[bodoo]

انا متزوجة و عندي طفل و اعمل مدرسة
زوجي يرفض الخروج معي للفسحة و يحب الخروج مع اصحابه
بالامس كنا متفقين عاى الخروج مع اخوه و لكنه لغى الميعاد دون ان يخبرني و عندما سالته هل سنذهب ام لا قال لا اعرف
ثم بعده بفترة اخبرني انه الغى الميعاد لقد تتدلى فكي من الدهشة
ثم افاجأ بعد ذلك بأصحابه ينادون عليه بالسيارات و يذهب معهم و يأتي بعد الفجر و يأتيني بعشاء من احد المطاعم و بالطبع عندما رايته ذاهب معهم بكيت بحرفة لاني لا استاهل منه هذا فانا منذ اكثر من شهرين الح عليه في الخروج معي و يرفض ولكني رفضت ان اكل من الطعام و ذلك فعلا لعدم و جود شهية لدي " سد نفسي " و الله
المهم انه اخذ يتحدث بزعيق انه كلف نفسه و فكر فيه و هكذا فذهبت لانام حيث اني لا احتمل اي كلام
فبالله عليكم اخبروني ماذا افعل

اذا اعجبك الموضوع و اردت نشره في المنتديات الاخرى فاستخدمي هذا الرابط:
مشكلة زوجية ارجو المساعدة في الحل
http://forums.fatakat.com/thread38764

[salwasoula]

اختي الكريمة.........عليكي بالصبر و توددي دائما لزوجك بالكلمة الطيبة و كوني بشوشة وقبل كل ده لحي علي ربنا في الدعاء انه يهديلك جوزك.
ربنا معاكي و يرضيكي.

[bodoo]

الف شكر على الرد بس و الله انا دايما بشوشة و بريحه بس هو معرفش لبعما كدة ليه!!!!!!!!!!!!!!

[salwasoula]

ربنا معاكي يا حبيبتي و يصلحلك الامور

[عزة55]

اختى العزيزة لازم تعرفى ايه بيحبه زوجك وتفننى فيه اوجدى اى طريقة للجلوس معك فى المنزل اسالى نفسك لماذا يهرب زوجك من المنزل بصى على عيوبك
وصححيها والله كلنا فينا عيوب فيه راجل يحب الخروج مع اصدقاؤه وراجل يحب يجلس فى المنزل حولى واحدة واحدة جربى كل الحلول ومتياسيش
وديما اطلعينا بالانتيجة والله ولى التوفيق

[bodoo]

والله ياعزة ما بعمل اي حاجة تضايقه انا تعبت من يوم ما اتجوزت و انا في الهم ده والله

[سندريلا 18]

بصي يا حبيبه قلبي
اولا انا عايزه اسالك ع مظهرك العام ؟
و انتي مثلا متخيله جوزك مش بيرضي يخرج معاكي ليه ؟
هل لان هو مش بيحب ينزل معاكي انتي
ولا علشان هو اصلا مش بيحب ينزل غير مع اصحابه ؟
و ربنا يصلح الحال يااااااااارب

[bodoo]

اولا المظهر العام الحمد لله تمام انا بلبس لبس تمام بشهادة كل الناس و هو نفسه بيقول اني لبسي محترم و في نفس الوقت على الموضة فدي مش مشكلة خالص ولا حتى في خروجي متعبة و الله وهو نفسه اللي قايل ده لما ناقشته
و لكن اللي فارق معاه المواصلات لان هو مع اصحابه اما بيخرجو بعربية او عادي فبيقول انهم اخف مني و هو ناوي يشتري عربية في القريب العاجل بس ده مش سبب ابدا صح

[سندريلا 18]

معلش حبيبتي
ممكن فعلا يكون بيتضايق من الموصلات
بس ان شاء الله يجيب عربيه
و تخرجوا مع بعض كل يوم
ربنا يصلحلم الحال
ياااااااااااارب
و يخليلك جوزك ويسعدكوا

[ام كوكو]

معليش ياحبيبتي اصبري شويه حاولي تكوني صاحبته قبل متكوني مراته شوفي هو بيعمل ايه مع اصحابه بيتكلموا في ايه واعملي زيهم بلاش كلام كتير في مشاكل البيت ومشاكل ابنكم ممكن يكون من النوع اللي مبيتحملش المشاكل فعشان كده بيهرب مع اصحابه لو تقدري ودي ابنك عند مامتك او مامته وخلي اليوم له وحده بس وجددي الرومانسيه في حياتكم ولو خرج مثلا مع اصحابه متقفشيش منه لاه استقبليه بكل حب واقعدي معاه وقوليله يحكيلك علي اللي حصل وخليه يقعد معاك علي العشا عشان يفتح نفسك حتي ولو من ورا قلبك وكدا يعني واحده واحده لغايه ميتغير وطبعا متنسيش تدعي ربنا كتير انه يهديهولك ويصلح حاله

