[boceycat]

انا عايزه اقولكم انى بحب كل الفتوكات الموجودين فى المنتدى الغالى بس معلش هاادايقكم شويه معايا بس علشان خاطرى عايزه رأيكم ومساعدتكم .وعايزه اقولكم ان دى اول مشاركه ليا..... المهم هاادخل فى الموضوع انا ليا واحده صديقتى اوى مش بس كده لأ دى حبيبة قلبى كان فيه واحد بيحبها من ايام الكليه واول ماخلصت اتقدم لها وبعد الخطوبه حبته اوى بس طبعا والدته قامت بدور الحماه عاى اكمل وجه وهى كانت بتصبر علشان خاطره المهم حصل موقف مع اهله وهو ماقدرش يدافع عنها مع ان هى ماكانتش غلطانه فحست ان شخصيته ضعيفه اوى فقررت ان هى تسيبه علشان مش هاتقدر تكمل مع واحدبالشكل ده وهو وافق بسهوله مع انه كان دايما يقولها انا ممكن اموت من غيرك بس الظاهر ان كل ده كان كلام وبعد مافسخت الخطوبه اخد الشبكه اللى هو جابها المهم الموضوع انتهى بس هى علشان حبته تعبانه اوى ومحروقه علشان ادت قلبها لانسان مايستاهلش ومدمره خالص وانا تعبانه علشانها ومش عارفه اعمل لها ايه فمحتاجه ردودكم باقصى سررررررررررعه ارجوكم وادعولها ربنا يرزقها بانسان يعوضها عن الشخص ده عايزه ردود كتير تقوللى اعمل ايه وميرسى كتير لكل اللى يشاركنى

اذا اعجبك الموضوع و اردت نشره في المنتديات الاخرى فاستخدمي هذا الرابط:
ادخلوا بسرعه محتاجه لكم اوى
http://forums.fatakat.com/thread38912

[bosycat0200]

يارب تلاقى اللى احسن منه علشان اكيد هيكون بيحبها بجد
وقوليلها احسن انه بان على اصله من الاول بدل مكانت اتجوزته ولالت بعدكده لما تعرفه على حقيقته

[الزهره الحزينه]

لا حول ولا قوة الا بلله

[boceycat]

bosycato200 عندك حق بس انا والله قولتلها كده وهى عارفة كده كمان وبتحمد ربنا على كده بس عارفة الموضوع صعب اوى

[الزوجة الاولى]

اكيد ياحبيبتى الموضوع صعب لانها حبت بصدق بس هو ميستهلش حزنها عليه
بالعكس تحمد ربنا واكيد هيعوضها بالحسن منه بمليون مرة
ربنا معاها ومعانا جميعا

[اميره الليل]

واحد زى ده متزعلش عليه ابدا با لعكس تبقى احسن وافضل علشان كل مايشوفها كويسه واحسن منه وبتتقدم يضرب نفسه 600 جزمه انه سبها ويتلوى فى الارض ويبقى شبه الضفدعه المطلقه .

[موءة]

الحزن اللى هى فيه ده امر طبيعى بس هى لازم تحاول تنسىوتلجا الى ربنا وتحمده وتشكره انها عرفته قبل الجوازوتدعى ربنا يرزقا باحسن منه ان شاء الله

[nona dala3]

ربنا يصبرها ويكون في عونها
بس ؤليلها انو ميستاهلش حزنها عليه والي هيا عملتو في نفسها ده
يا ترى هو عامل في نفسو كده
طبعا لاء
يبقى ميستاهلهاش وكفايه عليه خسرها
وتحمد ربنا انها على البر وبكره ربنا هيرزقها بواحدبن حلال زيها يقدرها ويعرف قيمتها
وخليها كل ما تفتكر تتوض وتصلي ركعتين هتنسى الحزن والالم على طول
وربنا مع الجمع

[fatooka]

انا رايي حبيبتى انها هاتتعب شوية بس تحمد ربنا انها لسة على البر اصل الجواز ده مش زي الهدوم هاتتلبس ولما الواحد يزهق هايقلعهم ممكن ماكنش يظهر عيوبه الا بعد الجواز وهاتبقى المشاكل والاثر النفسي اكبر وانا رايي يابوسي كات انك توقفى جنبها وتخليها تتتقرب من ربنا وتحمده انها عرفته على حقيقته بدرى بدرى وانا ادعو الله لها بالهداية وانها تعدى الفترة دى على خير واحسن حال
ولو تروح فى اى مكان تغير جو وربنا يرزقها واحد ابن حلال مصفى وعارف ربنا ويحبها من قلبه بس هي لازم تشيل اللى فات ده من قلبها وعقلها والحياة تجارب
وبحبك اوى يابوسى كات وشكرا على الموضوع ده

[صبرين]

دا مش نصيبها ما دامت شخصيته ضعيفة مش ممكن تحسن في يوم انه ممكن يحميها و المرأة منا ان لم تحس بالامان مع شريكها تتعب كثير و ثقتها فيه تقل
لان كل واحدة فينا تحب ترتبط بشخص قوي الشخصية صاحب مواقف قادر على حمايتها
اختي العزيزة اخبريها ان الخيرة في ما اختارها الله و عسى ان تكره شيء و هو خير لك و ان تحب شيء و هو شر لك
نصيبها راح يجيها و مكتوبها و نصيبها يستنى فيها
انسيه و توجهي لله بالدعاء و يعوضك سيد سيدوا انشاء الله
فمن توكل على الله فما خاب