[لولي الامورة]

بسم الله الرحمن الرحيم
الموضوع الى هتكلم فى مهم هو مهم بالنسبا لى
كتير من الناس نلبتعرفش تتشترى مكياج
زى الكحل والبودرة وابلاشر والايلينر


وانا بتطلب من الفتكوات الامامير يقولولى ازاى اشتر الكحل والبودرة
وية الانواع الكويسة
وازاى اعرف ان الكحل دة مناسب

اذا اعجبك الموضوع و اردت نشره في المنتديات الاخرى فاستخدمي هذا الرابط:
الى مبتدئة فى المكياج تخش والمحترفة فى المكياج بردة تخش
http://forums.fatakat.com/thread37927

[لولي الامورة]

اة نسيت اقولكم بردة حد يقولى ازاى انقى المالسكارا
ازاى اعرف ان الماسكارا دى جيدة ولا لآ


وازاى اعرف ان الماسكارا دى مليانة ولا فاضية





عشان انا كتير اضحك عليا فى حكاية الماسكارا دى بزات





كنت كتير اشترى الماسكارا واكتشف فى الاخر انها فاضية

[الزوجة الوفية]

وانا معاكي في حكاية اختيار المكياج المناسب من كحل ومسكارا وبودرة وغيره
مع اني من مدة وانا اشتري واحط مكياج
مشكوووووووووووورة غاليتي

[شوشو123]

انا كمان يالولو محتاجه حد يفهمنى لاني خايبه جدا في المواضيع دي
ياريت حد يرد علينا

[dall3 ya dall3]

اوكى انا هساعدكم متقلقوش من اول بكرة هدخل واكتبلكم اللى انت عاوزينه

[dall3 ya dall3]

انا جيت

بصوا انا هتكلم معاكوا النهاردة عن ميكاج العيون اول حاجه اوكى

اول حاجه واهم حاجه الماسكرا من احسن انواع الماسكرا اللى جربتها وبالاسعار كمان
avon=13
viva=11
extrem volum=14
ودول احسن انواع المساكرا وبجد حلوين موت
تعرفى ازاى ان المساكرا حلوة بصى تاخدى الفرشاه وتحطى منها على ايدك اوكى وتفركى كويس اوعى تدعكى يعنى لو فرولت كدة تبقى كويسه لو هببت مكان ايدك ولزقت كدة تبقى نوعيتها وحشه

ونصيحه لرموش حلوة وناعمه وطويله وكمان كثيفه ادهنى زيت الخروع كل يوم على الاقل مرة يوميا قبل متنامى مثلا وممكن كمان لما تقومى من النوم ادهنى بيه رموشك وكمان حواجبك لو هى من النوع الخفيف اوكش

اه الكحل ومادراك مالكحل
احسن نوعين بصراحه xxl ;doveحلوين اوى والاحسن كمان xxl
ونصيحه منى انت عشان قلم الكحل يبقى حلو وانت بتحطيه ابريه وحطيه فى التلاجه وقبل متستخدميه طلعيه حطى منه وحطى فى التلاجه تانى هيبقى جامد

ولو القلم ناشف كدة ومتحجر معاكى هاتى قطنه فيها اى زيت وحطيها على طرف القلم وسيبها يوم كامل
واي تانى يابت يادلع..................

الشادو بصوا
فى انواع حلوة اوى ممكن مثلا تستعملى العلبه اللى بيبقى فيها اكتر من لون زى مثلاxxlاو dove
وفى علب بيبقى فيها لون او اتنين مثلا فى شادو نازل جديد اسمها lamourلامور صغير كدة وعلبته مدورة فيها لون واحد تحفه والوانه حلوة جدا وب2جنيه ونص بس اوعى حد يضحك عليكم
وفيه بردةpretty women زى لامور بردة حلو زيه

ونصيحه منى عشان الشادو يثبت بللى فرشاه الشادو بتاعك وحطى على الشادو حطى فوق عينك هيبقى خرافه هيبقى منساب معاكى وهيثبت كتير

وفى كمان eye linerالاى لاينر

انا مبحبش استخدامه الا فى المناسبات بصراحه لان بحس ان بيافور الميكب فى انواع حلوة وطبعا احسن حاجه اللوتر بروف مثلا عندكxxl viva dove avon
غير كدة استخدمى الكحل بدلا منه لو خروجه عاديه عشان يبقى ميكياجك بسيط وجميل ورقيق وناعم فى نفس الوقت

طبعا منطقه حوالين العين الهلات السوداء عدووووووووووووووتى الاولى

بس انا اشطر منها وهاتوا ودنكم اقولكم عملت فيها ايه
بصوا
فى تلات حلول
الاو كونسيلر
بودرة
او كريم اساس

الاول الكونسيلر=كريم الاساس نختار درجه اغمق من لون بشرتنا ونحطها على حوالين العين وباسفنجه براحه نوزعها وبعدها درجه افتح من بشرتنا بدرجه واحدة وبعدها ننثر بفرشاه بودرة فوق العين اوكش

