[أاأهات ودموع]

.اخوانى كثيرا ما يدور فى راسى ماذا تعنى الحياه بالنسبه لى ولا اجد له اجابه لان حياتى كلها لا تساوى شيء او تساوى نقطه سوداء ارى من خلالها العالم سؤالى لكم انتم ماذا تعنى الحياه بالنسبه لكم.

[mascallil]

السلام عليكم
الحياة بالنسبة لـــي تتـلخـص في هــدا.................
عــــــــش لدنياك كأنك تعيش ابدا
وعش لأخــرتك كأنك تموت غـدا

[الزهره الحزينه]

الحياه حلوه بس نفهمها الحياه جميله ولكن اذا شفناها بمنظار مختلف احنا منقدر نتحكم بحياتنا وربنا يحلي ايامك وايامنا

[كنده]

هي الدنيا كدة سودة لكن نعمل ايه ننتحر لا
لازم نعيش
املنا بربنا ان ما رزقنا بالدنيا بالاخرة ان شاء الله

[أاأهات ودموع]

يارب يحلى ايامكم كلها

[أم لوجى و ملك]

الحياه بالنسبه لى هى زوجى وبناتى

[كلى امل فى الله]

بصى ياستى الدنيا من وجة نظرى
الدنيا دى بالضبط المفروض تكون حصالة الواحد بيفضل يحوش فيها وسيلة معينة اللى هىالفلوس عشان يوصل هدف معين وهو انة يشترى حاجة غالية اوى لية ونفسة فيها

والوسيلة اللى بنحاول على قد ما نقدر نحوشها هى الاعمال الصالحة وكسب الحسنات والهدف هو نيل طاعة رضا ربنا ودخول الجنة
وبردوة الدنيا عاملة زىالقطار كل واحد فينا بيركب فية ومهما الوقت كتر فية لازم كل واحد لما يجى محطتة هينزل منة
يارب ربنا يكتبلنا كلنا السعادة فى الدنيا والاخرة

[صبرين]

يا اااهات و دموع يا كنده ليش التشائم حبيباتي علشان ايه السواد كل
كل الانسان على طول حياته يمر بالحزن و التعاسة و في نفس الوقت يعيش الفرح
يعني يوم لك و يوم عليك
بعد كل عسر يسر
بس الانسان مزاجي الطبع كلما مرت به ظروف شديدة او حزن كبير يرى ان الدنيا سوداء و هو اتعس مخلوق في الوجود و ينسى كم فرح و كم عاش مبسوط
الحياة هي عبارة عن دولاب يدور و الاقدار تتشابه
كل لحظة تمر من عمرنا من المستحيل تتكرر انشاء الله ننجح في هذا الاختبار الذي سوف نحاسب عليه
و دنيتنا هي اخرتنا فهي الدار الدائمة

[أم الطيب]

انا دايما رأيي لأي واحدة الدنيا غامقة امامها ومش شايفة فيها حاجة حلوة انها تشوف ربنا خلقها ليه؟؟ للعبادة يبأه ترجع لربنا بكيانها كله وبروحها تقرأ قرآن وتختمه علطول وممكن تحفظ وتزود في صلواتها من خشوع ونوافل وقيام ليل ترطب لسانها دايما بالذكر..
اللي بتعيش مع ربنا وفي معيته بتحس انها ملكت الدنيا وما فيها.
اللهم اخرجنا منا فائزين.

[توتى]

ابسم الله الرحمن الرحيم وما خلفت الجن والانس الا ليعبدون صدق الله العظيم الحكمه من الحياه الاستزاده من عمل ما يرضى الله لان الجنه درجات وتزكرى دائما قول الله الا بذكر الله تطمئن القلوب ثبتك الله ب القول الثابت فى الحياه الدنيا والاخره

[الزوجة الاولى]

الحياة بالنسبة لى انى اعيشها لطاعه الله ورسوله وبس
بحصل لاخرتى
بس لو عشناها علشان حد يبقى منستهلش ان احنا نعيشها
لان كل واحد عايش لنفسه وبس

[اميره الليل]

الحياه فيها حاجات حلوه وحاجات وحشه يمكن انتى دلوقتى بتشوفى الوحش بس الحلو جاى اكيد . الحياة لاتسير على وتيره واحده فقط . المهم انك لازم تحبى مش لازم رجل ولكن حبى من حولك وتاخذى لك اصدقائى ولكن كونى حذرهليس كل من يقول لكى انتى حبيبتى خلاص بقت صديقه . (ودى عن تجربه)لو حبيتى الناس واتخذتى لكى صديقه هتلاقى من يسال عنك وانتى تهميه فعلا هتشعرى بالسعاده الحقيقيه. لانك هتلاقى من يمسح دموعك ويخفف عنك فى وقت الصعب .

