|
رد: لو حبيتى نتعرف الف اهلا وسهلا
وبعدين فينك يادكتوره دودو من زمااان ’’ والله كان ليا 3 سلاحف والله كنت بموووت فيهم انثى (( شوشو )) وزكرين (( كوكو و توتو )) يالهوي عليهم كانو عسولين وصغيرين خالص وقعدو معايا تقريبا سنيتن ونص وانا معتبراهم كدا تقولو عيالي وانا مااعرفش ولا ايه ,, والسنه اللي فاتت لما جيت مصر في الصيف بدأو يمرضو واحد ورا التاني ’’ وانا طبعا اتجننت اعمل ايه ’’ لأنهم بجد لو تشوفوهم هتحبوهم اكتر مني ,, تخيلو قعدت ادور على عياده كويسه ومش لاقيه خالص ,, قلت هو ايه ده ازاي يعني مفيش عيادات واللي مقفول واللي مش بيفتح الا في ايام محدده ,, المهم سألت لحد مالاقيت ’’ ولما راحو اتعالجو واخدو يالهوتيني كل واحد فيهم حقنه ,, وبعدها وانا راجعه على السعوديه عشان الدراسه افشوني في المطار ,, ويالهوي على اللي عملوووه ,, شافوها اتخضو قالو ايه الكائنات الغريبه دي قلتلهم سلاحف استغربو لانهم صغيرين اوي اد الصباع كدا فقالو لأ لأ ممنوع ,, قلت ازاي اذا انا مسافره بيهم من هنا ’’ قالو لا لا ,, وتعالو اتفرجو بأ على اختكم عملت ايه فتحتها مناااااحه ,, والله قعدت اعييييييط في المطار ’’ تخيلو لما تربو في حاجه سنتين ونص وقربت على ال3 سنين وييجي اللي عاوز ياخدهم وبيقولو مفيش سفر بيهم ,, قلت لأهلي خلاص سافرو انتو وانا اجي لوحدي معاهم بس اهربهم بطريقتي ’’ ماما ماوافقتش وفضلت تترجى في الناس اللي معندهاش قلب والمشكله شافوني وانا بعيط ولا الهوى ,, وبأ الناس اللي في المطار يقولوهم سيبو سلاحفها حرام عليكم ,, واخر حاجه والله خلاااص الطياره كانت هتقلع واحنا لسه تحت ماما قالتلي سيبيها هنا مع بنت خالي في مصر فأخدتها وخلتهم معاها شهر لحد ماسافرت ماما عشان تسلم على جدي ورجعت تاني ’’ تتخيلو هربتهم ازاي دول ؟؟ والله تنت البنطلون من تحت وحط اتنين في الرجل اليمين ووحده في الشمال والمشكله بأ انه شوشو الهبلا كل شوية تطلع من البنطلون وتبص هو ايه اللي بيحصل بره وماما تنزل وتدخلها ,, وتقول ربنا يستر لحد مادخلت جوا وحطتهم في علبه جوا كيس ,, والحمدلله عدت بيهم واول ماشفتهم واللللللللللللللللله فرحت فررررررح يابنات مش طبيعي بجد ,, وتخيلووووووووووووووو بأ بعد كل ده حصل ايه !! وحده وحده كدا تفكر وتشوووف بعد الفيلم ده لما وصلو السعوديه ايه اللي ممكن يكون حصل معاهم ,, والشاطره فيكم بأ اللي تعرف ؟؟؟
|
أم مر يــــــــومـــــــــه
