[ضحي *]

أه مكرونة بشامل بتحبيها مش كده ونفسك تكليها بس الرجيم متزعليش يا ستي أنا حريحك !!!!!
طبعا كلنا عارفين أن المكرونة بالباشامل بتتكون من مكرونة وباشامل وعصاج صح طب نعمل إيه علشان نقلل من دهونها أحنا حنستخدم مكرونة فرن عادية من الي في السوق بس في مكرونة رجيم في السوق لو حبه تجربيها بس بصراحة أنا مجربتهاش وحنجيب للباشامل لبن خالي الدسم واللحم المفروم خالي الدسم وده بيتباع في السوبر ماركت الكبيرة أو ممكن من عند الجزار بس خليه يفرمها قدامك علشان تطمني أنها من لحم أحمر صافي
الطــــــــــــــــــــــريـــــــــــــــــــــــ ــقة !!!!!
حنسلق المكرونة ذي العادي
حنعمل الباشامل بس بطريقة مختلفة شويه حندوب الدقيق في اللبن وبعدين نحطه علي النار ونقلب حتقوليلي أيه ده من غير ما نحمر الدقيق في السمن حقولك أه أنا شفت الطريقة دي في برنامج وجربتها كتير حتدي نفس النتيجة
أما العصاج حتجيبي البصل وتشوحيه من غير سمن ولا زيت لحد لما الميه الي فيه تتشرب وبعدين تضيفي اللحم المفروم عليه وتقلبي شوية وممكن تحطي معلقة صغيرة سمن أو زيت يعني علشان ما تلزقشي وبعدين في ناس بتحب تحط عصير طماطم وتسيب العصاج يتسبك وفي ناس بتسيب اللحم من غير صلصة طماطم لو أنتي بتحبيها من غير صلصة حطي عليها شوية ميه وسبيها تستوي وتبليها ذي عادتك
حتجيبي المكرونة الي سلقناها وغسلناها وبردت ونحط نصها في القالب ونضيف له بعض الباشامل ونقلب وبعدين نحط العصاج ونحط باقي المكرونة بعد تقليبة في بعض الباشامل نحط الطبقة الأخيرة باشامل وعلي فكرة لأزم يكون الباشامل تقيل وده تعمليه بأنك تزودي معالق الدقيق لو حبه تحطي بيضة علي الوش أضربيها الأول في طبق وحطي عليه حبة ملح وفلفل وحطيها علي الوش وبعدين حطيها في الفرن لما تحمر أطفي عليها وسبيها تبرد علشان تعرفي تقطعيها من غير ما تبوظي شكل الخرطة وبالهنا والشفا يا رب تعجبكم يا حبايبي

اذا اعجبك الموضوع و اردت نشره في المنتديات الاخرى فاستخدمي هذا الرابط:
مكرونة بالباشامل بس بسعرات أقل
http://forums.fatakat.com/thread38612

[جالاكسى2006]

ممممممممممممممممممم تسلمى ياقمر انا مش تخينه بس هاعملها لان معدتى خربانه على الاخر ولما باكل المكرونه البشاميل المتكلفه ..بقعد اسبوع ف السرير انتى كده سهلتى عليا وهاعملها كل يوم

[شوشو123]

شكرا ليكي ياضحي
انا كمان شفت الطريقه دي في برنامج دعاء عامر