[مهندسة ماجدة محمود]

اذا سقط الموبابيل في الماء ماهو الحل؟أو بعد سقوط الأمطار أو بالصيف حينما تكون علي شاطيء البحر وتتمشي علي الصخور وفجأة يسقط موبايلك بالماء أعتقد أنك ستقول أن الموبابيل انتهى .إليك الملاحظات التى تتبعها للحفاظ على موبابيلك سليما :
1- أخرج الموبايل من المياه
2- شوفه هل هو شغال ولا لا .. إذا كان شغال أغلقه وإذا كان مش شغال أغلقه أيضا
3- قم بفك البطارية من الموبايل وطلعها بالخارج
4- فك الشريحة وطلعها من داخل الموبايل
5- إذا قدرت تفك الغطاء الأمامي الموبايل شيء طيب ولو ماقدرت مش مشكلة
6- ضع الشريحة أمام أي ضوء قوي لمدة ساعة
7- بعد ساعة خذ الشريحة وحاول تمسكها من الطرف وبعدين جيب قطن وامسح به الشريحة
8- ولما تمسح الشريحة بالقطن ارجعها إلى داخل الموبايل
9- ارجع كل القطع إلى الموبايل وركب الموبايل
10 - لا تشغل الموبايل إلا بعد أن تضعه على الشاحن لمدة ساعتين أو أكثر
11- شغل الموبايل بعد الساعتين وشوف كأنه مافيه نقطة مياه .ملاحظة : إذا تم تشغيل الموبايل قبل شحنه من الممكن أن يسبب ذلك ضعف في البطارية بحيث لا تستمر مدة الشحن كثيراً .وأتمنى للجميع الاستفادة من الموضوع

منقووووووووووووووووول

اذا اعجبك الموضوع و اردت نشره في المنتديات الاخرى فاستخدمي هذا الرابط:
ماذا تفعل لو وقع الموبابيل فى الماء؟؟؟؟؟؟؟؟
http://forums.fatakat.com/thread39119

[نانو]

انا حصلي الموضوع ده قبل كده بعيد عن كل السامعين لان الموبايل كان لسه جديد ماكملش شهر و طبعا انتهي لانه وقع في البحر يعني ماء مالح..ماعتقدش اني لو كنت عاملتله ايه ماكنش اشتغل تاني!!!!
ربنا يسترها علي موبايلاتنا جميعا

[katkootaya]

و انا كمان يا نانو وقع مني الموبايل في البحر و مات طبعا و كان لسه مكملش شهرين

وطبعا نشفته بالشوار و حطيته في الشمس بس ولا حياة لمن تنادي

الحمد لله على كل حال

[القطه]

اهلا يا ماجده ميرسى عالموضوع الهايل ده
فعلا كل النصايح مظبوطه
انا كنت عند واحده صاحبتى وبنتى وقعت كوبايه القهوه عالموبايل بتاعى
قامت صاحبتى قامت مسحته بالمناديل(كنت انا بنفض البنت)
بس كان فى ميه اتسربت جواه فراحت عملت حاجه غريبه جدا
جابت كيلوا ارز كيس يعنى وفتحته من فوق وكانت مفككهع الموبايل زى انتى ماقلتى وقامت حطت كل الاجزاء جوه كيس الارز
ودفست الموبايل كلها داخل الارز
وقالتلى انهم فى السعوديه بيعملوا كده الله اعلم
المفاجاه قالتلى خليه 12 ساعه مثلا داخل الارز
وطلعيه طلعته لقيته شغال وتمام التمام قعدت افكر بقه لاقيت السبب
اعتقد ان الارز بيشرب الماء عموما وهو جاف النشا بيساعد على جفاف الجهاز الله اعلم انا قلت احكيلك عن تجربتى فى الشأن ده
اشكرك وتسلم ايدك وربنا يستر من العيال على الموبايلات

[roro-myzo]

انا حصلى كدة فى البحر وكان لسه مبقلوش 20 يوم والله المرحوم صعب عليه لانو اولماطلع من البحر لاقيت الشريحة خضرت ووديتو الصيانة قالى على تصليحة باكتر من تمنة بس قالى على طول كنت حطيه ادام السيشوار نصف ساعة بس سيشوار مين دة كان فى البحر حاجبلو سيشوار منين المهم بعته 30 جنية اهىء اهىء اهىء

[ام اربعه واربعين]

موضوع رووووووووووعه
طيب لو لاب توب تعملى ايه

[nona79]

تسلمي يا قمر علي النصايح الممتازة

[ميرهان]

تسلم ايدين حضرتك
والله الموضوع مفيد جدا ...وانا برضه الموبايل وقع فى الميه بس انا لما جيت اقفله لقيته زى ما يكون بيكهرب مسكته بفوطة وقفلته وبدأت أفكه وامسح أجزاؤه بالمناديل الكلينكس بس للأسف جزء من الشاشة اتمسح وفى الآخر جالى واحد غيره وعملناه دلوقتى موبايل لعبة.
تقبلى بالغ تقديرى
MIX07-35B.gif

[shitos_lovely]

الله الله الله يا استاذه
انا هقول لاخواتي الموضوع ده
لان قبل كده
ابن اختي حط موببايل مامته في حوض السمك
واختي قعدت يوم كامل
عماله تعمل فيه
قدام التكيف