[amahmedaliraqi]

السلام عليكم ارجو مساعدتي في هذه المشكلة
ان زوجي دائم الخيانة لي واقول لكم صدقوني انا ام اقصر معه في كل الامور سواء في العلاقة الزوجية او في تربية الطفل او في النظافة وفي كل شيء دائما اكتشفه مع احدى النساء الرخيصات واسامحه ويرجع ثانية ماذا افعل ارجوكم ساعدوني

[نهنوهة]

الله يكون فى عونك
مش عارفة أقول لك ايه؟؟؟؟؟؟؟؟
أقول لك اصبرى وأحتسبيه عند ربنا علشان خاطر الأولاد
أقول لك واجهيه وعرفيه أن ده حرام وأن ربنا ح يعاقبه فى نفسه أو فى ماله أو فى أهله
أدعى له كتير وأتقربى من ربنا وأهتمى بنفسك أكتر وأتحملى شوية
تصدقى بغرض توبة زوجك ورجوعه ليكى
وأتمنى انه ربنا يعيدهولك من تانى زوج صالح محب مطيع لله
آمين يارب العالمين

[ام مهند]

ام حماده العراقي
صح الاسم كده
تقربي الي الله بكثره الدعاء والاستغفار وبعدين هل انتي بتحبيه خليك وراه وقدمي النصيحه له مره واتنين وتلاته وعرفيه انك اكتشفتي خيانته وانك باقيه عليه وعلي العشره والاولاد
وربنا يهديه وادعيلوه في صلاتك

[preatywoman]

انا مش هقولك اكتر من اللي اخواتنا قالوه وده حقيقي رتبي افكارك ونفذي كل خطوة تلو الاخرى وعليك بالدعاء وربنا يهديه لكي

[dr.sasu]

اختى ام احمد استعينى بالله
لكن اسالك سوال هل انتى متعلقة به يعنى _"ديل الكلب عمره ...." اسفةعلى المثل_ هل عندك المقدرة تسامحى كل مرة ؟
هل صعدتى الامر لوالده او حد قريب منه ؟
هل تركتى البيت ورحتى لاهلك و سابك فترة ؟
هل بتنامى فى غرفة منفصلة ؟
معذرة على اللى هقوله ...لو قدر يتنازل عن ام ابنه و مراته اللى بتحافظ عليه يبقى ملوش امان لو بيسيب غرفتك و ينام برة يبقى يقدر يستغنى مع الايام .
بصى مع احتمال انه عارف انك عارفة نزواته:
لو هو من النوع اللى بيهتم بمظهره امام الناس خاصة اهله و عارف انك عارفة علاقاته القذرة هدديه بانك هتفضحيه امام اهله...لو عارفين توكلى على الله وربى ابنك بعيد عنه عسى الله يباركلك فيه ولا ينشى و يشوف ابوه بهذا السلوك ولا يتاثر فى حياته بذنوب لم يرتكبها ...ام احمد كونى شجاعة وقويه ووجهه و لن يضيعك الله ...دعواتى لك ان يرشدك الله لما فيه الصالح...
لو مش عارف انك عارفة نزواته :
متقوليلوش صراحة خوفيه ...يعنى احكيله عن فلانه ازاى بهدلت جوزها لما اكتشفت خيانته ...و ازاى ان الست ممكن تتجنن و تعمل اى حاجة لو اتحطط فى الموقف ده ...غير نظرة الناس له ...غير انه مغضوب عليه من الله وفكريه بحكايه دقة بدقة و لو ذدت لذاد السقا ...و ان ازى اولاده هيصيبهم العار من افعال ابوهم و ان الست دى خرجت اولادها من الجو الموبوء و خوفيه ...وهكذا ...بس ده لو بيحبك و بيحب بيته
لا تنسى تضربى وتلاقى يعنى قوليله اعتقد لو صارح مراته و قالها ايه السبب فى بعده عنها كانت عملت اللى يرضيه ...و انصحك جددى فى نفسك انزلى و اشترى كل احتياجاتك لا تبخلى على نفسك و ان سالك قوليله ده علشانه ...انا بهتم بيك ...وهكذا
ربنا يصلح لك و يصلحله الحال يا رب

[hala_2007]

بصي حبيبتي مفيش حد فينا كامل يعني اكيد في حاجة بيدور عليها مش لاقيها فيكي جربي تقعدي معاة وتكلمية بوضوح هو لية بيعمل كدة ودة طبعا يكون في ساعة صفا واية اللي مش موجود فيكي وبيخلية يدور علية وناقشية يمكن تعرفي السبب ومعنديش اكتر من اني اقولك ربنا معاكي

[اشرقت]

ربنا يعينك اختى ام حماده

لا اله الا انت سبحانك انى كنت من الظالمين

تذكرى ان الله نجى بها سيدنا يونس من بطن الحوت نجاكى الله مما اهمك حبيبتى

[مورة]

اختي الكريمة كان اللة في عونك والمثل بيقول من حبنا حبناة وصار متعنا متاعة ومن كرهنا كرهناة ويحرم علينا اجتماعة وانا شايفة ان اللي زي زوجك معندوش اي انتماء لا ليكي ولا لبيتة وصعب ان ينصلح حالةامامك خيار من الاثنين يتكوني قوية وتنفصلي عنة وتربي ابنك بعيد في جو نضيف او ترضي باللي انتي فية وتعيشي بالمثل اللي بيقول ضل رجل ولا ضل حاطة

