[هبه مجدى]

السلام عليكم ورحمة الله وبركاته
النهارده انا عندى موضوع يمكن غريب
او جديد او هو معروف بس محدش بيصارح بيه غير نفسه
هو الاحساس بالذنب
سواء من ناحية علاقتنا بالله عزوجل
او مع اهلنا او مع اصحابنا
وازاى بنلوم نفسنا لما نعمل معصيه
او نزعل اى حد مننا

وانا حبدا بنفسى انا من النوع اللوام جدا
يعنى على طول احسس نفسى بالذنب اللى عملته
وفى حاجه تانيه بحكم دراستى فى معهد اعداد الدعاه
خلتنى اتعامل مع الناس على انهم فيهم نفس الصفاء والنقاء
اللى بتعامل بيه مع اخواتى فى المعهد
لكن ساعات الواحد يلاقى ان مش كل الناس زى بعض
وانا مش بحب انى ازعل حد منى بس ممكن مره
الوم نفسى على سلبيتى
انو مش علشان انا ساكته
ومش بحب ازعل حد يبقى
ازعل نفسى منى وده كتير بلوم نفسى عليه

وفى حاجه تانيه ظريفه اختم بيها كلامى
لما تيجى ماما تطلب منى حاجه
وانا اكون بحفظ مثلا او براجع اى حاجه
واقولها ثوانى ارجع اانب نفسى والومها
واقول انو ربنا مش حيباركلى فى مذاكرتى
لو معملتش طالبها
وسبحان الله لما بعمل اللى هى عايزاه
ربنا بيباركلى فى وقتى ومجهودى

اخر كلامى احب انى اقول لازم ضميرنا
يكون حي علشان لو ضميرنا مات
عمر ما حيكون فينا حاجه حيه بعد كده

وصلى اللهم على سيدنا محمد
وعلى اله وصحبه اجمعين

[هبه مجدى]

ياللا يابنات

[نيللي]

انا طبعا بحس بالذنب والتقصيرمن عبادتي لله ودة جزء كبير منه بيرجع للولاد والبيت ودايما الوم نفسي واقول انا مش بعبد ربنا كما ينبغي ان اعبده
اما بانسبة للأهل والأصدقاء فالحمد لله انا من النوع اللي بحسس على الناس ومش بحب ازعل حد مني ولكن طبعا احيانا تحصل حاجات مش مقصودة وتتطور وتحصل مشكلة بسبب سوء فهم او عصبيتي ولكني بفضل الله دايما اعتذر لاني بلوم نفسي
وما بحبش ازعل من حد

[هبه مجدى]

شكرا يا نيللى على صراحتك وجزاكى الله الجنه

[هبه مجدى]

ياللا يابنات مين تانى حتفتكر

[هبه مجدى]

يالا يابنات

[غاده الصايغ]

ان كمان يا هبه نفسي لومه جدا جدا مش عوزه اقولك اد ايه
عارف لما بحس ان عملت اي حاجه ومكنش المفروض اني اعمله حتي لو حاجه تافهه لا تذكر
بحاسب نفسي حساب الملكين
ول شكني دبوس بعدها بقول احسن علشان انا مكنش المفروض اعمل كده
علشان كده الحمدلله
حكمتي في الدنيا عامل الناس كما تريد ان يعاملوك
يعني بعملك في نفسك وده صدقيني اسلم حاجه
جزاكي الله خيرا
وما شاء الله عليكي
ربنا يبارك فيكي ويثبتك

[هبه مجدى]

شكرا يا غاده وربنا يجازيكى الجنه

[هبه مجدى]

ياللا يابنات تعالوا

[ايمان فريد]

اولآ بشكرك للموضوع الجميل ده
ثانيآ وانا كمآ زى اختى نيللى يمكن الواحد بيحس انه
مقصر من نحيه العباده شويه واللهى يمكن قبل الجواز كان الواحد
احسن من الان فى العباده

[هبه مجدى]

شكرا يا ايمان وربنا يكرمك ويوفقك فى علاقتك معاه وتكونى من اهل الجنه

[راجية الجنه]

و الله يا هبه انا كمان بلوم نفسى جدا و انا فرحانه بده بقول احسن ما اقول انا عملت حاجه عاديه
و موضوعك على فكره جميل جداااااااااااااا
ربنا يجازيكى خير
و يدخلنا الجنه جميعااااااااا

[محبة عمرو خالد]

