[ام كيكي]

حبايبي :
فكرت نتكلم شويه عن علم الاداره
فا الاداره فن كبير وبيخلينا نوصل لاهدافنا بسهوله ...

والاداره على فكره مش في الشغل وبس الاداره كمان في كل اركان الحياه ..

طيب احنا ممكن نتعلم الاداره ؟
ايوه الاداره دا علم ممكن نتعلمه فيه جزء بيبقى بالفطره واستعداد بس فيه كمان جزء كبيير منه علم.

طيب ممكن يفيد الزوجات اللي قاعده مثلا في البيت ومش بتشتغل ولا هايفيد اللي بيشتغلوا بس ؟
لا الاداره ممكن تفيد كل الناس وبتنقل الانسان من مستوى لمستوى ارقى بمراحل عديده.

طيب ازاي؟
ممكن بالاداره علاقتي بزوجي تتحسن وتفيدني في تربيه أولادي وانمي فيهم صفات تخليهم يعرفوا يتصرفوا احسن في حياتهم ... وكمان تحسن علاقاتي بالناس وتخليني افهمهم احسن وتقلل المشاكل مابننا ... كمان بتخليني اعرف اتصرف في امور حياتي افضل بكتيير واخد القرارات الصح ....

ومن بكره هاناقش ازاي الاداره بتعمل كل دا....
اشوفكم بكره.
احبكم في الله...

اذا اعجبك الموضوع و اردت نشره في المنتديات الاخرى فاستخدمي هذا الرابط:
علم الاداره .... اديري حياتك وبيتك وجوزك واولادك الى الافضل ...
http://forums.fatakat.com/thread38002

[nona79]

شكرا يا ام كيكي وبارك الله فيكم مشرفاتنا ومراقبتنا العزيزات

وربنا يوفق الجميع لما يحب ويرضي ان شاء الله

[رانيـــا الشقية]

موضوعك جميل جدا يا أم كيكى
وأنا فى انتظار اكتماله باذن الله

[ام كيكي]

نونا ورنيم شكرا لمروركم واكيد كلنا هانشارك مع بعض وهانستفيد وانا شخصيا بدرس علم الاداره منذ اكتر من 10 سنين دا غير الجامعه واغلب السنين دي دراسه اجنبيه لمناهج في امريكا وانجلترا وفرنسا ومصريه كمان طبعا ولكن مهما اتعلمت فانا خبرتي متواضعه جدا لان علم الاداره دا علم واسع جدا جدااااا

[ام كيكي]

هانعرف اولا ان مش كل مدير قائد والفرق بين المدير والقائد ... وهانتعرف على كتاب جميييييل جدا في فن الاداره يا ريت الكل يحاول يقراه اسمه
7habits او بالعربي العادات السبعه لعالم من اكبر العلماء في الاداره
ستيفن كوفي
stephen covey
الراجل دا عمل انقلاب في العالم كله في طريقه تفكير البشر

[nehad]

كملي يا سكر انا معاكي

[ام كيكي]

وهانعرف كمان ان رسولنا الكريم كان اعظم قائد في البشريه وانه وهو الامي كان بيطبق كل علوم الاداره دي بتمعن واقتدار و بالفطره

[nehad]

كملي يا كيكي
يالا انا عاجبني الموضوع بتاعك

[ام كيكي]

هاكمل يا حبيبتي وانتي على فكره وحشتيني جدا ... 10 دقائق وانزلكوالجزء الاول من الموضوع ويمكن تكون ورده نامت :-)

[nehad]

ههههههههه
وانت كمان وحشاني
جزاك الله خيرا

[ام كيكي]

كتاب Stephen Covey
The Seven Habits of Highly Effective People
بيتكلم الكاتب في الكتاب ده عن سبع صفات دايما بتتوفر في الأشخاص اللي لهم تأثير كبير على من حولهم.
طيب ايه هما الصفات السبعه دول

1)-Pro Active أخذ روح المبادرة.
2)-Begin with the End in Mind أي تحديد أهداف العمل منذ البداية .
3)-Put First Things First اختيار الأولويات وتقديم ما هو أهم على ما هو أقل أهمية.
4)-Think win win التفكير بطريقة فوز/ فوز، ودا من احلى النقط اللي ممكن نتكلم فيها واللي بتحل مشاكل كتير اوي بين الناس وخصوصا الازواج
5)-Seek to Understand Before you are understood حاول أن تفهم (بفتح التاء) المتحدث قبل أن تفهم (بضم التاء) المتحدث. ودي كمان تجنن وكتير منا محتاجنها وبرضه مذهله في حل المشاكل بين الناس وبعضها وهانعرف ازاي
6)-Synergize التفكير في العمل الجماعي ودي عاده حلوه اوي لاولادنا.
7)-Sharpen the Saw أي أشحذ وسن السكين باستمرار.

وان شاء الله كل يوم هانتكلم عن واحده وعن ارتباطها برسولنا الكريم ص

سؤال الحلقه ايه هو الفرق بين المدير والقائد حاولوا تلاقوا اجابه وانا بكره هاقولوكم ...

[الزوجة الوفية]

مشكووووووووووووووووورة غاليتي وانا معاك وانشاء الله نتعلم منك الكثير
وحل السؤال ؟؟؟؟؟ ما اعرف
يسلموووووووووووو وفي انتظارك حبيبتي ،،،

[ريري]

موضوع جميل يا ام كيكى ..

وفقك الله فى طرحه..!!!

[ام كيكي]

ربط ال عادات السبع بالرسول عليه افضل الصلاة وازكى السلام تناوله كتاب كتييرودا لمكانه الرسول الرفيعه بين قاده وزعماء العالم منذ بدء الخليقه .

