[نوووووووووور]

ازيكوا يا فتكوتات
عايزة اقولكم على طريقه كيكه من غير بيض وطلعت حلوووووووة اوى
والله جربتها طلعت تحفه ومرضيتش اقولوكوا عليها غير لما اجربها
ندخل على المقادير
2كوب دقيق
1كوب عصير برتقال وممكن لبن
1باكو بودر
1ملعقه محسن مخبوزات
1كوب سكر
نص كوب سمن على زيت


الطريقه/
تحطى الزيت والسمنه والسكر على بعض فى الخلاط وتضربيهم شويه وبعدين كوبايه العصير وبعدين ملعقه المحسن
وبعدين تكونى محضرة الدقيق والبودر على بعض وتقلبى المكونات اللى فى الخلاط على الدقيق وتحطيها فى الفرن تلت ساعه بالظبط
جربيها وهتدعيلى
بس اوعى لو انتى بوظتيها تدعى عليا ههههههههههه
لا بجد هتطلع تحفه ان شاء الله زى مأنا عملتها

[YOYO]

تسلم ايديكى
بس لازم المحسن

بيقولوا غلط

[نوووووووووور]

تسلم ايديكى
بس لازم المحسن

بيقولوا غلط

مش عارفه والله يا yoyoانه غلط بس بيستخدم فى المخبوزات عادى بس ممكن تجبوها من غيرة

[lola1981]

تسلم الأيادي

[لحن الحنين]

شكرا يااختي بس ياتري بتطلع مرتفعة ولا اية

[نوووووووووور]

شكرا يااختي بس ياتري بتطلع مرتفعة ولا اية

والله بتطلع مرتفعه جدا وتحفه جربيها ومش هتندمى

[totaabcd]

ايه البودر ده ؟
قصدك بيكنج بودر ؟

[الحمد لله على كل حال]

تعرفي احسن حاجه صوريها عشان تشجعينا
لان لو كده بجد حتبقى تحفه

[الواثقةبالله]

تسلمييييييييييييييييييييييييييي ياعسلاية
ان شاء الله تطلع حلوة

[ربى إغفرلى]

انا عملتها ياقمر
بس طلعت عجين من جوه
ومش مظبوطه

انا بصراحه كانت ماشيه حلو العجينه شكلها جميل جدا وكنت مديه امل بصراحه
بس طلعت وحشه جدا