[soumia]

السلام عليكم و رحمة الله
اخوتي و الله و الله غلبت مع خطيبي كل مرة عندو كلام جديد رغم اني وافقت على شروطه ساجلس سنة
في بلدي مع اهله و بعد سنة سياخدني الى الخارج معه و لانني اعزه و اريد تكوين اسرة معاه وافقت
ايضا سني 28 سنة و هدا سن الزواج المناسب لي بعد اتمامي دراستي
اتفقنا على الزواج شهر 8
المشكلة انه لا يريد التحدث مع والدي في امر المهر يقول نحن كبار و نتفق انا و انت خصوصا انه كان متزوج
من اوروبية من اجل الاوراق الاقامة لكن عاش معها فترة من الزمن اظن طباعه تغيرت قليلا و الله لم اتردد
ابدا في قراراتي مثل هده المرة و اصلي صلاة الاستخارة من اجل ان يبتعد
لكنه لا يبتعد دائما نكون على و شك الابتعاد و القدر يجمعنا مرة اخرى دائما اقول سانهي ما بيني و بينه و القى نفسي لا اريد لانني اريد ان اصبح مثل جميع البنات عندي زوج و اطفال فاخشى ان افقده
كما قال لي انه سيكون معي عند شراء الدهب
و لم يكن يريد حفل الزفاف يريد فقط حفلة بسيط لكنني لم اتنازل و اصررت عليه فوافق
ما رايكم هل هده تصرفات انسان بخيل كما انه لا يكلمني كثيرا فقط بالماسنجر و مكالمات قليلة و حجته ان التسعيرة مرتفعة من الخارج الى المغرب
اخوتي و الله العظيم انا قنوعة جدااااااااااااااااااااااااااااااااااااا و لست بطماعة فقط اريد حقوقي

تحدثنا انا وهو عن تفاصيل الزواج و عن كل شيئ و قررنا انه في شهر 8 المقبل ان شاء الله
لكن حصل شي خوفني اكثر ما انا متخوفة
سالني عن احكام المدونة الجديدة و كيف هي حقوق الزوج و الزوجة لكنني لم افهم
بعدها قال مثلا ادا حصل طلاق لا سمح الله هل الزوجة تطالب الزوج بممتلكاته يعني ما املك قبل الزواج هو لي تصوروا .................انا ابدا لم افكر في شيئ كهدا نيته غير سليمة
تصورو لم نتزوج بعد و يفكر في الطلاق
و الله ثم و الله انا لم يخطر على بالي شيئ كهدا ابدا فقط كنت اريد زوجا يرعاني و ارعاه
انا بصراحة اخبرت عائلتي والدي ووالدتي و قد تفاجئوا كثيرا بهدا الكلام و لم يعودو مرتاحين له
انا البارح كتبت له رسالة بالماسنجر و اخبرته انني لست طماعة وان خياله راح لبعيد و انا لم اعد مرتاحة له
ايضا والدي يريد التحدث مع عائلته و ارسالهم خاتم الخطوبة و هداياه لي
لقد كلمني كثيرا البارح لكن انا سكرت موبايلي

و بالليل لما فتحته لقيتو كاتب لي msg
بيقول لي فيه كوني منطقية و انا اريدك زوجتي وام اولادي
كما انه يريد اطفال في بداية الزواج
لكن كلامه يخيفني كثيرا ما العمل
هدا مصير و قرار صعب
كمان مش عايزة اخسره الصراحة لاني اريد الزواج و تكوين عائلة
انصحوني

اذا اعجبك الموضوع و اردت نشره في المنتديات الاخرى فاستخدمي هذا الرابط:
بالله عليكم ساعدوني مشكلة قرار
http://forums.fatakat.com/thread38952

[soumia]

ولا رد حرااام عليكن

[الزوجة الاولى]

بصراحه انا لومكانك هخاف ازاى واحد لسه مفيش جواز ويفكر فى الطلاق واموره
انا من رايىء بلاش من الجوازة دى لان شكله ملوش امان وشكله بخيل شوية
وازاى تكلموا انتوا مع بعض فى امور المهر لازم يكون الكلام مع الاب والام
لان ممكن يطلقك من غير محد يدخل من اهلك لانهم مادخلوش فى الجواز
ربنا معاكى

[أم لوجى و ملك]

الحقيقه انت عندك حق انك تخافى لان كلامه مش مريح بالمره وواضح انه بيحسبها اوى زياده عن اللزوم بس برضه قرار الابتعاد ما انصحكيش بيه من الممكن انه يكون انسان عملى شويه بحكم معيشته بالخارج وزواجه من اوربيه دول بيكونوا عملين وواقعين شويه زياده انت من خلال علاقتك بيه تقدرى تحددى ده بخل ولا منطق عملى زائد عن الحد واعتقد ان الفرق كبير بين الاتنين

