[مرمريكا]

المكان الاسكندرية عروس البحر المتوسط
الزمان ايس كريم عزة


يلا تعالو اسمعو تقريرى عن المقابلة


اول حاجة عايزة اقول انى انبسطت جدااااااا جدااااااااااا جدااااااااا

كان يوم جميل كله ضحك وهزار وكلام ونميمة
هههههههههههه


يلا تعالو نبدا من الاول

نزلت من البيت واتصلت بحبيبة قلبى مستكة(بسبس)وقلتلها اصحى انا حستناكى عند فندق سيسل فى محطة الرمل عشان نروح مع بعض
وفضلت استعجل فيها يلا يابت حنتاخر عليهم

وفى السكة اتصلت بالشقية حبيبتى اللى جاية من القاهرة مخصوص عشانا هبة سعد مووووووواه دى عشانك ياهوبة

قالتلى انها جاية فى السكة من النخيل

وانا كنت لسة فى العجمى

المهم جتلى بسبس وسالتنى ان فى 2 نادى يخت قلتلها طب استنى انا حسال اللى اقترحت علينا ان احنا نروح نادى اليخت
اتصلت بدعاء وهيثم بس للاسف كانت بتكنسل كل ما اكلمها


وبعدين اتصلت بهبة قلتلها متعرفيش اى نادى اصلهم اتنين قالتلى اللى عند القلعة قلتلها طب يلا احنا مستنيينك حنسبقك على هناك
قالتلى اوك انا مش حتاخر

اخدت رشا ورحنا وكان موقف زبااااااااااااااالة سورى فى الكلمة يعنى

الراجل بتاع الامن مرضاش يدخلنا النادى لان لازم عضوية

قلناله احنا مواعدين ناس جوه ومنعرفش ان لازم عضوية
المهم رشا حاولت معاه قالتله ان اعرف واحد جوه تبع بابا ممكن يدخلنا بس للاسف منفعش

فقدنا الامل وقلنا حنعمل اية دلوقتى

قالتلى معاكى رقم موبايل همس قلتلها لا للاسف

بعد شوية لقيت موبايلى بيرن

رديت على الموبايل
الو
ايوة
مين
ازيك يامرمر انا زوزو
ازيك يازوزو الحمد لله
الحمد لله يامرمر اوعى تروحى المقابلى حتاخدى بمبة زى اللى اخدناها احنا لسة كنا عند النادى ومرضاش يدخلنا

قلتلها احنا خلاص خدنا البمبة واحنا دلوقتى عند النادى واقفين مش عارفين نعمل اية

بجد طب احنا فى بحرى عند خالتى قدامى نص ساعة واكون عندكو اوعو تتحركو انا معايا فوفو

اوك يازوزو متتاخروش احنا مستنينكم وكمان هبة سعد جاية من العجمى

اوك يامرمر متقلقيش نص ساعة بالكتير باى



ودى كانت مكالمتى مع زوزو الله يكرمها هى وفوفو
فكرنا انا ورشا فى مكان نقعد فيه لما نتقابل
قلتلها طب تعالى نروح اى كافيه نستناهم وبعدين ربنا يحلها
قالتلى ماشى

لقينا فى طريقنا ايس كريم عزة قلتلها ماتيجى يامستكة نقعد هنا وحاكلك ايس كريم على حسابى
قالتلى يلا
رحنا قعدنا وبعد شوية زوزو اتصلت بيا قالتلى انهم عند النادى قلتلها احنا عند عزة لفى وتعالى قالتلى اوك
وفعلا جتلنا هناك عند عزة ومعاهم سلسبيل وبلال الاتنين زى العسسسسسسسسسسسسسسسسل

وبعد شوية هبة كلمتنا قلتلها تعالى عند عزة
وفعلا جتلنا عند عزة واتجمعنا

بس كانت قعدة فى منتهى الجمال والله وكنا مبسوطين موووووووووت

واحلى مفاجاه بقى لما لقينا ام الطيب الجميلة بتتصل بينا بتطمن علينا

والله فرحت جدا بمكالمتها

وقعدنا نتكلم ياجماعة محدش معاه رقم موبايل همس

هبة قالت انا معايا رقم موبايلها

واتصلنا بيها كتير من موبايل هبة مقفووووووووووووول

قلنا خلاص المهم ان احنا مع بعض ومش مهم هما بقى الخسرانين القعدة كان كلها ضحك للركب


والحمد لله قدرنا ندبر مكان نقعد فيه

لان دى كانت حاجة مهمة قوى وخصوصا بعد ما اتحرجنا عند النادى

ودى كانت الحاجة اللى تدايق بصراحة

لو كان مكان عام من غير عضوية ومكنش حد جه كنا قلنا ماشى
انما نقف نتلطع فى الشارع دى اللى مش حلوة


واتفقنا على معاد تانى بينا والل عايزييجى اهلا وسهلا واللى مش عايز بردة اهلا وسهلا

