[ropanet]

انا مش عارفه ابتدى منين بس مشكلتى ملهاش حل تعبت وزهقت اولا انا اسمى ؟ من مصر كنت مخطوبه لشاب بحبه اوى ضحيت بكل حاجه علشانه اخترته هو وبس كنت قبل مااعرفه مش بفكر الا فى شغلى وحياتى لكن هو دخل حياتى غيرلى كل حاجه حبيته اوى وفى يوم اتخنقنا خناقه بسيطه بجد مكنتش اقصد مع اننا بنتخانق كتير واذا كنت غلطانه او هو غلطان بيجى يصلحنى ومن ساعه الخناقه دى افتكرته بيهزر قلى هاتى حاجتى الى هى حاجه الخطوبه فقلعتها مكنتش اتصور انه ياخدها ويمشى دورت عليه انا الى رحت ليه عشان اعرف هو فين سبنى بعد ما وقفت جنبه علمته يشيل مسئوليه ويحافظ على فلوسه وساعته عشان يبقى يبتدى حياة جديدة ولما رحت اشوفه اكتشفت انه قال لااهله ودى كانت مجرد مشكله زى اى مشكله بسيطه بتحصل ما بينا اتصدمت مكنتش عارفه ارد اقول ايه الى وقفت جنبه وكنت ليه اهله يعمل معايا كدا ويدمرنى مشكلتى انى بحبه اوى خليكوا مكانى لو واحدة ضحت بكل احلامها وطموحاتها على شان شخص وفى الاخر باعها شفتوا الى عايشه فيه لدرجه انى كنت انتحر عشان ميبعدش عندى احسن اموت من انى مشفش اليوم دا يا جماعه انا منهارة ومش قادرة انسى ولا هنسى لان الى افتكرة انه كان لياحبيب واكتر من حبيب ادانى كل حاجه حلوة عيشنى فى الحب والنهايه يسبنى ومش عايز يوجهنى وانا الى وقفت جنبه وحرمت نفسى من كل شىء على شانه لو اقدر انساة كنت عملت لكن انا مقدرش وانا دلوقتى اتحطمت لانى اتصدمت فى الشخص الى حبيته بجد ياريت تشاركونى مشكلتى؟ اسفه انى بديقكوا

اذا اعجبك الموضوع و اردت نشره في المنتديات الاخرى فاستخدمي هذا الرابط:
للاسف حياتى انتهت؟
http://forums.fatakat.com/thread38718

[saadelhelaly]

بصي يا حبيبتي
مشكلتك مشكلة كبيرة قويوي و انا حاسة بيكي كويس جدا
بس
مش هنقعد طول الحياة نبكي على اللي فات
ده المفروض يكون دافع ليكي
لازم تبتدي من جديد و تعيشي حياتك بكل ما فيها
الحلو و الوحش
ويكون ده حاجة تقويكي على الزمن و اللي بيحصل فيه و يا مالواحد شاف و هيشوف بس ما يكونش مهبط او يستنزف قوتنا
ولكن يكون مقوي لينا
و الضبة اللي ما تموتش تقوي
و المفروض تقويكي على كل حاجة
وزي ما في الوحشين اكيد في ناس كويسة والا كانت الدنيا خربت
اكيد لازم تدوري
بس المرة دي بتاني شويتين تلاتة و ما يكونش اي حد

[dall3 ya dall3]

بصى بقى بلاش شغل البنات الضعيف دة انا عاوزاكى قويه وترفعى راسك ولايهمك انت مش بايرة ولافيكى عيب اعرفى كويس اوى وحطى دة فى ودنك انتى الف من يتمناكى هوة فاكر نفسه ايه يابت احمدى ربنا انه طلع ندل وكدة بدل مكنتى تدبسى معاه

