[رانيا الدلوعه]

انا مش عرفه اعمل ايه كل يوم الواحد يدخل يلاقي ناس بتمشي من المنتدي ليه وليه وليه
بجد مش لقيا كلام اقوله

ده الوحده مننا بتدخل المنتي ده عشان تنسي هموم الدنيا وقرف الحياه
كمان نلاقي هنا مشاكل وهموم

موضوع جيهان بجد زعل الكل لانها بنت جميله والله علي صغر سنها انسانه عندها ذوق وبتحترم الناس

مش عرفه ليه كده عيزه حد يرد عليا ليه كده ليه كل يوم ندخل عشان نشوف من الي خارج انهرده

بجد الموضوع مأثر فيا جامد جدا ومش انا وبس الجميع مدايق هوا فيه ايه؟؟؟؟؟؟؟

انا بقيت احس ان اغلب المواضيع بتتكلم عن المشاكل دي زعلت دي

ودي اتريق علي دي

ودي زعلانه عشان مش عرفه ايه بجد

لازم نقول استوب

كفايا مشاكل وكفايا عتاب

بلطريقه دي حتلاقو نفسكم بتمشو وحده ورا التنيه
وبعدين الحل فين

والمشكله ان الحل فينا لازم نبقي احسن من كده لازم نبقي الطف من كده معي بفض لازم نحترم بعض ونحب بعض ونخاف علي بعض

كل وحده فيكم حره بس بلشكل ده حنخسر بعض

اذا اعجبك الموضوع و اردت نشره في المنتديات الاخرى فاستخدمي هذا الرابط:
الواحد خلاص مش عرف يعمل ايه بجد خلاص
http://forums.fatakat.com/thread38177

[رانيا الدلوعه]

[سندريلا 18]

بجد احسن حاجه تتقال

[سندريلا 18]

فعلا بقت حاجه بتضايقني اوووووي
لما كل يوم ادخل الاقي العضوات اخواتنا في الله
و اصحابنا والناس اللي بنحبهم بيمشوا من المنتدي اللي بجد
كلنا بنحبه اووووووووي
و بنمووت فيه واكيد بنغير عليه

[رانيـــا الشقية]

والله يارانيا عندك حق
انتى قلتى الكلام كان بيجرى على لسانى
انا حاسة انى بقيت فى العد التنازلى للخروج من المنتدى
مش قادرة اوصف لك قد ايه فى بداية اشتراكى للمنتدى
اول ما ادخل البيت جرى على النت
دلوقتى يمكن بقيت اقلل من دخولى فتكات خايفة ادخل الاقى مشكلة
ياجماعة تعالوا نبدأ صفحة جديدة مع بعض
ننسى المشاكل والقرف والهم والزهق
ياريت نرجع روح الحب والصداقة والتفاهم بينا

[القطه]

رانيا اسمحيلى اكتب بالون الاسود
مش مبالغه ولا تحيز لاى عضوه
بس لانى حزينه موضوع سهام اتقفل
وموضوع لوللا بنوته صاحبه جي جى الموقوفه عملاه
يمكن يتقفل وموضوعك كمان ممكن يتقفل
فين الحريه انا لم امضى واوافق على حظر كلامى
الا لو كان فيه اساءه للاخرين
ونحن لم نسئ لاحد مجرد تساؤلات واستفهامات
وكان من الاجدر بفتكات مديره المنتدى تدخل تتكلم معانا بنفسها
انا حاسه اننا فى دوله داخل الدوله ؟؟؟؟؟؟؟؟؟؟؟!!!!!!!!!
اكيد فاهمانى يا رانيا
واحب ابلغ هاله 2007 انها اغلقت الموضوع ولكن لم تغلق احساسنا
الذى لا يختلف ابدا عن احساسك وشعورنا الذى لا يختلف ابدا مع كلماتك
التى بدأتى بيها موضوعك الرائع
ولا توته توته ولا فرغت الحدوته ولا جيهان 2008 قليله عندنا
احنا صاحبتها مش احنا الاداره
اسفه وكلى اسف ومن اليوم انا حزينه على جى جى
وساعلن حدادى على موقف الاداره منها وعلى قوانين الادراره والمنتدى
التى يفخر بها الجميع والتى تمنعنا
حتى نتكلم براحتنا ممكن الاداره تعتبرها غرفه شات من غرف الشات
وحدادى ساعلنه بنفسى وبما يرضى قوانينى انا
واشكرك يا رانيا واتمنى موضوعك مايتقفلش
لمجرد دخول عبير (القطه)
او سهام عاشقه امل بوشوشه
احنا فعلا اثبتنا اننا نساء نساء نساء

[رانيا الدلوعه]

انا كمان بجد كنت اصحي من النوم عالي المنتدي وما اسيبوش غير لما النوم يبقي علي الاخر

عرفين دلوقتي بقيت بفتح عشان اشوف مين مزعل مين ومين مشيت ومين مش عرفه عملت ايه بجد

ربنا يهدي الجميع ويبعد عنا الشيطان الرجيم

[سندريلا 18]

فعلا بجد
بنشكر هاله 2007 علي زوقه جدا
وانها قفلت الموضوع
و احترمت راينا كلنا انا مش عارفه لما يبقي كل موضوع
هنتكلم او نتناقش فيه علشان مصلحه المنتدي هيتقفل
يبقي بصراحه المنتدي مالوش اي لزمه
غير حبه معلومات
مش صح ابدا كد لازم نحاول نرجع الروح الجميله اللي كانت بينا
و متاكده ان الموضوع ده هيحصل اخواته

[رانيا الدلوعه]

[سندريلا 18]

لا اله الا الله العظيم الحليم ،
لا اله الا الله رب العرش العظيم ،
لا اله الا الله بالسموت ورب الارض ورب العرش الكريم .