ووضع رسولنا الكريم بين اعظم عظماء الاداره مش بشهاده المسلمين بس ولكن بشهاده كمان المنصفين الغربيين زي مايكل هارت ...
طيب ميين مايكل هارت دا؟ مايكل هارت دا صاحب كتاب جميل اوي ومهم جدا في تاريخ الاداره اسمه
The 100 most influential people in History
أكثر 100 شخصية مؤثرة في التاريخ
ووضع فيه رسول الله محمد ص على رأس القائمة وعلل لكده بقوله:-
- كان الرجل الوحيد اللي كان ناجح بشكل كبير في كلا الناحيتين الدينية والدنيوية. فلم يكن دينيا فقط ولم يكن دنيويا فقط .
وقال كمان:-

- معظم العظماء في العالم خرجوا من بيئات متعلمة ومتحضرة تنتشر فيها الثقافات والعلوم أما محمد اللي اتولد عام 570 م في مدينة مكة في منتصف الجزيرة العربية اتولد في أكثر المناطق تخلفا في العالم آنذاك وكانوا أبعد ما يكونوا عن مراكز التجارة والثقافة والعلموالفن وبالرغم من ده فقد نتج عن دعوته أفراد انتشروا في كل أنحاء العالم ناشرينفكرهم وثقافتهم فيها.

تعالوا بقى ناخد واحده واحده من العادات السبعه ونقارنها مقارنه بسيطه اوي (على ادي وبالاستعانه باراء العلماء الاجلاء) بينها وبين رسولنا الكريم .. وبعدين نتناولها احنا في حياتنا اليوميه كمان

TO BE PROACTIVE اخذ روح المبادره:
- كان رسول الله يذهب بنفسه لوفود الحجاج والقبائل ليعرض عليها الإسلام ولم يكن يجلس في مكان واحد ويتوقع أن يأتي إليه الناس ولم يكن يكتفي بأن يرسل الصحابة يميناً ويساراً بينما يجلس هو ويأخذ موقف المتفرج وإنما كان سباقا للعمل عليه.

- موقفه في تحطيم الحجر الذي جاء أمام الصحابة وقت حفر الخندق.

-

إرساله للرسائلللملوك والأمراء لدعوتهم للإسلام.

طيب احنا كمان ممكن نعمل ايه ...
لازم مانستسلمش ومانستناش المشاكل تتحل لوحدها ونتواكل ونقول اننا بنتوكل لان الفرق كبير اوي بين الاتنين ... ومانسبش أي مشاكل في حياتنا للظروف والحظ العثر و.و.و .... راجعوا كده مشاكلنا اللي بنقابلها كل يوم ودوروا هل احنا عملنا كل اللي علينا ؟ هل اخذنا بكل الاسباب ؟ هل كان ممكن نعمل اكتر ؟ وجاوبوا بصراحه ... لو تلاحظوا لما واحده منا بتكتب مشكلتها في المنتدى بتلاقي في ناس كتير بترد عليها بحلول كتير ممكن تغير من حياة صحبه المشكله بس هي اللي بتكون مستسلمه وعاوزه الحل يجيلها لوحده ... فكروا يمكن تلاقوا حل.

ويالله تعالوا نتفاعل مع بعضنا وكل واحده تشارك برأيها عن دور اخذ روح المبادره في تغير مسار حياتنا الى الافضل ...

[نانو]

انا عاجبني موضوعك اوي يا ام كيكي..
ويا ريت تحددي معاد لدخولك علشان اللي عنده سؤال في اي حاجه بخصوص الموضوع ده ممكن يستفيد من خبرتك.. ده لو سمحتي طبعا
وجزاكم الله خيراا

[جيهان عبدالله على ربع]

تسلمى يا ام كيكى موضوعك حلو جدا ومفيد جدا اكيد هنستفاد منه كتير
انا فى انتظارك وفى انتظار المعلومات الجميلة دى

[ام كيكي]

ربنا يخليكو يا حبايبي ... الموضوع حلو بيكو طبعا وبتفاعلكو معايا فيه شكرا يا نانو شكرا يا جيجي ... شكرا يا ريري وشكرا للزوجه الوفيه ...
بالنسبه لميعاد ممكن نتفاعل فيه مع بعض .... انا ممكن ادخل بالنهار الساعه 1 الظهر لحبايبنا بتوع بنهار وكمان 12 بالليل لحبايبنا بتوع بالليل وانا تحت امركم وان شاء الله نكمل الموضوع ونستفاد دا فيه حاجات حلوه كتيير بتفيد الواحد وتوسع مداركه وتخليه يفكر بطريقه ايجابيه اكتر ... يالله النهارده نكمل ان شاء الله

وسؤال كمان للحلقه : حد سمع عن تعبير

Emotional bank account
الحساب البنكي العاطفي

[الزوجة الوفية]

مشكوووووووووورة حبيبتي ،، وأنا بحبك في الله أختي أم كيكي
وأتمنى أنك تعملي دورة وتكووون مثبته عشان نستفيد منها ونبدأ مع بعض
أنا شخصيا ما أعرف أدير أي شيء حتى البيت والأولاد دائما أكون متردده وكذلك بتأثر بأراء الأخرين
مشكوووووورة حبيبتي وبانتظارك

[smsmah]

اعتقد ان Emotional bank account
الحساب البنكي العاطفي
هو رصيد من المشاعر والعواطف التي يكنها شخص لشخص ما والتي تسهم ف زياده تسامحه مع هذا الشخص او عدم تسامحه ف المواقف الصعبه

صح ولا لا
هاه
جاوبيني بقي