[أم لوجى و ملك]

العزيزه ام احمد العراقى
طبعا زوجك محتاج وقفه جامده متسكتيش علىكده فكريه ان الزنا من الكبائر وان عقوبته شديده عند ربه وان لم يرجع عما يفعله الجأى لاحد ممن يحترمهم فى العائله واطلبى منه المساعده. وقبل كل هذا ابحثى فى نفسك لماذا يخونك وعوضى كل نقص لديه وكونى له العشيقه قبل الزوجه ولا تنشغلى عنه بالبيت والاولاد واملاى حياته بالمفاجأت والجديد ولا مانع ابدا من ترسلى الاولاد عند احد الاقارب ليوم وتقضونه معا فى المنزل وحدكما من دون الاولاد وازعاجهم يوم كأيام شهر العسل أيام الزواج الاولى أعتقد ان هذا سينجح معه .وفقك الله وهدى لك زوجك

[amahmedaliraqi]

السلام عليكم اخواتي العزيزات اشكركم كثيرا على اهتمامكم بي وعلى هذه النصائح الجميلة واود ان اقول للاخت ام لوجي بان زوجي ليس من هذا الصنف واقسم لك بان لايوجد عندي اي نقص او تقصير معه وان قمت بالتجديد فهو لايبالي ولايهتم وحتى لو اشعل العشرة شمع مثل مايقولون مابيعبرني ولايهتم والله كريم وشكرا.

[أم لوجى و ملك]

العزيزه ام احمد العراقى
بعد ردك عليا وان مفيش عندك تقصير مفيش غير انى اقول ادعى له بالهدايه لعل الله يتقبل منك دعائك بصلاح احواله وفقك الله ومنحك الصبر على تصرفات زوجك

[مونى88]

الله يكون فى عونك بس قعدى معاه وساليه
وقوليلى انا مقصرة معاك فى حاجة
ونقالك اه نفذيها واعمليها بسرعة
واستحملى عشان خاطر ولادك

[goga2010]

قلب زوجك في يد الله فان حسنتي علاقتكي بالله فسوف يغير الله حاله وادعو الله بان يهديه لكي واصبري فانه من صبرت علي سوء معا مله زوجها لها فجزائها الجنه وابتعدي عن فكرة الانفصال وذللك لانكي معه في احسن حال اعني انه بعد الانفصال لن تجدي من يقف بجانبك

[goga2010]

ايضا ذكريه بالله قولي له حرام واذكري له عقاب الزني عند الله في الدنيا وفي الاخره

[دودينا]

حبيبتى ام احمد اللة يكون فى عونك ويصبرك بس لازم تفكرى وتسالى هل نقصك اية منى اكيد هو شايف حاجة انتى مش شيفها وبعد لو مفيش اى تقصير منك ودة داق فية يبقى عمرة ما هيتعدل ولا يتصلح ولازم يا ام احمد تاخدى مواقف مينفعيش كدة ولو علاقيتك كويسة بمامتة قولى ليها وعرفيها ويمكن تعمل حاجة لو منفيعيش قولى لاهلك انتى واللة يكون فى عونك ويصبرك وعرفى كما تدين تدان وعامل تعامل

[أم مريم]

معلش أنا رأيى برضه انك تكلميه و ان كان صعب عليكى أو هو مش هيسمعك يبقى لازم تجربى يكون ليكى موقف حاسم معاه و شوفى هو هيعمل معاكى ايه
مثلاً هددى بالانفصال و انك مش قادرة تعيشى بالطريقة دى أو أى حاجة تانية انت تكونى شايفة انها ممكن تكون قويه ومؤثرة بالنسبه ليه و شو فى النتيجه
اذا اكشفتى انه باقى عليكى فبالتأكيد هيتغير و لو بالتدريج
اما اذا لم يهتم يبقى خلاص سامحينى لازم تنفصلى عنه لأن ده يبقى طبع مش هيتغير
وان شاء الله خير و انت الكسبانة فى الحالتين

[دلوعة زوجها]

فعلا هي مشكلة .. الله يعينك ..

طبع الرجل متقلب وبحب التغيير .. فلازم تحاولي تكوني مية امرأة بإمرأة واحدة
حاولي تكوني متجددة دايما بشكلك و مظهرك و شكل البيت وألوان الأغطية ..
والفازات والتحف حاولي تغيريها كل فترة وتحتفظي بالباقي لوقت تاني تحطيه بتشكيلة جديدة
جيبي ورد طبيعي عالبيت خلي منظر الورد دايما حاضر وريحة البيت عطرة بملطفات الجو
بس يرجع خففي عنه سليه .. احكيله حكايات لو ماصار معك شي اثناء غيابه .. اخترعيله قصص صارت أو ما صارت
حاولي تعزميه عالسينما مثلا بدون الأولاد ..
حاولي يكون البيت عنده مكان يحبه .. يشتاقله ويتوق ليرجعله


حاولي يكون طبعك هيك شوي شوي
لا تحسسيه بالتغيير المفاجئ حتى ما يظن انه هي حالة عابرة ....


والله يوفقك