بجد لا حول ولا قوه الا بالله العلي العظيم

[رانيا الدلوعه]

امتي افتح المنتدي الاقيه زي زمان كله حب

بجد احنا محتاجين للحب بنا بجد بجد

[القطه]

اعلن احتجاجى وحدادى على ما يحدث

[حبيبة ماما2008]

[ايمان فريد]

ايه ياجماعه هو احنا فى حرب واللى ايه
يا اختى انتى وهى لو واحده مننا عملت حاجه غلط
فى بيتها اكيد حد بيتكلم معها فى هذا الغلط
اعتبرى انك فى البيت وياستى رايكم على العين والراس
لكن العمليه مش مستهله انا لما تخلت حسيت ان الواحد فى مظهرات
والا ايه خلاص كأن مفيش حاجه جيهان هتكون مديقه شويه
وبعدين ان شاء الله هتكون بعد كده معنا ياريت تاخده الموضيع ببسطه اكتر من كده

[toto s]

كلامك صح يا رانيا
وبجد لازم نقول ستوب ونوقف المشاكل اللي بتصير معنا

بارك الله فيكي اللي اجا ببالك انك تكتبي هيك موضوع برافو علبيكي

[simpaolo]

السلام عليكم ... بصراحة انا تواجدى قل جدا" الفترة اللى فاتت ...بكل بساطة حسيت ان منتدى فتكات اللى كنت باتباهى بيه ادام اصحابى اتغير ؟؟؟؟؟
و بصراحة اكتر انا حصل بينى و بين جيهان عبد الله خلاف و الحمد لله انتهى ..
بس مش دى المشكلة ... عندى احساس ان انا ما بقيتش حرة هنا .. انا لسة جاى لى رسالة من ام الطيب على الخاص بتنبهنى ان ما اتكلمش على موقع و احدة من صاحبتنا او عضويتى تتوقف 3 أيام .... و استغربت ... فين الثقة فى منتدانا؟؟؟؟
انا مش فاهمة المشكلة اللى بتتكلموا عليها .. بس عموما" انا متضامنة معاكوا

[ام رحاب]

ربنا يهديها ان شاء الله وترجع

[ورده الحب الصافى]

لو أنتى بتحبى أختك
وبتحبيها جامد جداً
وأتخانقت معاكى
هتسيبى لها البيت وتمشى
ممكن
بس هترجعى تانى
إحنا عايزين يا جماعه يبقى هو ده اللى بينا
احنا أخوات بنزعل من بعض وبنرجع نتصالح تانى ونتصافى
وفى ناس كتير كانت مشتركه معانا ومشيت
وفى ناس كتير لسه هتشترك معانا
وفى ناس مشتركه وقابله المنتدى بكل ما فيه الحلو والوحش
لأن المنتدى لو كان فيه حاجه وحشه
إحنا كمان مش كاملين
ياريت نقبل بعض زى ما أحنا ومانبعدش عن بعض
المشرفات مش بياخدوا فلوس على أشتراكم فى المنتدى
بس بياخدوا أصدقاء وأخوات
وأنا ياعبير بضم صوتى لصوتك وبكتب اللون الأسود تضامن معاكى على وقف عضوية جيهان
بس للعلم ياعبير أنا لفت نظر جيهان والله
بس هى لسه صغيره وخبرتها فى الحياه على آد سنها ما أخدتش بالنصيحه
بس أنا بحبها جداً
لإنها من العضوات الطموحات والأخوات المحترمات
كفايه أنها لما بيبقى عندها مشكله بتجرى عليا وتحكى لى عليها
ودى حاجه بتبسطنى أوى
أرجعى يا جى جى

[nona79]

خلاص يا جماعة اتعوذو من الشيطان وخلونا نرجع زي ما كنا اخوات واصحاب

وجيجي حترجع ان شاء الله عشان انا عارفة انها بتحبنا وبتحب المنتدي

[القطه]

هبه سمبولا انا زيك مش طرف فى الموضوع والله بس
غايه ما هناك استفزنى ان البنت جيهان تتوقف حتى لو 3 ايام
ولما سهام عملت موضوع وجينا نتكلم فيه امبارح قفلوه
انتى مكونتيش معانا وفى موضوعين كمان اهم بس مش هيتقفلوا وانا متاكده
من ذلك وللعلم الموقف بتاع التحذيرات ده سبق واتعمل مع سهام
وهى صاحبتى جدا واحبها مثلكم تماما ولكنى لم اتحرك ولم اعمل من الحبه قبه
واعتبرناه بيتنا وبتاع وكلام من ده !!!!!!!!!!!
بس جيهان دى طفله وحتى لو مش طفله هى القوانين دى حاططتها بشر ولا منزله من عند ربنا ؟؟؟؟؟؟؟ استغفر الله العظيم
يعنى انا لو عندى منتدى هفكر مليون مره فى عضواته فبل ما افكر فى القانون
وانتى اهو بتقولى جالك تحذير
افتكر ده منتدى للستات الكبار مش لبنات صغيرين
يستهلوا انهم يتربوا ويتعاقبوا ويتوقفوا وممكن يعتقلوا كمان يا شيخه
ميرسى يا رانيا عالموضوع يا حبيبتى
بس سؤال اشمعنى موضوع سهام امبارح بس هو اللى اتوقف ؟؟؟؟؟؟
مع اننا لم نقذف احدا ولم نسئ لاحدا ؟؟؟؟؟؟!!!!!!
طبعا انا ماتمناش يا رانيا يتوقف ولكن استوقفنى هذا التساؤل؟؟؟