نيجى للبودرة هتستخدمى حاجتين بودرة مائيه سمر كيك لونها اورنج اغمق درجه التالته يعنى اللى هى للسمر واى نوع كومباكت او لوز مضغوط او سايبه يعنى طب نحطها ازاى يابت يادلع

بصوا نحط البودرة المائه عادى طبعا انتوا عارفين ازاى تبلوا الاسفنجه وتحطوا فى البودرة وتحطوا حوالين عينكم وتوزعهوا كويس جدا
وبعد متحطوا السمر كيك او البودرة المائيه تحطوا من اللوز او الكومباكت بودر بالاسفنجه وتوزعهوها كويس بردة
وفى الاخر بفرشاه كدة تممروا على عينكمم براحه عشان تشيلوا زوايد اى بودرة
وياسلام بقى بعد الهلمه دى تحطى شادو ابيض تحت حواجبك بفرشاه شادو بس متكتريش وشويه جليتر ياسلام تبقى قشطه وانتى اساسا قشطه

طب مقولتيشانواع البودرة والكونسيلر ولا كريم الاساس
بصوا بالنسبه للكونسيلر فى انواع حلو ومش غاليه اوى زى dove avon xxl
كريم الاساسavon dove olay
للبودرة dove مضغوطه ب10جنييه وبردة xxlالمهمتجيبى درجه قريبه من لون بشرتك
السمر كيك او البودرة المائيه 25 جنيه درجه برتقالى كدة للسمر وبيجى معاه اسفنجه خاصه بيها
يارب اكون افدتكم فى موضوع العين دة على حسب خبرتى بالميكب وعلمى فيه واللى عندة استفسار انا تحت امرة
ويارب يعجبكم
وبكرة باذن الله هحط صور لبعض المنتجات دى واكتبلكم عن بقيه الوجه كله وميكاجه

بحبكم والله

[لولي الامورة]

انا عايزة اعرف حاجة
انا والحمد الله ماعنديش هالات سوداء
يعنى ممكن احط كونسيلر ولا مش لازم
ولو مش لازم
اعمل اية عشان احافظ على المنطقة الى تحت العين عشان ماتجعدش
وعرفت ان المفروض ماحتش كريم اليشرة العادى تحت العين
ارجو الافادة

[dall3 ya dall3]

طب كويس الحمد لله انك مش عندك هالات سمرا احنا بنقول نحط كونسيلر او كريم اساس ليه بقى
عشان نفتح ونبرز منطقه العين لانى الميكب الجميل يكمن فى ان المنطقه دى تبقى افتح من لون البشرة بتدى رقه وجمال ونعومه للست او البنت ماشى

وعشان تحافظى عليها من التجاعيد تجنبى استخدام الميكب فى الشمس وقبل متنامى مررى عليه تلجه مع كل وشك وحطى عليها شرايح الخيار ومتقلقيش من التجاعيد انتى لسه صغيورة

والاهم من كل دة متناميش وانتى حاطه ميكب ابدا حتى لو هتغسليه بمياة ىوصابون

[لولي الامورة]

ميرسى يا عسل على زوقك
طب معلش عايزة اعرف الفرق
الايشادو الابيض وابانكيك الابيض

[شوشو123]

يالهوي ياخراشي علي البت دلع يادلع دانت طلعتي سكر وعسل

[شوشو123]

المفروض تديني كورسات في المواضيع دي
اصل انا هبله خالص ومبعرفش اعمل حاجه لنفسى
وشكرا ليكي يادلع انك اهتميتي ورديتي علينا
ومنتظرين الباقــــــــــــــــــــــــــــــــــــــــــي

[dall3 ya dall3]

ميرسى يا عسل على زوقك
طب معلش عايزة اعرف الفرق
الايشادو الابيض وابانكيك الابيض

بصى انا بصراحه اول مرة اسمع عن حاجه اسمها ابانكيك بصى ممكن تكتبيها بالانجلش يمكن اعرف معناها

[لولي الامورة]

اية يا جماعة محدش يقدر يفدنى غير دلع
طب دلع مشغولة دلوقتى
الله يكون فى عونها وربنا يوفقها
امين

[لولي الامورة]

اية يا حماعة انتوا فين
واضح ان موضوعى فشل
يا شماتت ابلة ظاظا فيا

[dall3 ya dall3]