[rodi4882]

انا مش عارفة اقولك ايه غير ربنا يهديلك حالك و زوجك و بسعدكم يا رب

[bodoo]

اقسم بالله هو ده اللي بيحصل بسأله عملتوا ايه استمتعتوا و ايه اللي حصل و هكذا وساعات بخليه ينزل معاهم اقول يمكن كدة يزهق و يفكر بس تفكير انه يخرج معانا و لكن انا بقالي سنتين متجوزة و هو دة الحال من اول اسبوع بعد الجواز

[tosysaden]

حبيبتى اولا انا مش بحب انصح حد واقوله اعمل كدة وكدة لانى اقل من اننا اعمل دة لكن ممكن اناقشك اولا حاولي متكلمهوش في علاقته باصحابه وابتدي اتجاهلي موضوع الخروج وشوفي هو بيحب ايه وعمليه بعدين ممكن ترسلي رسايل حب وهو في شغله حتلاقيه جاى بنفسية تانية البيت ولازم يلاقى واحدة شيك في بيتها وطريقة كلامها وفي نفس الوقت مشغولة عنه بحاجات تانية لان الراجل لما يلاقى انك مشغولة عنه بيحاول انه يلفت الانتباه اما تلاقيه كدة اول اما يبقي مع اصحابه اتصلي به اطلبي منه يجى لانك مشتاقة له او اتكلمى شوية بميوعة وحبةكلام خارج يعنى انا بقولك عن تجربة وقبل كل دة الجى لربنا بالاستغفار وربنا يصلحلك الاحوال

[bodoo]

يا جماعة و الله كل دة جربته انا نظيفة جدا في البيت و شيك جدا انا جربت كل ده والله يعني انا مدرسة ومش اي كلام يعنيذات حيثية و مش مخلياة عايز حاجة و الله ادعولي انتوا بقى

[ام اسلام2]

اللة يهون عليكى مفيش كلام بعد اللى قالوا الفتكوات
لكن وهو سهران مع اصحابه ارسلى مسج قولى لةكان نفسى اكون انا اللى تسهر معاية
ولما يجى ما تكلميه فى اى شى
يوم تانى لما يجى اصحاب ينادو علية حطى المفاتيح بتعتة جوةصدرك وخلية يدور عليها شوية ومش كتير علشان ما يزهئش وقولى لة انك شيلاها هنا عايزها خدها بيدك انت بس طبعا تكونى عروسة وانتى فاهمةوما يكون ابنك فى البيت واديه عند مامتك وانتى عارف الباقى وربنا يهديه

[أم لوجى و ملك]

أنا من رأيى انك تتكلمى معاه بهدوء وتحاولى تجذبيه للخروج فى الاماكن اللى بيحب يخرج فيها ممكن يكون بيتضايق من وجود اطراف تانيه معاكوا جربى تسيبى ابنك عند اهلك وتخرجى معاه لوحدكوا فيه كتير من الازواج بيفضلوا الخروج مع اصحابهم عشان دوشة وازعاج الاطفال حاولى تدورى عن سبب كرهه للخروج معاكى وصلحيه

[elbatool5]

السلام عليكم بودو
على فكره انا جوزى بقى بيتوتى جدا جدا جدا ولو نزل مع اصحابه بيكون قليل جدا واتصل عليه عشان يروح عشان مش بحب اقعد لوحدى لكن انا بلح عليه نخرج نفك عن نفسنا لان احنا ممكن نقعد بالشهر مانخرجش خالص غير لامى او اخته وانا بكون نفسى اخرج خروجه ترفيهيه يعنى انا بقالى مثلا حوالى 5 شهور ما خرجتش خروجه حلوه وحجته فى كده برضه موضوع العربيه ان هو بيكسل ينزل لانه بيزهق من المواصلات وان احنا مش بنقدر نقعد بره براحتنا عشان نقدر نلاقى مواصلات واحنا مروحين
عشان كده يا بودو ماتزعليش منه وبعدين الراجل فكر فيكى وكلف نفسه برضه هو اتعشى مع اصحابه قال لنفسه لاء لازم اجيبب لمراتى وبعدين من كلامك انا حاسه انه مش عاوز يزعلك ويقولك الميعاد اتلغى عشان كده كان بيتهرب من انه يقوللك والحق فى الاخر على اصحابه لانهم مش مقدرين انه متجوز و الافضل يقعد فى بيته مع مراته واولاده
ربنا يهدهولك يارب وانا بقالى سنه وشهر متجوزه حاسه انها كانت اطول سنه فى حياتى

[monee]

يا حبيبتى اصبرى وادعى كتير ان ربنا يصلح حاله وهونى على نفسك بان مشكلتك اهون من مشاكل تانيه كتير