[smsmah]

فيه ناس كده والله بس انا شايفه انه بيكون عبط يعني
ربنا ميورييكي يعني
وعموما الوحده اما بتحب جوزها اوي بتغير عليه حتي من امه واخواته

[أاأهات ودموع]

والله انا زوجى ليل ونهار مع اصحابه ممكن يقعد عندهم يومين واذا مزودهاش يعنى هما بيجو يسهرو عندو كل يوم لتانى يوم الصبح هعمل ايه ؟؟؟؟؟؟؟؟؟؟؟

[ام جنة]

الحقيقة يا ااهات و دموع انتى موضوعك اصعب بكتير وانا مريت بظروفك دى كام شهر فى اول الزواج وبعدين اعترضت والحمدلله مفيش حد دلوقتى منهم بيجى يسهر فى البيت

[همس الحب]

على فكرة يا ام جنه

انا بغير على جوزى من امه ولاما بيبوسها من راسها ومبيبسنيش بحس ان النار بتطلع من ودانى ولاما يقولى انه بيحب اخته اوى بغيييييييييييييييييييير جداااااااااا

ولاما يشترى هديه لاخته او يديها حاجه كنت انا هديهاله ابل كده بتضااااااااااااايق جدا مع ان المفروض ده يببقا انانيه منى معا انى مش انانيه خالص والله بس انا كده ومش انا بس فى ناس كتير اوى كده بس انا بحاول بقدر الامكان انى مبينش ده عشان هو مش زنبه انه ميعملش اهلو او ميكلمش مع حد او ميهديش حد عشان يراضينى انا مردهاش على نفسى بس بكتم فنفسى واسكت عشان بحبه

انما لو بنت خالته ولا بنت خاله سلمو عليه وباسوة بس ممكن اعمل جريمه عند حمااااااااتى هههههههههههههه
اما بقا لو حد غريب محمد ممكن يجيب حبل ويربطنى لانى لو مسكتها هاخد اعداااااااااااااااااااااااااااااااام loooooooooooooooooooool

[ام جنة]

لا مش اوى كده مش لدرجة مامته واخواته انا بتضايق من اصحابه بس لانى بحس انى اولى منهم انه يفضفض معايا وهو متضايق مش مجرد انه يجى يحكيلى لما يهدأ لأنى المفروض أنى أقرب واحدة له

[حبيبة.]

موضوعك جميل اوي يا ام جنه

ورائ الي ردوا عليكوا عجبني معظم تفكرينا زي بعض بس مت من الضحك علي كلام همس الحب زي العسل
المهم يا حبيبتي احنا راينا غير رائ الراجل لو الراجل هيقولك صاحبي وعشره عمر وكويس وعادي بالنسباله انما الواحده كل همها جوزها عايزاه ديما معاها وقدام عنيها
الغيره موجوده طبعا علي الزوج وخاصتا لو هو زودها مع اصحابه يعني اهتم بيهم بزياده عن اللزوم وعلي حساب اهل بيته غير كدا عادي بئا بيكون بيفك معاهم من ضغوط الشغل

[النجمة]

مافي وحده مابتغار على جوزها
وانا بغار كتير بس مو لدرجه همس الحب والحمد لله ما عندوم اخوات بس من يومين كان عرس اخوه اللي اصغر منو وكتير خايفه عليه شلون بدو يشوف مرت اخوه الجديده
مع العلم انو انا احلى منها بكتير وبشهادة حماتي*** شو الحل؟؟؟

[ام جنة]

والله انا شايفة ان الضوابط اللى وضعها الاسلام فى العلاقة بين الرجل وزوجة اخيه او عموما غير المحارم وده طبعا غير الالتزام بالزى الشرعى ده بجنب مشاكل كتيرة وربنا يوفقك

[جين صبرى]

والله يا أم جنه
لما الزوج يضيع وقته كله فالكلام عن صاحبه الأنتيم يبقى أكيد لازم أغير
عالعموم الحمد لله ده كان زماااااااااان
دلوقت مافيش وقت لا للأنتيم ولا الأنتيخ

[حزينه الى اخر عمرى]

بصى انا كمان كنت بغير من كده
بس دلوقتى لا لانى ايقنت انه ملوش غيرى وفالاخر هوا بيرجعلى مش بيرجعلهم
فمتغريش يا حبيبتى من صاحبه
انتى اللى هتكونى دايما دايماله

[مدام نورا]

بالله عليكم قولولي اعمل اية انا ارملة عندى 49 سنة وعندى 3 اولااد لكن كبار وكل واحد في حياتة الخاصة بية وانا من يوم وفاة زوجي وانا حاسة ان عندى وقت فراغ جامد رغم ان موظفة وبجي من شغلي اشوف امور اولاادى وبيتي لكن عندى وقت فراغ قاتل من حوالي سنة قعدت علي النت وبقيت اتكلم مع شباب صغيرين علي اني قدهم وفضفض بكلام هادف لكن بتكلم معاهم نت بس وهما مايعرفوش اني كبيرة هاتقولولي اتكلمي مع حد كبير زيك اقولكم بخاف من الرجالة الكبار الي دخلة نت بخاف لضعف معاهم الي انا بعملة دة بحس اني مش مقتنعة بية ومضايقة بالله عليكم قولولي اعمل اية وهل دة صح ولا غلط

[habeeba]

الغيره بتتولد عندي لما يهملني ويروح لأهله او اصحابه يعني هو السبب..لكن مبستسلمش لده اول ما بحس بإنه هيهملني ولو دقيقه علطول بفكرله في كم فكره كده وانفذهم تخليه يحرم...(انا شريره) ومجال عملي كله رجاله فلما بيتعاملو معايا يقولوي الله يكون في عون زوجك ..ليه يعني عشان مبحبش افوت حاجه واحب الدقه واحب كل حاجه تبقى في مكانها الصحيح؟

[habeeba]

ممكن يامدام نورا تشغلي نفسك بحجات تانيه كتير غير موضوع الشات..مثلا فكري في مشروع بسيط تعمليه .. او حاولي تحضري دراسات او تدرسي حاجه جديده مثلا ..ولو عملتي ليومك خطه عمرك ما هتلاقي وقت فاضي ابدا والله..

[ماجي2008]

لاه يا ام جنة فى ستات مجانين كتير انا مش متجوزة انا عندي اخت اول متجوزة المهم عملت مشكلة كبيرة مع زوجها وكانت على وشك الانتحار عشان قال بيقعد مع اصحابه اكتر منها ده والله هبل قعدنا عقلناه ده كان فى بداية زوجها لسه يعنى الرجل مخدتش على بيته قوي

[ام جنة]

دى حقيقه فعلا ان الزوج فى اول الزواج بيكون مش واخد باله ان فى حد تانى ففى حياته وعليه ليه التزامات وحقوق وواجبات بعد كده مع العشره والاولاد بياخد باله من الحاجات دى بس لما تحسى ان فيه واحد معين بيحبه قوى ودائما يعدى عليه وهو راجع من الشغل فى حين انك شايفه انك والاولاد اولى بالوقت ده من صاحبه خصوصا انه بيتاخر جامد فى الشغل ولا انا مكبره الموضوع حبتين؟

[ام جنة]

مدام نورا خليكى دائما معانا وانتى ان شاء الله هتكسرى الملل ده لانك مش هتلاقى وقت لقراءة كل المواضيع والردود عليها