا عاى الدنيا ويجعلنا من اهل الجنة

[دعاء A]

اااااااااه نسيت اشكرك حبيبتى على موضوعك العسل

[سادات]

[ام سيف الدين]

موضوعك جميل
انا اللى بيحرق دمى كتير بس حنقى اللى بيحرقوا كتير
1- لما يكون طالع عينك فى التنضيف و خلاص موتى و لقيتى جوزك بيدخل البيت بيرمى كل حاجة فى حته
2- لما تلاقى زمايلك فى الشغل كل اللى همهم انهم يتصيدوا الاخطاء عشان يبانوا انهم هما اللى بيشتغلوا
3- لما تبقى فى قمه تعبك و حزنك و تلاقى جوزك بيقولك انتى عندك ايه بيزعلك دا انتى عايشة فى نعييييييييييييييييييييييييييييييييم

[رشا محمود]

اكتر حاجة بتحرق دمي ان امي طيبة جدا جدا ودي بيخلي بعض اخواتي وبعض الناس يستغلوها بشتى الطرق، وفي وشها يبوسوا ايدها ويا ست الكل! ومن وراها ينكشف التمثيل، وانا يتحرق دمي وانصحها ، ولكن هي زي ما هي ، وتاخد كل زومبه والتانية ، وما بتسمعش الكلام ، وبتصدق الناس كلها. وحظها زفت مع الناس كلها. وفي الاخر انا جالي الضغط.

[رشا محمود]

صحيح يا ام سيف الدين : انت عندك ايه مزعلك ، دا انت عايشة في نعييييييييم؟؟
ههههههه ما تزعليش انا باهزر معاك، لكن كلامك ضحكني ، وانا والله كمان، على فكره الرجاله مش بتفهم احاسيسنا زي ما احنا فاهمينها. وعلى كل حال هما مابيحبوش النكد زينا، احنا نعز النكد زي عنينا هههههههه ! والله بجد ، الرجاله بتتخنق من النكد ، بس الستات بتحب تستمع بلحظات الحزن ، ويا سلام بقى مع اغنية لعبد الحليم ولا هاني شاكر ولا ساعات ساعات ، ربنا يهدي ازواجنا جميعا

[toto s]

هههههههههههههههههههههه
والله يا بنات دمكو شربااااااات

انا اللي بفور دمي
لما اشوف قدامي شخص بااااااارد ومفيش عنده حركه
لما احس الناس بتستغل طيبة قلبي

وطبعا كتيييير اشيا بس اسا مش جاي ببالي شي
اكيد ليا رجعه

شكراااا موضوع حلو كتيييير

[نجمه دمياط]

انا بقى الحاجه اللى تفور دمى لما اقعد مع اى حد واشوف نفاق فى القعده يعنى وحده انا عرفه انها مبتحبش التانيه وده حسب كلامها ليه واتفاجاه وانها بتكلمها بحب جامد وبتمثل الاخلاص ده بيحرق دمى ليه النفاق لاوكمان بعد ما التانيه تمشى تلاقى الاخت المنافقه بقى تتكلم عليها بطريقه وحشه
كمان فى حاجه بتفور دمى لما حد يجى فجاه لزيارتنا واحنا مش عاملين حسبنا ساعتها دمى بيفور
ولما امى تفضل تقولى انا مش معترفه انك فى كليه الكليات كليات طب وهندسه مش كليتك لا وتفضل تقولى ادام ابويه الكتوره فلانه بنت فلان جيلها عريس مهندس او دكتور طبعا حققها مش دكتوره يا بخت اهلها بيها بحس ساعتها بغيظ جامد وبتحسسنى انى مش متعلمه خالص ايه دهحاجه تغيظ وتحرق ال دم