[اريج ونور وندى الجنة]

لا ياحبيبتى امور المهر والاتفاقات دى مع الاهل مش معاكى
هو ممكن كدة فعلا يكون نيته مش سليمة لانه خايف يتكلم مع اهلك
وكمان مفيش حد بيتكلم على الطلاق اثناء الخطوبة وان كان بس فى تحديد مؤخر الصداق وبرده مع الاهل مش معاكى
استخيرى حبيبتى
وماتقلقيش من سنك فيه مثل مصرى صميم جدتى بتقولهولى
قعدة الخزانة ولا جوازة الندامة
يعنى تقعدى شوية وربنا يكرمك باحسن منه وللا انك تندمى
ربنا يوفقك ويهديكى للخير يا رب

[nona dala3]

soumia بصراحه من حقك تخافي
وعلى فكره البخل حاجه والمنطق حاجه تانيه
وهوا باينو بخيل والبخل مش ممكن يتغير وبيهد البيت مهما طال عمرالجوازه دي
وكمان التفاصيل بتاع الجواز دي لازم بتكلم فيها مع اهلك مش معاكي لو هو عايش مع اجانب لازم مينساش اننا عرب ولينا تقاليد واصول
انا وخطيبي اخدنا بعض عن حب بس لما اتكلم كان الكلام مع اهلي احنا نحلم ونتمنى بس الاصول اصول
بصي انا مش هؤلك سيبيه لازم تتكلمي معاه في الحاجات دي وبعد النقاش انتي هتكوني الادرى بقرارك
بس نصيحه من اخت لاختها متضيعيش وقت كتير اكتر من الي ضاع
ويارب لو فيه خير ليكي يقربهولك ولو فيه شر ليكي يبعدو عنك

[soumia]

شكرا اخوتي الله يسعدكم دنيا واخرة

[Marwa Esmael]

بصراحه كلامه يقلق ويخوف مش عارفه اقولك ايه لكن شكله مادي شويه ممكن زي مابتقولي من اختلاطه بالاجانب بقي عملي زياده عن اللزوم علي العموم احسن ان كل ده ظهر لك دلوقتي علشان تقدري تقرري تكملي ولا لأ

[ام سراج]

حبيبتي..
بمناسبه المنطق انا حاسه من اسلوب كلامك ان كل مميزات الراجل ده انه اتقدم لك وانت عندك 28 سنه..ادي كل المشكله..واضح ان قلبك ابيض وانك حبيتيه بسرعه وغمضتي عينيك عن حاجات كتير لغايه ماقربتي توصلي للحافه وخلاص ح تقعي..دلوقت بس انت صحيتي وابتديتي تشوفي ودي حاجه تفرح
بالنسبه للراجل ده...هوه اللي كلامه مش منطقي..احنا مجتمعات عربيه واسلاميه يعني ايه يتكلم معاكي انت في المهر والشبكه ده كلام غير طبيعي ،الطبيعي انه يتكلم مع باباك او ولي امرك
ثانياً اذا كان له اخوات بنات هل كان يرضى بمثل هذه التصرفات من خطابهن؟
ثالثا..هوه ليه بيتكلم في الفلوس اوي كده؟اكيد باله فيها وعليها..!
اخيرا جوزي وانا في الخطوبه تعرضنا لظروف كتير برده هوه كان يتجوزني وياخدني معاه في بلد تاني.. ورغم ان عادات بلده في المهر والجهاز والذهب مختلفه عن عادات اهلي ورغم ان والدي غالى جداً في مطالبه لدرجه ان اهل جوزي زعلوا مع كل ده جوزي لم يتردد لحظه لأنه كان شاريني كبني ادمه قبل كل شئ
واقسم بالله ان جوازه مني كلفه كل مدخراته تقريباً ولكنه لم يتأثر وقال لي: اننا حنبدأ سوا من جديد.. والمهم عنده الانسان اللي هوه انا
بعد كل ده متهيألي اختيارك بأه واضح وماتخافيش من السن نصيبك باقي ولسه عمرك امامك
الله معاك

[soumia]

ام سراج والله كلامك صح مرسي ليكي و الله يسعدك يا رب دنيا واخرة

[samasemo]

والله مش عارفين نقولك ايه غير اننا ندعيلك ربنا يقدم لكى الخير ويبعد عنك الشر ويرزقك بالزوج الصالح والذرية ان شاء الله
بس لو خطيبك بخيل اتركيه فورا لانه داء بلا دواء وربنا معاكى