تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
اولا:انا بتاسف لبيس بيس وبتاسف لمرمر ولهبه ولكل فتوكة راحت المقابله وبقلهم فعلا انا متاسف جدا جدا انى مقدرتش اجى وان عيب فحقى جدا انى انا اللى اعمل المقابله ومرحش بس لكل واحد عنده ظروف ولكل واحد ليه كلمه يقولها وكل واحد قال الكلمه اللى عايزها وجه دورى بقا عشان ادافع عن نفسى
انا فعلا مجتش بس حد فيكو سأل يترى ايه السبب الجامد اوى اللى يخلى صاحبيت المقابله متجييش ؟؟؟
انا جالى ميكروب فلمعده وشبه تسمم وعملت غسيل معده واعدت فلمستشفى من يوم الخميس الساعه 6 صباحا لساعه 12 الضهر بالله عليكم مين فيكم هتطلع من المستشفى لو مكانى وتروح اى مكان غير بيتها ده محمد جوزى والله ساب بيته وشغله والدنيا وهو اللى ودانى المستشفى وداخ بيا وفرح اخته النهارده ولا لحق عمل حاجة ولا جاب اى حاجه وطول منا معاه والله اساله حد اتصل يقولى لاء والله لاء لو اى حد اتصل انا هعتزرله وهديكى تكلميه والله محد اتصل وكل شويه ابص فلتليفون لاحد النهارده الصبح وملاقتش حد واحد حتى اتصل سألنى انتى مجتيش ليه ؟
بيس بيس قالت انها كلمتنى وانا مردتش وانا بقولها لو تليفونى بجد رن وانا سمعته او شفته ومردتش عليكى يارب متهنى يوم واحد فحياتى ولا اتهنى بجوزى ولا اتهنى بعيالى لو تليفونى رن وانا مردتش عليكى واقسملك بالله كمان مرة انى كان نفسى اروح ومشتاقه انى اشوفكم زى منا مشتاقه ان مشروع جوازى يخلص باى طريقه والله كمان مرة لو بايدى اروح لكل واحده بيتها اعتزرلها لاهعمل كده بس ياريت تسامحونى بجد لان عدم مجيئى ديه حاجة كانت باراده الله مش ارادتى
ياحبيبتى ليه كل الدعاء ده على نفسك احنا مصدقينك من غير حاجة والله انا لما شفت زعلهم انك لم تحضرى قلت ربنا يجعله خير علشان انا كنت شايفة تحمسك للمقابلة وان شاء الله خيرها فى غيرها
اللهم آت نفسي تقواها , وزكّها, أنت خير من زكّاها , أنت وليّها ومولاها ،اللهم إني أعوذ بك من علم لا ينفع, وقلب لا يخشع , ونفس لا تشبع , ودعوة لا يستجاب لها ،اللهم إني أعوذ بك من شر ما عملت , ومن شر ما لم أعمل , وأعوذ بك من شر ما علمت , ومن شر ما لم أعلم اللهم إني أعوذ بك من زوال نعمتك , وتحول عافيتك , وفجاءة نقمتك , وجميع سخطك "
معلش يا هموسة الف سلامة عليك وانا قلت يارب يكون المانع خير والحمدلله طلع خير وقمت بالسلامة وعدت أزمتك الصحية على خير..
ربنا يشفيك ويعافيك وان شاء الله المرة الجاية تتعوض وتكوني انت اول واحدة تروحي بس بلاش الدعاء على نفسك علشان كده مش صح.
وانا كمان قلتلهم احنا كنا 6 في اول مقابلة وكنا طايرين من الفرحة ومبسوطين على الآخر ولا زعلنا من حد لان سنة نبينا محمد صلى الله عليه وسلم تخلينا نلتمس لاخواتنا سبعين عذرا .
المهم سلامتك يا سكرة.