أرجوك إقرئ الموضوع لضرورة وجزاك الله خير

بالنسبة لمعاتبت أنفسنا في التقصير مع الله فدايما أتذكرر حديث الرسول عندما قدم إلية أعرابي (وأستحلف الرسول وقال له أالله أمرك بالصلاة فقال الرسول نعم فقال الأعرابي ألله أمرك بصوم رمضان فقال نعم فقال الأعرابي ألله أمرك ان نؤدي الزكاة فقال نعم فقال الأعرابي أالله أمرك بحج البيت الله الحرام مرة واحدة فقال الرسول نعم فقال الأعرابي والله لاأزيد عليها بشئ)فيما معنى الحديث فقال الرسول إن صدق هذا دخل الجنة عندما أتذكرة أشعر بإطمئنان وحديث الله القدسي (أنا عند ظن عبدي بي) أشعر برحمة الله عزوجل
وعلى فكرو ياحلوات أنا بالنسبة تنفيذ الأمور التي قالها الأعرابي هي الأهم فأحب شي إلى الله تأديت الفرائض كما جاء في الحديث القدسي ثم النوافل والمهم لسانك أمسكي عليك لسانك حتى لو كان شخص تكرهينة لاتأتي أسمة بسوء أو تذكرية بسوء ودائما إلتمسي الأعذار للناس وعلى فكرة عندما تستيقظي الصباح إنوي أن كل شي في يومك هذا لله عزوجل فقيلولة الظهر ولعبك مع أولادك وشغل البيت وزيارتك للجيران وعشائك وغداك وكل شي تفعلينة في ذالك اليوم سيكون علية أجر لأنك نويتي إبتغاء وجه الله في هذا الموضوع وجددي نيتك كلما تذكرتي وحتى لوذهبتي السوق فنيتك الستروأيضا أنك تريدين أن تتكشخي مثل من حولك فلاتؤثمي بالعكس تؤجري لأنك نويتي ونبتك أيضا أن كل من يراك يعلم أنك مسلمة ذوق وليس مسلمة بملابس مبهذلة ليست جميلة فيشار لك إنظروا ماذا فعل بهم هذا الدين .....الخ
(إنما الأعمال بالنيات) يسمى هذا الحديث عند العلماء المحول العجيب لأنه يحول العادات إلى عبادات
أما في بر الوالدين فأشعر أن الكل مقصر ونسأل الله الغفران المهم أن تجعلي لديك قاعدة لاتنامي حتى تسألي أمك هل أنت راضية عني وجعليها تقول الله يرضى عليك يابنتي حتى إن لم تعتادي فجبري نفسك على ذلك (إذا ماتت الأم تقول الملائكة ماتت التي كنا نكرمك من أجلها فعمل صالحا لنكرمك )
تقبلوا تحياتي

[وحيده بدون امي]

انا ديما عندى احساس بالتقصير ناحية ربنا مهما اقوم من عبادات برضوابحس انى مش موفيه حق ربنا وديما بدعى ان ربنا يعينى ويقدرنى على طاعته بالشكل المرضى بسي طبعا بحكم الشغل والبيت والزوج والاولاد لازم غصبن عنك تقصرى وتقسمى الوقت وربنا يغفر لنا ويرحمنا برحمته

[ورده الحب الصافى]

ياااااااه يا هبه كأنك كنت معايا أنا ومحمد
محمد كان لسه بيكلمنى فى الموضوع ده
محمد بقى نفسه لوامه أوى أكتر منى
أنا بينى وبينك فى أى ذنب بعمله
بجرى بسرعه وأستغفر ربنا كتير ولو كان ذنب كبير شويه بأستغفر ربنا كتيرأوى وأتوضأ وأصلى ركعتين بنيه الأستغفار والتوبه عن الذنب

اللهم أغفر لنا خطايانا وأرحمنا أنت مولانا
وأبعد عنا الشيطان

[Faith N Hope]

بارك الله فيك على موضوعك الجميل
فكل منا في حاجة الى محاسبة نفسه دائماً
الهمكم الله نفس لوامة
حتى يرضى عنكم فتكون نفس مطمئنة...

و علينا الأكثار من الإستغفار
و لنتذكر كم كان رسول الله صلى الله عليه وسلم
يستغفر الله و هو من غفر له ما تقدم من ذنبه
و ما تأخر...

و السلام عليكم و رحمة الله و بركاته

[ام رحاب]

اولا / جزاكى الله خير ان شاء الله فعلا موضوع جميل جدااااااااااااا
ثانيا/ انا عن نفسى بلوم نفسى كثير لان مقصره جدا من ناحية العبادة
انا الحمد لله بصلى الصلاة فى وقته وبصوم الحمدلله وبقراء فى المصحف
ولكن حاسة ان انا مقصره جدااااااااااااا

[hager aly]

موضوعك رائع كعادتك
انا يا ستى شعرت بالذنب اما بسهو عن عبادة الله واما اتكلم على واحده واجيب سريتها واشتكيها مع واحده تانيه نفسى بتلومنى الاقيى ضميرى بيانبنى اقوم على طول واعمل معاها حركة جدعنه بحاول اكفر عن ذنبى بس بردو بحس بالذنب

[prettyangel]

جزاك الله كل الخير يا هبة
بجد موضوع اكثر من رائع ويستحق التثبيت
انا شخصيا اكتر حاجة بتشعرني بالذنب هي اني بحس انه انا مقصرة جدا في حق سيدي وحبيبي صلى الله عليه وسلم
واني مش عارفة هقوله ايه يوم القيامة مع سكوتي عن كل اللي بيحصل دة
وبحس اوي بالذنب تجاه اللي بيحصل في فلسطين والعراق والعالم العربي
وانه انا بذنوبي مسؤلة عن جزء كبير منه
وكذلك حال الامه الاسلامية وشبابها
اللهم انك عفو كريم تحب العفو فاعف عنا
سبحان الله العظيم وبحمده

[هبه مجدى]

ربنا يبارك فيكم ويجازيكم الجنه وما قرب اليها من قول وعمل