بس حيبقى احنا اللى اخترنا المكان والزمان


ودة تقريرى المفصل بالمقابلة الراااااااااااااائعة



والله كنا مبسوطين كلنا وكنا بنتمنى الوقت يطول شوية


كانت معكم من الاسكندرية
مرمريكا الانتيكا
والسلام عليكم

[مرمريكا]

اه ياجماعة انا نسيت اقولكو حاجة

انا دلوقتى بس لقيت همس سايبالى رقم موبايلها انا مخدتش عشان بس ابقى قلت كلللللللللل حاجة


ياريتكو كنتو معانا

[جيهان عبدالله على ربع]

الف مبروك علي المقابله وانا اللي اديت رقمك لزوزو
اخذت رقمك من هاجر علي
وان شاء الله اكون معاكم المقابله الجاية
وزيرة الداخليه متابعاكم يا مرمر فين ما تكونوا

[مرمريكا]

وهاجر على اتصلت بيها قالتلى ان خطيبها جاى قلتلها حاولى تزحلقيه عايزة اشوفك يابت
قالتلى حاااااااضر من عنية

بس بصراحة اتصلت بيا بعد ما مشينا قلتلى ان هند اختها تعبانة
كتر خيرها اهتمت وقالت انها مش جاية

[مرمريكا]

هههههههههههههههههههههههههههه
الله يبارك فيكى ياجيجى
ماشى تعالى وحتنبسطى معانا قوى
المرة الجاية حنعملها احلى واحلى

اه زوزو قالتلى انها اخدت موبايلى منك وانتى اخدتيه من لوزة(هاجر)

بس اية رايك بالتفصيل الممل اهو

[حدوتة مصرية]

مرمريكا ان شاء الله معاكم المرة الجاية حتى لو ناوين تصلوا الفجر وتتقابلوا
كان نفسى اشوفكم بس بس بس مشفتش الرسالة اللى بعتهالها الا بعد ماجيت من المقابلة
بجد مشتاقة لكم اوى اوى اوى

[جيهان عبدالله على ربع]

تمام حضري اوراقك علشان تمسكي امن اسكندرية

[راجية الجنه]

مـــــــــرمـــــــــــــــــــــــــــر ازيك يا حبيبتى زحشاانى
صحيح دى همس كانت تعبانه و جاتلها سبه حاله تسمم
هتلاقيها حتى كاتبه موضوع اعتذار هنا ف دردشه

[مرمريكا]

حدوتة انتى تنورينا ومتقلقيش ان شاء الله المرة الجاية قريب قوووووووووى
وفى مكان حتنبسطى فيه


ماشى ياجيجى تمام يا فندم


ازيك يامروة ياقمر

همس دى طلعت نص كمممم وموبايلها كان مقفول واسالو هبة سد لان هى اللى معاها رقم موبايلها

هبة سعد مش حتقدر تخدل عالنت الا لما ترجع القاهرة وانا ببلغها الاخبار بالتليفون اول باول

[راجية الجنه]

شاناالحمد لله يا مرمر
بس اقراى موضوع همس هتلاقيه ف الصفحه التانيه
ممكن تكون هبه نقلت الرقم غلط
بس همس و الله صعبت عليا لانها كانت ف المستشفى

[حدوتة مصرية]

[quote=مرمريكا;461661]حدوتة انتى تنورينا ومتقلقيش ان شاء الله المرة الجاية قريب قوووووووووى
وفى مكان حتنبسطى فيه
يا مرمر مش مهم المكان المهم انى عارفة انى حكون مبسوطة انى اشوفكم

[ام رحاب]

مبروك على المقابلة والمرة الجاية تكون احسن ان شاء الله

[مرمريكا]

دة انتى حتنبسطى وحتنبسطى وحتنبسطى
ولو متعبتيش من الضحك قولى عليا انى هجاصة

مروة ياحبيبتى الرقم مش غلط ولا حاجة يلا اللى حصل حصل

[مرمريكا]

ام رحاب الله يبارك فيكى وعقبال مانشوفك

[yoyo]

كان نفسي ابقى معاكو و اشوف احلى صحبة واحلى بنات فيكي يا اسكندرية مش هعمل زي بعض ناسسسسسس و اطنشششش

[مرمريكا]

ياريتك كنتى معانا يا يارا
والله القعدة كانت عايزااااااااااااااااااااااااااكى

[nona79]

يا بختكمممممممممممممم

والله كان نفسي اوي اكون معاكم

قلتو عليا ايه يا مرمر نميتو عليا ولا نسيتوني

يا رب لما اجي الاسكندرية لازززززززززم اشوفكم

[مرمريكا]

طبعا يانادية
امال انتى ناسية انى حتجنن على عليوة
عايزة اكله
والله دةاحنا نجيلك مخصوص

[nona79]

تسلمي يا مرمر يا حبيبة قلبي

عشان لما تيجي اديكي علي يبات عندك ليله

هههههههههههه

ايه رائك في الرشوة ديه