مش انا الي اتصلت هبه هي الي اتصلت و كنا كلنا سعتها قعدين مع بعض
و اسالي زوزو و فوفو و اميره
و اسالي هبه نفسها
ده محمد جوزى والله ساب بيته وشغله والدنيا وهو اللى ودانى المستشفى وداخ بيا وفرح اخته النهارده
انت الي كتبه الكلام ده و ده نسخه منه
فرح اخت جوزك و المقابله في نفس اليوم مش غريبه شويه
دانت الي محدده المقابله مكنتيش عرفه ان في فكرح اخت جوزك
اكيد انا غلطانه
مكنتيش هتروحي صح
المشكله ان حتي اعتذارتكم مش مقنعه
و علعموم يا ستي المهم انك بخير و حمدالله علي السلامه
سلامتك ياقمر الف سلامة ربنا يشفيك ويتمم زواجك على خير
المفروض الفتوكات يقدروا ظروف بعض لاننا كلنا نفسنا نتقابل بس مش كل حاجة بتمشى بمزاجنا وربنا مارادتش
مرةتانية حمدلله على سلامتك
الله يسلمك يا حبيبتى
بس والل يا ام كيكى انا مارمرمت انا اكلت نص علبه تونه بلفلفل الرومى عشان عامله ريجيم وهو ده اللى اكلته طول اليوم مش عارفه جالى التسمم ده منين
احنا كشعب مسلم يجب علينا حسن الظن بالآخر والمثل بيقول "الغايب حجتو معاه"
ولازم نعذرونفهم بعض
إن شاء الله ألف سلامة عليكي وإن شاء الله ربنا يسهل وتتقابلو في المرة الجاية
يلاّ صافية لبن
اولا يا بيس بيس انا كنت عامله مشكلتى ففضفضه وتجارب واتكلمت فلشات وكنت قايله انى متعاركه مع اهل جوزى وانى مش رايحه الفرح وناس كتير عارفه الموضوع ده ومنهم ام بسنت وناس كتير وكلهم قالولى روحى وانا قلت مينفعش اروح لان ديه مشاكل عائليه وجوزى كان فمصر عشان ليله الحنه وساب الدنيا كلها وجالى
انما موضوع ان اعتزارتكم كلها مش مقنعه وتقوليلى فرح اخت جوزك يوم المقابله والكلام اللى بيجرح ده معناه انى بكدب وانى لا تعبانه ولا حاجه وانى بحور وخلاص عمتا ياستى لو عاوزة تصدقى صدقى ولو مش عاوزة براحتك
واحب اقلك ان مفيش اى حد فالدونيا يستاهل انى ادعى على نفسى او اقول انى تعبانه وادعى المرض لمجرد ان حد يلتمسلى عزر لاء منا كان ممكن اقول انى خطيبى جالى ومقدرتش انزل بعد ماقالى روحى رفضوقالى متروحيش مكنش حد هيعلقلى المشنقه عمتا شكرا اوى على حمدالله على السلامة
ايه يا بسبس انتى بتهجمى وخلاص همس بتقول الفرح النهاردة هو احنا فى حرب احنا اخوات ولازم يكون بينا حسن الظن ولا ايه ياجماعة
طيب يعنى لو انتى بعدالشر كنت فى المستشفى كنت تقبلى حد يهجمك كده يا فتوكات احنا اخوات لازم نقدر ظروف بعض وبعدين احنا اكيد حنتقابل تانى ان شاء الله واللى تقدر تيجى اهلا بيها واللى متقدرش اهلا بيها
معلش يا سماسيمو يا حبيبتى حصل خير هيا قلبها طيب والله وغلبانه بس عشان تلاقى نفسها صعبيت عليها لاما لاقيت نفسها لوحدها هناك وان فى ناس كتير ماجوش حتى اللى عامله الموضوع معلش التمسلها عزر برضه ومتزعليش
احنا كلنا اخوات
ياجماعه متهدوا كده هو كل يوم موضوع خناق ايه ده هو الحر مخليكوا كده اعصابكوا بايظه
صلوا على النبى واللى حصل حصل وخلاص وهى قالت عذرها وخلاص
طب مهى كتكوتايه كانت نفس نظام همس كده فى اول مقابله عملت الموضوع وكله تمام ومراحتش عشان جوزها قالها انه جاى فى اليوم اللى بعدوه ولا اللى قبله مش فاكره وعادى وقالت عذرها وخلاص
متعملوش كده موضوع من لا موضوع وروقى ككده يابس بس وانتى ياهمس
