[رينجو]

اخواتى الحبيبات ارجوكم من مرت منكن بتجربة الصداع النصفى او قرأت عنه تفيدنى بطرق علاجه الطبيعية لان علاجه الطبى افسد معدتى ولا احد استطاع علاجه ما صرفوه لى هو مسكنات فقط وبيقولوا لى ليس له سبب علمى معروف .
طب والحل ؟بيصيبنى مره كل شهر تقريباً هذه المره بتستمرثلاث ايام متواصلة تهدأ بالمسكنات ثم تعود حتى تنتهى الثلاث ايام وينتهى الصداع .خلال الثلاث ايام اشعر بأننى حأموت مش قادرة أتكلم أوأعمل اى حاجة بحس كأنى مدمنة للمسكنات حتى خربت معدتى وأعانى من التهابات بها فأرجوكم اللى كانت تعانى من هذا المرض اللعين تدلنى على شىء للعلاج مجرب أو طبيب بمصر تعالجت عنده وعنوانه
وجزاكم الله كل خير

اذا اعجبك الموضوع و اردت نشره في المنتديات الاخرى فاستخدمي هذا الرابط:
انقذونى الصداع النصفى حيدمرنى
http://forums.fatakat.com/thread39415

[monee_2020]

السلام عليكم ورحمة الله وبركاته حبيبتى اسال الله العظيم رب العرش العظيم ان يشفيكى ويعافيكى ضعيها علىما يؤلمك من راسك واقرأى قرآن
وكمان لو ممكن تعملى حجامه ان شاء الله حلوه
و انتى مثلا عندك مشكله ولا حاجه بتفكرى فيها
شوفى انتى صلى الصلوات الخمس وادعى ربنا وصلى ولو ركعتين قيام الليل وادعى ربنا واسال الله العظيم رب العرش العظيم ان يشفيكى ضعى يدك على ما يؤلمك من راسك وادعى بها سبع مرات الله يعافيكى من كل سوء قولى الحمد لله انها مكفرات الذنوب

[Om Hassan]

ربنا يعفو عنك
مفيش احسن من اللى قالته مونى

[يارب ابقي عروسة]

عليكي وعلي الدعاء ده وان شاء الله سيب الشفاء علي الله
حطي ايدكي اليمن علي مكان الصداع
وقولي استغفر الله ثلاثا
ثم هذا بذنبي وما غفر الله كان اكثر ثلاثا
واشربي عسل نحل بنية الشفاء
واعمليحجامة
شفافكي الله وعفكي

[الايمان777]

ضعى يدك على راسك وقولى الفاتحه ثلاث مرات
واهم شىء ان تثقى بالله انه هيشفيكى
وكمان الاسبرين كويس جدااااااااااااااا لاى حاجه انا كانت دماغى بتالمنى جدا ومكنش بيريحنى غير الاسبرين
ده بالاضافه الى ان الاسبرين ملوش اضرار كبيره خااااااااااااالص
وربنا يشفيكى يا حبيبه قلبى ويعافيكى

[رينجو]

متشكرة يا حبيباتى على اهتمامكم بى وبأذن الله سوف أعمل بكل نصائحكم ويارب يكون الشفاء على ايدكم .

[ام كيكي]

طيب بما اني على الاقل بيجيلي صداع نصفي مره في الاسبوع تعالي اشرحلك شويه عن اللي اعرفه عنه :
الاسباب:-
الحر والارهاق: وخصوصا اننا داخلين في عز الصيف وانا شايفاكي من سكان الصعيد فا خلليكي بعيده عن الحر (الحر وليس فقط الشمس ) بس مهم خللي بالك مايكنش الهوا (التكييف او المروحه ) عمودي عليكي.

الضغط: اتأكدي ان ضغطك وقت الصداع طبيعي (وقت الصداع بالذات) حتى لو كان طبيعي دايما من غير الصداع. ولو ضغطك عالى شويه اشربي كركديه مركز بدون سكر مفييييييييد جدا وبيهدي الصداع فورا في اقل من ربع ساعه.

الظلام: عند حدوث الصداع اقعدي في حجره مظلمه (ظلام دامس) يعني متشوفيش اي اضاءه ولا حتى تعرفي تشوفي اديكي.

الميل للامام: يعني في الحجره الضلمه دي اقعدي على كرسي وميلي بجسمك للامام وامسكي راسك باديكي.

ياسلام لو تديها كركديه مركز وانتي في الظلام وبعد كده تجلسي مايله للامام 10 دقايق ... يبقى تمام...
لو قدرتي بعد كده تنامي يبقى كويس بس لو مقدرتيش خليكي صاحيه بس استمري في نفس المكان المظلم.

اكشفي على سنانك وودانك وعيونك حتى لو مابتشتكيش منهم وخلى الدكتور هو اللي يقرر لو في علاقه بين احدهم او كلهم وحدوث الصداع...

واخيرا ربنا هو الشافي ... وربنا يشفيكي ويعافيكي.

[رينجو]

متشكرة جداً يا حبيبتى ام كيكى انا حأجرب موضوع الكركديه ده وانا كنت بشرب جنزبيل وكان بيخفف النوبة كثيراً بس هو الصداع ده ملهوش حل جذرى يخليه ما يرجعش تانى ولا بس طرق لتسكينه فقط؟

[parby]

ألف سلامه عليكى يا حبيبه قلبى كان الله فى عونك لانى جربت الصداع النصفى ده ربنا يعفيكى منه انا روحت كشفت والدكتور قالى برضه انه مالوش اسباب وممكن يكون من التفكير الكتير اللى بيؤدى لزياده ضغط الدم فى الشرايين اللى موجوده فى الجهه اللى بيجى فيها الصداع وكتب ليا على مسكنات الحمد لله ارتاحت عليها لو عاوزة اسمها اجيبها ليك ودعواتى يارب بالشفاء العاجل ليكى ولكل مرضى المسلمين اجمعين يارب

[رينجو]

متشكرة جداً يا حبيبتى باربى بس طمعانة فى كرمك بذكر اسماء المسكنات اللى ريحتك دى وبأذن الله حجربها

[parby]

فيه نوع مسكن اسمه (ميتوجرين)هيريحك باذن الله علبته لونها رمادى جربيه ولو عاوزة تتاكدى من الدكتور اساليه برضه وانا ان شاء الله هجيبلك اسم بقيه المسكنات من الروشته يارب يكتب ليكى الشفاء انتى ومرضى المسلمين اجمعين