[لولو النحاس]

ايه رايكم فى جهاز البنات اليومين دول
انا بحس ان البنت عاوزه تشيل الجدران وهى ماشيه يا ترى ده طبيعى ولا فى حاجه غلط
انا لما اتجوز ت من سنتين مفيش حاجه اتحكمت عليها وقلت لازم تيجى
لكن اللى بشوفه دلوقتى حاجه غريبه فعلا ليه البنات ميحسوش باهليهم
فى الغلاء اللى فى الوقت ده
يا نرى ايه رايكو يا فتوكات

اذا اعجبك الموضوع و اردت نشره في المنتديات الاخرى فاستخدمي هذا الرابط:
يا ويلى من جهاز البنات
http://forums.fatakat.com/thread39041

[نادو]

موضوعك فى غاية الاهمية يالولو
هرجعلك ونتناقش فى الموضوع دة عشان انا بشوووووف مهازل بصراحة

[اميره الليل]

انتى حقيقى طرحتى موضوع جميل جدا _فعلا حاجه غريبه انا بشوف مهازل البنت ممكن تكون شقتها يعنى الى حد ما صغيره وتلاقيها جيبه اثاث وحاجات كانها هاتسكن فى فيلا مش شقه بجد حرام زمان كانت الحاجات دى ابسط مما تكون

[اميره الليل]

على فكره انا عضوه جديده وكانت مش متابعه المنتدى اوى بصراحه لك فى يوم دخلت وقرررت بقى عضوه جديدهيا لولو _انا بقى بحسدك انك عايشه فى اسكندريه اكيد انتى بنت بلد اوى(طحن )

[yoyo]

لاء طبعا الاهل بردوا حرام هيجيبوا منيين ولا منيين .لازم البنت تكون قلبها على اهلها اللي تعبوا فيها وكبروها

[راهيف]

موضوعك رائع ,ويارت بلاش التغالى ونرحم اهلينا
ووبجد عايزة كل العضوات يدعوا لأبى لأننا خمس بنات واثنين هيجوزوا فى نفس السنه................نعمل ايه؟

[لولو النحاس]

ربنا يقوى ابوكى يا راهيف وعقباك

[لولو النحاس]

فعلا يا اميرة الليل اسكندريه بلد جميله جدا
يلا تعالى زوريها

[توتى]

موضوع رائع ويحتاج مناقشة وفعلا البنت عايزة كل حاجة فى نفس الوقت وعايزة بيتها زى بابها متعرفش ان البيت دة اتبنى واتاسس فى سنين والله يكون فى عون الاباء والعرسان بتوع اليومين دول وربنا يقوينا ويكرمنا فى اولادنا وكانا بنكافح عشان عيونهم وربنا يسعدهم \\\\ امين

[sadrose]

موضوع حلو وانا اللى اقدر افيدك فى الموضوع دة لانى بجهز وفرحى خلاص قرب وفعلا غصب عنى بجرى عالحاجة الغالية والكويسة بردة بس نعمل اية لازم ندخل كاملين

[فرحه]

المشكله ان جهاز البنت شكلها العام قدام اهل جوزها ولو مجبتش كل حاجه واحسن حاجه بتبقى فضيييييييييييييييييييييييييييييحه!!

[dnsh]

والله فعلا ده موضوع مهم اوي بس لما نيجي ننقشه لازم برضوا منظلمش البنات اوي لئنهم بيبقوا بيطلوبوا كتير كدا حسب الي العريس بيكون جايبوا يعني بتبقي البنت في حاله حيرة من ديق المعيشه وانها بتكون كدا بتظلم اهلها وانها متكونش مكسوفه ادام عريسها ويكون الي هيا جيباه قليل

انا بقي بفكري الصغير اظن ان احسن حل هو في الاختيار من الاول هو ان كل واحد يختار من المستوا الاجتماعي بتاعوا بحيس ميكونش فيه احراج ده بل النسبه للبنات الي عندها سبب
اما البنات الي السبب بتاعهم بس هو الطمع هو انا بقلهم ارحموا شويه عشان ربنا يبارك لكم في حياتكم الجديدة ولوالبنت عيزا حاجا حسا ان اهلها مش قادرين عليها فلازم يكون عندها احساس هيا وتنزل تشتغل :36_3_15[1]:

[ماجدة بدران]

انا عندى معرض ادوات منزلية ولما بتيجى واحد ة عاوزة حاجات لبنتها وتكون البنت معاها بشوف مهازل البنت بتشبط فى حاجات ممكن الإستغناء عنها وبتصمم عليها وياعينى امها تفضل توشوش فيها علشان مكسوفة منى والبنت لا الى عايزاه وبس وامهاتختار لها حاجات سعرها معقول وهى بتستغلى يعنى من الآخر البنات مش حاسين باهلهم ومش حاسين بالغلا الى احنا فيه دلوقتى وعاوزين طلباتهم وبس:23_11_62[1]::23_11_62[1]::23_11_62[1]:

[moon_light_803]

المشكله يا جماعه ان الحاجات اصلا غاليه
يعنى انا بجهز انا واختى والمفروض هندخل فى نفس الفترة تقريبا
والله العظيم وربنا يعلم الحاجات اللى ممكن الاستغناء عنها مبجبهاش
وبنجيب يادوب الضرورى والمهم ومش بنجيب نظام العدد ف اللمون اللى بقى موضه دلوقتى
انا بسمع حاجات عجيبه مش عارفه 50 طقم ملايه سرير و80 ولا 90 فوطه
بجد مزهولة والمشكله ان اهل خطيبى من النوع الللى بيحبو المظاهر اوى على الرغم ان امكانياتهم متوسطه
يعنى بيحملو خطيبى فوق طاقته وف المقابل المفروض انا احمل اهلى فوق طاقتهم بقى علشان اجيب حاجات كتير زى ماهما بيجيب ولا ايه؟؟؟

انا الصراحه لما لقيت العمليه معاهم كده قلتله من البدايه علشان تبقى عارف انا عمرى ما هاجيب بالعبط ده..انا بجيب العادى والمعقول وبس لانى بصراحه مش بحب اصرف الفلوس فى غير محلها
اصله مش يرضى ربنا انى اجيب حاجات اد كده تتركن ف دواليب وكراتين..حرام بصراحه

[banota_katkota]

عندك حق فى كل كلمه بتقوليها وفعلا فى ناس مش بتقدر
وانا واحده من الناس بحب اجيب احلى واغلى وكل حاجه
بس المشكله ياجماعه ان الواحد بيتجوز مره واحده وبيبقي عايز يدخل ومعاه كل حاجه وكل اللى بيتكلم ساعه مابيروح يشتري الحاجه بيتحول لانسان تانى وبيجيب كل حاجه برضه