[resalahelwan]

عاوزة اعرف الطريقه المثلي لمعامله ام الزوجة انا هابقي عروسه قريبا جدا

اذا اعجبك الموضوع و اردت نشره في المنتديات الاخرى فاستخدمي هذا الرابط:
حد يعرفني
http://forums.fatakat.com/thread38468

[كلى امل فى الله]

حبيبتى بس حبيت ادعيلك من قلبى ان ربنا يوفقك يا احلى عروسة ياااااااارب فى حياتك الجديدة ويجمع بينك وبين جوزك فى مودة ورحمة طول العمرويرزقك يارب ان شاء الله بالذرية الصالحة

بصى ياجميلة بجد هؤالك نصيحة ممكن تكون قليلة فى عدد كلمتها بس بجد لو عرفتى تطبقيها مع ام زوجك ان شاء الله بكدة تكونى ضمنتى سعادة الدنيا والاخرة ان شاء الله

وهى انك وانتى بتتعاملى مع ام زوجك ان شاء الله اتخيلى ان ممتك هى اللى فى الموقف دة بالضبط بالضبط سواء فى وقت مفهوش اى مشكلة او لا قدر الله يوم مايحصل شوية خلفات. وخلى ردة فعلك او تصرفك عموما يكون قايم على التخيل دة.

حبيبتى وخلى فى نيتك انك بتكسبى رضا ربنا من رضا زوجك وانتى بتعاملى امة بالحسنى وانكبتقومى بسنة الرسول علية الصلاة والسلام فى انك بترحمى فى معاملتك كبير السن
وربنا يااااااااااااارب ياحبيبتى يوفقك ويسعدك فى حياتك الجديدة ويجعلك زوجك كما تحبى ويسعدك ربنا معاة ويكون سكنا لكى ويجعلك ازوجك زى ماهو يحب ويسعد معاكى وتكونى سكنا لة ان شاء الله ويسخركم لبعض ويسخر اهل كل واحد فيكم لبعض ان شاء الله

[resalahelwan]

يا ماما انا معاكي بس امي لو انا تصرفت من غير قصد هاتسامح لكن مامته مستحيل

[ام سراج]

بصي يا سكر ..مفيش طريقه مكتوبه في كتاب تقول انتي تتعاملي مع البني ادم ازاي..لاننا بشر مختلفين..بس كل اللي اقدر اقوله ليكي خليكي انتي وماتظلميهاش..زي ماانت ماتحبيش حد يظلمك..واهم حاجه اوعي تمنعي عنها ابنها..ولا تقطعيه بينك وبينها..ولا تخيريه مابينك وبينها لانك انتي حاجه وهيه حاجه تاني
اذا كنت تقدري على كده..يبقى كويس..ومش مهم هي تعاملك ازاي لانها مهما كانت وحشه طول ماانت كويسه مش ح تديها فرصه تعمل فيكي حاجه..ومش ح تقدر تقوم جوزك عليكي لأنه شايف انتي بتتعاملي ازاي..ربنا يسعدك..وطالما نيتك خير ربنا مش ح يسيبك

[ام عبودى]

شوفى ياحبيبةقلبى طالماانك بتسالى ده معناه انك ان شاءالله عايزةتعرفى الصح والصح ياحبيبتى هوان السعادةمش بس فى زوج وزوجةبيحبوابعض لازم كمان الاسرةالكبيرةيعنى الاهل سواءاهلك اواهله وصدقينى بشويةحكمةمنك وصبرتقدرى تكسبى حماتك فى صفك دايماانابعمل كده والحمدلله

[fairy princess]

يارب يتمملك جوازك على خير
اهم حاجة زى ماقلولك الفتكوات تعاملى حماتك بالحسنى
واهم حاجة كمان مش كل حاجة تحكيهالها...لازم يكون ليكى خصوصية فى حياتك
ولو هاتسكنى قريب منها لازم تفصلى فحاجات معينة زى الاكل وغيره من الحاجات اللى ليكى فيها حرية شخصية.......لان لى صديقات كتير اعتمدو على الحماه فى كل شئ ولما حبو يبقالهم حياتهم الشخصية حصل مشاكل
وربنا يوفقك وكل واحدة وظروفها

[سندريلا 18]

الف الف مبروك مقدما يا قمر

ده رابط موضوع ممكن تقريه وتستفادي منه
وطبعا كلام الفتوكات كله صح
باااارك الله فيهم
http://forums.fatakat.com/thread25749
و مره كمااااان الف الف مبرووووك

[ماجي2008]

حاولى تتوددى ليها وحببيها فيكى بمعنى تعرفى بذكائك الحاجة اللى بتفضلها واعمليها انا اعرف بنات محببة حماتها فيها وبتشكر فيها وعشان تتحسسى الوحدة من زوجات ولادها التانين كانت تقول فلانة دية جميلة وتفضل تدعى للبنت اي زوجة ابنها اللى مرياحها
اعملى جاهدة عى اسعادها لان ده بيؤثر على الزوج نفسة الحالة النفسية للزوج بتنطبق على الوحدة ربنا يوفقك للخير

[resalahelwan]

ايه تاني عاوزة نصائح اكتر