[هبهوب80]

عاوزه اعمل طاجن سمك فى الفرن بس اهم حاجه التوابل بس انا مش عارفه ياريت تفيدونى عليها عشان انا اكلتها فى مكان بره ونفسى اعمل

اذا اعجبك الموضوع و اردت نشره في المنتديات الاخرى فاستخدمي هذا الرابط:
انا عاوزه منكم طلب بسرررررررررررررررررررررعه
http://forums.fatakat.com/thread38213

[مهندسة ماجدة محمود]

مش حقدر اتكلم وفيه ناس اسكندرانيه وبور سعيديه ودمياطية فى فتكات اكيد عندهم طرق رهيبة فى التتبيل

[ام بسنت]

6سمكات من نوع السمك المثلج يسمى سمك سردين -
4 ملاعق كبيره زيت
2 بصله متوسطه مقطعه حلقات
1 جزره مقطعه حلقات رقيقه
2 حبه طماطم مقطعه حلقات
2 فلفل اخضر كبير مقطعه حلقات
8 فصوص ثوم مفروم مضاف اليه نصف ملعقة ملح صغيره و نصف ملعقة كمون و شطه حمراء حسب الرغبه
نصف كوب عصير ليمون مركز
ملعقه كبيره خل


الطريقة:

- نبدأ فى عمل الطاجن و يفضل استخدام صينيه تيفال .
- نغسل السمك جيدا و نفتحه ثم نحشيه بالثوم المضاف اليه نصف مقدار عصير الليمون و ملعقة الخل و نتركه ليتتبل لمدة نصف ساعه .
- نضع الصينية على نار عاليه ثم نهدي النار الى ان يشرب الماء الذى ينزل منه .
- نضيف الطماطم و الفلفل و الجزر و البصل و نضع عليه باقى مقدار عصير اليمون و نرش عليه بعض الملح ثم نضع الزيت و ندخله الفرن و نراعى عدم احمرار الوجه كثيرا حتى تبقى الوان الخضروات زاهية .
- يقدم الطبق ساخنا مع ارز بالبصل و سلطه حمراء و سلطة الطحينه و البطاطا المحمرة .

[ام بسنت]

ده منقول على فكر وحدورلك على طريقه تانيه

[هبهوب80]

شكرا يا ام بسنت ياعسل بس انا لما اكلته بره كان فى صلصه طماطم زى صلصه متسبكه

[ام بسنت]

2 كيلو سمك
6 يصلات حمر
اواحد فنجان زيت زيتون
2 كيلو طماطم ناضجه
ربع فنجان عصير ليمون
ملح وبهارات
يغسل السمك وينضف ويملح ويترك ساعه تقريبايدهن بالزيت ويدخل الفرن حار لمده تلت ساعه تفرم البصله وتحمر بالزيت الا ان تذبل دون ان يحمر لونها تقطع الطاطم ويضاف اليها البصلوتقلب وتوضع على النار ويضاف اليها عصير الليمون خمس دقايق وتسكب فوق السمك وتدخليها الفرن تانى نصف ساعه كده
بس ياستى ايه رايك

[لولى لولى]

انتى ممكن تكونى تقصدى الصايدية هى بتكون فى صلصة مسبكة
بسى تجيبى نوع سمك اسمة قشر البياض وتنظفي وتقطعية وتتبلية بالثوم والكمون والشطة خفيف ثم تقلية وتحضرى بصلة وتقطع ناعم وتحمر ويضاف اليها عصير الطماطم حتى تسبك ويوضع السمك ويوضع قليل من الماء وتوابل السمك تباع فى السوبر ماركت

[موكيكا]

لولى انتى نسيتى الشبت ةالقدونس اهم حاجة فى توابل السمك الكمون والشطة وفعلا السمك البياض والبلطى افضلةانواع لصيادية السمك على فكرة انا من المنصورة وبحب السمك موت

[هبهوب80]

بشكرك يالولى وموكيكا ع ردكم والف شكر

[مرمريكا]

حبيبتى فى اكتر من طريقة انتى بتقولى فى صلصة متسبكة
يبقى دة سمك بالصلصة

ام بسنت كتبتلك طرق حلوة
بس الاسكندرانى مختلف شوية


مبنحطش جزر

[زوزو الهلالي]

الاسكندرانية بيحطوا في الخلطة (التسبيكة) كرفس وبيحبوا يقلوا السمك قبل وضعه في صنية مع التسبيكة في الفرن
الدمايطة بيعملوا البوري سنجاري بدون طماطم يقطع البوري جزل ويوضع في صنية وعليه عصير ليمون كتير وثوم كتير وملح وكمون وبقدونس وكرفس وزيت وبصل رفيع وفلفل اخضر وفلفل كوبي ترانشات ويدخل الفرن وينزل ميته ويستوي فيها حتى يحمر الوجه وبالهنا والشفا
اصل امي اسكندرانية وابويا دمياطي وسلام ياجدع

[هبهوب80]

مرررررررررسى يا مرمريكا ع ردك والف شكر يازوزو

[رودينا اسلام محمد احمد]

شكرا ليكى علشان عرفت طرق جديدة للسمك