واذاكان على الاحلامك تقدرى ترجعيها وتشتغلى وتبقى احسن من الاول واكتر ولايهمك ياحبيبه قلبى
انا عارفه انه صعب عليكى بس لازم تيجى على قلبك وتكسريه عشان كرامتك
بصى بقى انت تعملى اللى هقولك عليه
ارجعى لشغلك غيرى خطك اهتمى بروحك اكتر لبسك ميكاجك دة شويه هيلهيكى ابتدى اخرجى شمى هوا اشغلى روحك باى حاجه
وكل ميجى على بالك استعيذى بالله وصلى وادعى فى كل صلام وقولى يارب قوينى يارب

وصدقينى ربنا هيساعدك وانا تحت امرك ع الخاص لو عوزتى اى حاجه او حبيتى تتكلمى معايا وتفضفضى ياحبيبتى وبراحه على نفسك واجمدى انا احب البنات الجامدة الناشفه اللى ميهمش حاجه

وربنا يفرج همك ياحبى

[شموسة]

ربنا معاكى ياحبيبتى انا عارفه انك اكيد مكسوره لكن ده مش معناه ابدا انك تستسلمى للجرح فعلا والله احمدى ربنا الف مره انك عرفتيه وانتو لسه على البر
انا مع (دلع)فى كل اللى قالته اشغلى نفسك وحسى بقيمتك طالما انتى بتشتغلى الشغل بيديلك احساس كبير بقيمتك كانسانه اوعى تستسلمى لضعفك لانك سدقينى بعد فتره هتضحكى على نفسك انك كنتى متعلقه بواحد ماقدرش اللى عملتيه عشانه وبعدين عسى ان تكرهوا شيئا وهو خير لكم_وعلمت ان رزقى لن ياخذه غيرى فاطمئن قلبى_طمنى قلبك وريحيه ونصيبك هيجيلك لحد عندك على اهون الاسباب وانتى معززه مكرمه وراسك مرفوعه وهيجيلك الى يقدرك
وعلى راى المثل(اللى مايحطنيش كحل فى عينه مااحطوش مركوب فى رجلى(هههههههههه فرفشى كده وعيشى حياتك وربنا معاكى ياقمر

[شموسة]

وابتسم.... ف نهاية الاشياء لاتعنى نهاية العالم

[ضحي *]

كل شيء بيبتدي صغير وبعدين يكبر إلا الحزنيبتدي كبير وبعدين يصغر أنا عارفة أن أصعب جرح هو جرح الحبيب
بس لو كان حبيب سعات كتير بنقابل ناس نفتكرهم أنهم أحباب ونعيش معاهم قصة وهم حلوة أوي لما بنفوق من الوهم بنبقي مش مصدقين بس بعد فترة بنكتشف أنه كان وهم كبير وصدقيني أنك تنسيه مش مستحيل هو صعب أه مش حقول لا بس مش مستحيل عارفة أشغلي نفسك بشغلك ومستقبلك وقربي أوي من ربنا لذة قربك من ربنا حتنسيكي أي حاجة في الدنيا أنتي دلوقتي مش مصدقاني بس أنا عوزاكي تجربي وفي يوم من الأيام حتفتكريني لما تقبلي الحب الحقيقي .
في جملة قالها أحمد حلمي في فيلم ظرف طارق
إذا أردت شيء بقوة فاطلق سراحه فأن عاد لك فهو ملكك وأن لم يعد فهو ليس ملكك من البداية .
وعموما ربنا معاكي وده رأيي المتواضع

[ropanet]

انا مش عارفه اقولكم ايه انا بجد بشكركم بس للاسف مش عارفه اشتغل شايفه كل حاجه قدامى حاسه ان انا فيا حاجه وحشه مش شايفها مش عارفه حاسه انى ثقتى فى نفسى قلت وحاسه انى تعبانه جدا بس اوعدكم ان افكر فى كلامك شكرا ليكم

[undonelife]

هو الموضوع ده عدى عليه أد ايه؟ اصل انا مريت بحاجات زي كده وكنت بتمنى الموت بس صدقيني انشاء الله لما تقابلي الانسان اللي يستاهلك ويحبك بجد هتنسي خطيبك ده وهتضحك وتقول مش معقول انا كنت بعمل كده

ربنا يارب يعوضك بأحسن منه أو يرجعه ليكي ويصلح حالكم قولو معايا آمين يارب العالمين.