[ام مريم المصرية]

.

السلام عليكم ورحمه الله وبركاته
اخواتى الفضليات انا حبيت اتعرف عليكم اكثر واكثر
علشان كده عملت الشات ده
اللى تحب تتكلم معايا ونتعرف على بعض ده يسعدنى جدا جدا
لأنى بحب تكوين الصداقات جدا
اهلا بيكم

.

[nice girl]

اهلا بيكي ياام مريومه اخبارك ايه ’’ واخبار مصر من غيري ايه ’’ انا بأ خلاص نفسي اجي بسرعه لانه مصر وحشتني اوي وكلها ايام انشاءلله واكون في مصر ’’ وانا لاقيت من ضمن بياناتك انك ساكنه في الجيزه فين بالضبط ؟؟ لأنك تقريبا جنبي انا في المنيل جنب هابي دولفين ’’ ويلا خليني اعرف بيتك عشان اول مااجي تستضفيني عندك ,, ههههههه ,, اصله انا كمان بحب اتعرف على الناس اللي بحس انهم حلوين وعسولين زيك كدا ,,,

[أجمل بنات حواء]

اهلا بيكى يا ام مريم انا ميرو 21 سنه وكام شهر ليسانس اداب قسم اجتماع وانتى بتشتغلى

[EMO]

السلام عليكم ازيك يا ام مريم

[ام مريم المصرية]

أهلا بيكى يا nice girl
إن شاء الله ترجعى بالسلامه بس هو انتى فين دلوقتى
انا ساكنه فى فيصل تنورينى
انا بحب المنيل قوى لأنى كنت ايام الكليه باخد دروس هناك وكنت بحب امشى من شارع المنيل اروح ميدان الجيزه وانا مروحه

[EMO]

انا كمان بحب لتعرف على الناس واكون صداقات

[ام مريم المصرية]

اهلا بيكى emo
انا يسعدنى نكون اصحاب

[nice girl]

انا ياام مريومه اصلا عايشه في السعوديه بدرس هناك ودلوقتي عند اخويا في فرنسا اصله هو ومراته بيكملو ماجستير ودكتوراه في الطب ومعاهم بنوتتهم اسمها تالا ’’ ورحت اول ماخلصت امتحانات من شهر تقريبا وانا هنا ,, فخلاااص لحد كدا فاااض بيا اوي وعوزه ارجع ’’ صحيح ام الدنيا مفيش زيها ولا في حلاوتها ’’ وماتجبيش سيرة ميدان الجيزه ,, ده انا بموووت فيه هوايه كدا امشي فيه واشتري اي هبل واتفرج على الناس وصحباتي يقولولي كفايه يابنتي مابتتعبيش مابتزهئيش وانا ابدااااااا ’’ ههههههههه ممشياهم على العجين مايلخبطوش ,,

[nice girl]

وعلى فكره نسيت اقول لأم مريووومه واللي موجودين انا فضلي سمستر واحد واتخرج من الجامعه انشاءلله لكن السمستر ده هيكون كله تدريب فأنا معتبره نفسي اني اتخرجت كدا وعديت الصعب كله الحمدلله فلما اجي ناويه اعمل حفله انشاءلله ,, والكل هيبأ معزوم فيها بس لسه مش عارفه لحد دلوقتي ممكن اعملها فين الحفله دي ؟؟ اللللللللله اعلم بأ ,, اهم حاجه انه الواحد ينبسط ويرمي تعب السنه كلها ورا ضهره ’’

[EMO]

انتى موجوده يا ام مريم ولا مشيتى؟

[ام مريم المصرية]

منتظرينك فى مصر ونبقى نتمشى سوا فى ميدان الجيزه اصل انا بحب التمشيه جدا
هو انتى فى كليه ايه ؟
انا على فكره طبيبه لسه متخرجه السنه اللى فاتت وباقيلى 3 شهور فى الامتياز كنت مأجلاهم علشان بنوتى ادعيلى اخلص

[EMO]

Nice Girl اهلا بيكى وترجعى بالسلامه ان شاء الله

[EMO]

يا رب يا ام مريم تخلصى ال3 شهور دول على خير وبالتوفيق ان شاء الله
وربنا يخليلك مريومه

[ام مريم المصرية]

انا هنا يا emo
انتىاللى فين ياللا عرفينا على نفسك

[ام مريم المصرية]

ميرسى يا emo
الله يخليكى

[EMO]

انا معايا ليسانس شريعه اسلاميه جامعة الأزهر
ومتزوجه ولسه مفيش اطفال

[مينى]

السلام عليكم يا ام مريم انا ربة منزل وعندى حنين لسة انتاج سنتين جواز لسة متدخلتش فى التقيل ياريت نكون اصدقاء

[ام مريم المصرية]

اهلا بيكى يا مينى انا ىيسعدنى صداقتك

[امراه مسلمه]

انا جيت ازيكم منوررررررررررين انا نشوه مدام وعندي عبد الرحمن

[امراه مسلمه]

اهلا بيكي يا ام مريم منوره