[ماجي2008]

عاوزه اخد رأيكم فى استشارة صغيرة بس ممكن تكون مهمة وتهم كل بنت وكل ست لبناتها مستقبلا وياريت كل واحدة تقول اللى جواها بصراحة مش الردود الدبلوماسية

والقصة هى
عندي واحدة صحبتى بنت كويسة وملتزمة وبترعى ربنا فى خطيبها بس هو للاسف تحسى بخيل شوية بمعني احساسها بيه كده حتى مخطوبة بقالها حوالى 3 شهور مدخلش عليها بكيس لب تعرف منين انه مش بخيل وهى عملت معه ومعى اهله الواجب على اكمل وجه
هو تقديم الهدية فى معناها مش فى مبالغها هى البنت مش مادية خالص بس اية اللى يعرف البنت ان كان بخيل ولا لاه تعمل اية تكمل ولا لاه
واللى يغيظ فى الموضوع البنت المسكينة بتشتكي من معاملة اخته ليها بتتعمد انها تتعامل من بعيد يعنى مثلا لو اتصلت تسأل عليه الكلمة على قد الكلمة يعنى ازيك الله يسلم عاملة اية كويسة شيء من هذا القبيل ما بتتحاولش تفتح حوار
رغم انهم ناس عاديين جداَ بصراحة انا اتخنقتلها

اذا اعجبك الموضوع و اردت نشره في المنتديات الاخرى فاستخدمي هذا الرابط:
يارايت تفيدوني عشان ده موضوع مهم
http://forums.fatakat.com/thread38615

[reda mohamed]

مشكلة البخل دى مشكلة ملهاش حل
بس متخليش صديقتك تتسرع فى أخذ أى قرار علشان 3 شهور مش فترة كافية لتتعرف عليه أكتر وتحكم عليه
خليها تخرج معاه بره ولو حتى معاها أختها أو أخوها بس المهم تخرج وتشوفه حيعزمهم فى مكان شكله إيه وحيطلبهم إيه ..... أنا عملت كده مع جوزى أيام الخطوبة علشان أعرف بخيل ولا لأه
وربنا يهديها للصالح ويوفقها

[dodsemad]

رضا معاها حق تحاول تحطه فى مواقف وتشوف تصرفاته شكلها ايه مع العلم ان فيه بعض الناس بطبيعتهم مش بيعرفوا فى الامور الاجتماعيه اوى محتاجين حد يقولهم عليها زى مثلا ميصحش تروح لحد ايدك فاضيه والكلام ده وفيه بعض الناس بتبقى حريصه مش بخيله بس كلام فى سرك اكتر حاجتين بيهدوا الاسر البخل والخيانه لان الاتنين ملهومش علاج ,وقوليلها ده جواز يعنى هتكمل معاه العمر كله لازم تتحرى الصدق علشان متتعبش لان ليا صاحبه سابت جوزها للسبب ده .وفى الاخر اللى اقدر اقوله خليها تصلى صلاه استخاره تسيبه والا تكمل وربنا يهديها للطريق السليم
.بس هو لو مش بخيل وحريص شويه ممكن تكمل معاه وبعدين الستات ليها اساليب بقى بعد الجواز تاخد بيها عنيه ههههههههههههه. كفايه كده طولت عليكى .

[ماجي2008]

معاكو حق الله يخليكو

[أم الطيب]

كلام البنات صح..
وممكن كمان لما اهلها يعزموه تشوف هيدخل معاه ايه.
ولما يخرجوا مع بعض تقوله شربنا حاجة او انا جعانة لان ممكن يكون كريم بس مش من النوع اللي بيبادر هو بالعرض لان انا جوزي كده في قمة الكرم ماشاء الله عليه بس لما نخرج ممكن نفضل طول النهار لا نشرب ولا ناكل إلا لما أقوله يجيب احسن حاجة علطول.. هي طباع.
ربنا ييسر لها الخير

[الزهره الحزينه]

اكيد مش لازم تتسرع بلحكم علي 3 اشهر فتره قليله مش يمكن ايدو ماسكه عشان بجهز للفرح او ظروفو وحشه لازم تعطي اكتر من فرصه وبعدها تبني قرارها بعد دراسه وصبر واخيرا بتمنالها التوفيق

[ماجي2008]

اتعزم اكتر من مرة مفيش دم