[nona dala3]

اختي حببتي
انا مش هؤلك الدنيا سوده ولا هؤلك انها ورديه
الحيا حبه كده وحبه كده
بس انتي بصي للجانب المشرق فيها علشان ما تتعبيش
وبعدين لو ما عددش علينا ايام وحشه مش هنعرف طعم الايام الحلوه
صح ولا غلط؟
ربنا يريح قلبك ويسعد ايامك انتى والمؤمنين اجمعين

[أاأهات ودموع]

ربنا يحلى ايامكم وبحاول اشوف اى جانب مضيء فى حياتى

[toto s]

انا شايفه حياتي والحمدلله حلوه
في اوقات بتمر علينا بتكون وحشه بس لازم نتحمل

[صانعة الرجال]

السلام عليكم على فكرة الحياة حلوة بس لو عشناها لله عز وجل لو عشناها وهدفنا فيها الجنة لو عشناها واحنا عارفين ان كل هم بيحصلنا وكل مصيبه بتحصلنا كلها رفعة للجنة لو فكرنا فى النار هنتمنى انحنا نبتلى فى الدنيا علشان ندخل الجنة لحديث رسول الله مايصيب المسلم من نصب ولا وصب ولاهم ولاحزن حتى الشوكة يشكها الا كفر الله بها سياتة وانصح بقراة كتاب استمتع بحياتك

[ام البنات3]

يا حبيبتى الحياه فيه الحلو وفيه الوحش بس لازم نعيشها
والاحسن اننا نتجه الى طاعة الله ورسوله لان هو ده اللى هينفع
وربنا يحلى ايامك وايامنا وبلاش التشائم

[جيهان 2008]

يا حبيبتى الحياه فيه الحلو وفيه الوحش بس لازم نعيشها
والاحسن اننا نتجه الى طاعة الله ورسوله لان هو ده اللى هينفع
وربنا يحلى ايامك وايامنا وبلاش التشائم

[nona dala3]

اهااااااااااات هتلاقي انشاء الله
عيشي لاهلكزلجوزك او لادك لكل الي عاوزينك وبيحبوكي
او حتي عيشي علشان تعملي الخير لاخرتك
صح يا قمر؟
متخليش الشيطان يكرهك في حياتك ويعملك احباط يلهيكي عن ربنا
عيشي اللحظه وخلي عندك امل في بكره
ربنا معاكي

[ام سراج]

ليه يا ماما كده..ليه؟ مهما كانت مصاعب الدنيا نحمد ربنا اننا احسن من غيرنا
تعملي ايه لو انت فلسطينيه ..دنيتك كلها على كف عفريت..ماتعرفيش لما جوزك-او ابنك-يخرج ح يرجع تاني ولا لأ؟
تعملي ايه لو انت افغانستانيه ..ولادك بيموتوا من الجوع قدامك ومفيش عندك حل ولا امل؟
انا عارفه الدنيا بقت صعبه ووحشه اوي ع الكل بس اوعي تسلمي ابداً لأن ربنا العادل الرحيم لازم يعوضك عن الامك واحتياجك لأنه هوه العدل مايرضاش بالظلم
فاكره ستنا هاجر..سيدنا ابراهيم-بأمر الله- جابها من ارض الميه والزرع من غير حتى مايبقى عندها اختيارات ترفض او تقبل..وسابها في الصحرا ومشي..سيدنا اسماعيل عطش بدأت تجري تدور ع الميه ..سبع مرات تروح وتيجي لنفس الاماكن مش لاقيه مخلوق تشكي له غير ربنا..سبع مرات تروح وتيجي وما تلاقيش الميه ومع ذلك ماقعدتش تولول ولا الدنيا اسودت.. المسافه اللي هيه مشيتها في الرمل والجبل وتحت حر الشمس..احنا بنمشيها على الرخام تحت المراوح وجمبنا الميه والاكل ومع ذلك بنتعب...امال هيه ياترى كانت عامله ايه؟
كل ما تيئسي افتكري الموقف ده..وافتكري ان ثقتها في ربنا نورت دنيتها وملتها صفاء من زمزم اللي لسه بيروينا للنهارده بفضل ربنا ثم صبرها واملها
بكره زمزم بتاعك يملا حياتك هنا وخير بس ثقي بالله واصبري