[ام ملوكى نانى]

ياجماعة انا عندى غسالة اريستون الايطالية اتوماتيك كنت مش بستعملها علشان توصيلة المياة وكنت بستعمل غسالة هاف اتوماتيك وراكنة الاتوماتيك المهم لما بقى عندىبنتى بكسل كل شوية اغسل فى الهاف المهم حبيت اشغل الاتوماتيك بس المشكلة باين جوزى ضيع الكتالوج انا مش عارفة فيها اى حاجة وفيها لمبات وزراير كتير المهم جيت اشغلها امبارح حطيت الهدوم وشغلت وخلاص فضلت تلف وتشتغل معرفتش العصر اية رمزة فى البرنامج ولا الغلى لوواحدة عندها غسالة زيها اواى غسالة اتوماتيك تشرحلى البرنامج ازاى واية الرموز بتاعتة لانة مش متعرب ومفيش كتالوج وبصراحة خسارة اركنها كدة يارب اللى ترد عليا ربنا ينولها اللى فى بالها ويجزيها خير

[moonyhosen]

بصي انا عندى اريتستون ايطالي الي هي 14 برنامج بصي بتاعتي فيها تلت زراير وقرصين التلت زراير واحد للباور والتاني عليه علامه واحد علي انتين يعني لو حبيتي تستخدمي كميه قليله من الغسيل تشغليه مع زر الباور .والزرار التالت بتاع الغاء العصر لو حبيتي تلغي العصر بردو قبل ما تشغلي الغساله تدوسي عليه .بالنسبه للقرصين واحد منهم بتاع البرامج دة عليه ارقام من واحد لتمنيه وعندك من واحد لاربعه دول خاصين بالملابس القطنيه ومن خمسه لتمنيه دول للاصواف والحراير يعني للملابس الضعيفه وكمان في البرامج من خمسه لتمنيه الغساله مش بتعصر الغسيل غير لما تدوسي تكه واحدة بعد ما تخلص الغسيل عشان تصرف المياه يعني دى لازم تكوني واخدة بالك منها لما تلاقيها خلصت لف وسكتت بصي عليا ودوسي تكه واحدة علي التايمر الي عليه ارقام الملابس.اما بالنسبه للقرص التاني دة بتاع درجات الحرارة عندك من عشرةة لغايه تسعين حسب رغبتك تلفيه وتضبطيه علي مستوى الحرارة الي عايزاه .عامه لو حبيتي تستفهمي عن اي حاجه كلميني علي الخاص بتاعي تحت امرك.

[ام ملوكى نانى]

مشكورة قوى قوى ربنا يجازيكى خير وينولك الى ببالك يارب

[moonyhosen]

يا تري قدرت افيدك ولا موديل الغساله بتاعك مختلف؟

[رورو2020]

file:///D:/Documents%20and%20Settings/HomeA%26S/Desktop/AQXL105.jpg

[رورو2020]

لو دي غسالتك ردى على او ابعتيلى رسالة خاصة وانا ان شاء الله هفيدك

[nihal abdul barr]

أنا كمان غسلتي اريستن بس مش شكلها كده , لو بتاعتك موديل تاني ابعتي معلش يمكن تكون زي بتعتي يمكن أعرف افيدك

[ام ملوكى نانى]

ميرسى يا رورو لاهتمامك بس دى مش شبة غسالتى للاسف بس ان كنت عايزة اعرف الرموز اكيد شبة بعض لانها نفس الشركة يعنى رمز العصر اية التنشيف كدة يعنى وجزاكى الله خيرا

[ريتاج الكعبة]

يارب البنات يفيدوكى ياقمر

[ام ملوكى نانى]

ازيك يا نهال بصى انا غسالتى موديل(مرجريتاAl108D 2000)وزى ما قلت للبنات مش مهم لو كانت مش زيها المهم تقولى ليا اسهل طريقة للتشغيل والرموز معناها اية يعنى رمز العصر اية التنشيف انا شايفة مثلا رمز شمس دة غلى ولا اية لانى عندى رمز ترمومتر وكمان بكرة عليها من 10 الى 100 كل دول انا حساهم للحرارة وازاى اوقف الغسالة يعنى اوقف البرنامج اانا لو حركت بكرة البرنامج على اى رمز البكرة بترجع لوحدها تانى لمكانها ارجوا كى افيدينى حاسة انى من العصر الحجرى ياريت كان مكتوب على كل رسمة بالانجليزى كنت عرفت لكن الرسمة بس اجيب معناها منين