بسم الله الرحمن الرحيم

شماته مين وانا هنا ههههههههههههههههههههه هاتلى ظاظا دى وانا قطعها

انا اقدر بردة ياقمر اتاخر على اخواتى حبايب قلبى

بصى ياعسل هنبدا دلوقتى بايه فتحولى عنيكم وطرطئولى ودانكم بمكياج الوش

بالنسبه لمكياج الوش نبدا بالبودرة

بصوا فى تلات حلول للبودرة
1-البودرة المائيه ودى 25 جنيه وممكن تحطيها لوحدها على البشرة وفى منها تلات درجات افتح درجه دى للبيض اوى وتانى درجه للقمحين وتالت درجه للسمر اول درجه لونها ابيض وتانى درجه بمبى وتالت درجه اورنج ودى بتبلى فيها الاسفنجه وتحطى على البودرة وتبدتى تحطى على وشك وتزعيها كويس اوى

2-كريم اساس +بودرة كومباكت دى بتختارى كريم اساس مناسب للون بشرتك وتزعيه كويس اوى ياما بالفرشاه ياما بالاسفنجه وبعدها بتحطى بودرة مضغوطه بالاسفنجه او بالفرشاه وانصحك توزعيها بالفرشاه احسن فى انواع كويسه اوى من كريمات الاساس فى من avon" olyوفى بتبقى زى الرش وفى بتبقى زى الكريم وكلهم حلوين وانتى اختارى اللى يناسبك ياعسل

3-بودرة كومباكت فى بقى ناس متحبش تتقل على بشرتها بكريمات اساس او بودرة ماشيه وتقوم جايبه كومبكات بودر بودرة مضغوطه وبفرشاه واخدة منها وموزعها على بشرتها بس دى مش بتدوم كتير ساعه بالكتير وبتبدا تروح

انا عن نفسى بفضل احسن مكياج فى الخروج انك تركزى على عينك ومتحطيش بودرة على وشك ابدا الا فى المناسبات وهوضحلكم ازاى فى نهايه الموضوع

ملحوظه فى طريقه تانيه بدل متحطى كريم اساس وفوقه بودرة بدلا من كريم الاساسا ممكن تحطى البودرة المائيه وبعدها البودرة العاديه ودة اسهل واسرع واثبت لان البودرة المائيه ماهى الا كريم اساس مضغوط ودى اسهل للمبتدئات وانا بفضل الاستخدام دة

الروجاجو حبيب قلبى او البلاشر او حمرة الوجه بموووووووت فيه:-

فى انواع كتيرة وجميله ممكن تستعمليها بس عارفين ياجماعه ان من احلى الالوان على البشرة المشمشى والفوشيا الفاتح تحفه بجد خرافه انا عموما بستريح مع فينا ب 2ونص حلو اوى والوانه جميله اوعى حد يضحك عليكم

وتحطيه طبعا بفرشاه فى ميه طريقه عشان تحطيه
ممكن تحطيه ابتداء من جنب شفايافك لغايه منبت العشر جنب الودن
ممكن تضحكى وتحطى على تفاحه الخد بطريقه دائريه
ممكن من اول الخدود لغايه عند المكان اللى بتلبسى فى الحلق اللى يريحك اعمليه فى البلاشر بالذات كل واحدة وليها طريقه المهم اوعى تحطى اوفر احسن الناس تضحك عليكم هههههههههههههههههههههههه حصلت معايا مرة وزودت فى الروجاجو وكان ايه نكته ههههههههههههههههههههههههههههههه

فى ايه تانى يابت يادلع

اه الروج فى انواع كتيرة بردة وجميله وطبعا لون الروج بيتحدد بلون لبسك بس نصيحه للبنوتات العسل خخفى من الروج حطى الوان هاديه تقوم يبان جمالك اكتر الا لو فى مناسبه دى بقى انتى فرى فيها ومن الانواع الحلوة avon vinna

انا عن نفسى بحب احط ميكاج عينى كامل ومش بحط بودرة لكن بحط روجاجو وروج بحس ان دة فعلا الميكب الرقيق لاى بنت واى ست عشان كمان تبانى فى المناسابات لما تحطى بودر وكدة اوكى واللى عنده اى استفاسر انا تحت امرة

[dall3 ya dall3]

وزى موعدتكم

الى انا مساكاها بايدى دى بودرة مائيه درجه تانيه

اللى جنبها كومبكات بودر دوف

اللى جنبه الاى شادو لامور واللى جنبه الروجاجو المشمى

[dall3 ya dall3]

سمرمر(101).jpg دة الروجاجو نوع فينا اللون البينك

سمرمر(103).jpg دى ماسكرا فيفا

سمرمر(109).jpg دة شكل ولون الجليتر اللى بيتحط تحت الحواجب

سمرمر(107).jpg علبه الجليتر

سمرمر(108).jpg شكل الجليتر

[dall3 ya dall3]

سمرمر(120).jpg دة نوع من الاى شادو اسمه شادو سائل حلو جدا بردة للى تحب تتسعمله

سمرمر(121).jpg

سمرمر(124).jpg دى شكل المساكرا فيفا

[dall3 ya dall3]

اتمنى اكون افدتكم يااخواتى ياحبيابى واى حد عاوز يعرف اى حاجه انا موجودة ياقمراااااااااااات