[bosycat0200]

عايزه مساعده
انا مش بعرف اعمل ايه
لما طلبت من زوجى انه يعملى ايميل وابدا اشترك فى المتديات مكنتش اعرف ان الايميل ممكن اى حد ياخده والمشكله انه بيدخل فى قايمه الاصدقاء وانا مش بعرف اعمل ايه وخاصه لما الاقى الايميل بتاعى عند حد وعايز يتعرف والاخص لما يكون ولد ويصر انا كده هفضل افلا الايميل
لو حد عنده حل ارجو منكم ابداء الرائ وخاصه انى مش عايزه اقول لزوجى هو هيمنعنى من الجلوس على النت


عايزه حل سريع

اذا اعجبك الموضوع و اردت نشره في المنتديات الاخرى فاستخدمي هذا الرابط:
انا مش بعرف اتصرف اعمل ايه
http://forums.fatakat.com/thread39700

[خزامى]

كان بودي افيدك ... ابدئي بتغير الرقم السري للايميل .
روحي لقسم الكمبيوتر :ـ يمكن يقدروا يساعدوك :ـ
http://forums.fatakat.com/thread16872

[ام سراج]

لأ..انا من رأيي ماتغيريش الرقم السري للايميل..ليه؟ كده جوزك حيشك فيكي اكتر ويبتدي يفكر انك عملتي كده علشان تخبي حاجه عندك على الايميل انت مش عاوزاه يشوفها..
من رأيي انت مش محتاجه لصداقه اولاد على النت ..ايه اللي حتستفيديه من كده؟..طالما ده عامل مشكله مع جوزك يبقى بلاش احسن حافظي على بيتك هوه ده الاهم..
ثانياً معظم الاولاد على النت مش كويسين وبمعرفتهم تدخلي نفسك في متاهات ملهاش لازمه
بالنسبه للايميل لو انتي عندك ناس عاوزه تمسحيهم اقفي بالماوس على كل contactوبعدين كليك يمين تطلع قائمه فيهاdelete اختاريها وبكده تمسحي الكونتاكت اللي انت مش عاوزاه
بالنسبه للمنتديات انتي ممكن ترفضي اضافه اي حد انت مش عاوزاه لو انت في الياهو بيجي لك رساله مكتوب فيها [nameاسم الشخص]wants to add you to his/her massenger contacts
لو هوه ولد ممكن تلاقي كلمهmale في الprofile البروفيل بتاعه
وبعدين ح تلاقي سطرين قدام كل واحد منهم دايره صغيره بيضه الاختيار اللي انت عاوزاه حيبقى عليه نقطه خضرا او انتي اقفي ع الدايره البيضا بالماوس واعملي كليك شمال بكده تبقي علمتي عليه-الدايره البيضا حيبقى لونها اخضر-
السطرين دول معناهم
yes allow this person to add me and add him to my contactsيعني ايوا انا موافق الشخص ده يضيفني عنده وانا اضيفه عندي
السطر التاني بيقولignore this person and any future massagesيعني لأ..تجاهل هذا الشخص-ماتضيفوش عندي-وتجاهل اي رسايل تيجي منه
يارب اكون افدتك..اختاري بيتك وجوزك...وماتصدقيش اي راجل ع النت..ولا تقولي معلومات خاصه عنك ولا اسمك ...عارفه لو انتي قلتي في الشات انك راجل مش تلاقي اي راجل يعبرك ولا يحاول يضيفك..صدقيني دول كل همهم ع النت التعرف على البنات والكلام معاهم في المسخره وقله الادب..ابعدي بنفسك عن الصداع ده..ربنا يعينك

[ام بسنت]

السلام عليكم ورحمة الله وبركاته
اختي الفاضلة، الايميل زي رقم التليفون بالظبط يعني زي مافيه حد ممكن يطلب رقمك بالغلط وتفكري انه بيعاكس بردوه ممكن حد يبعتلك رساله بالغلط وفيه بيكون متعمد انه يبعت

المهم ان انت ماتديش الايميل بتاعك لحد ماتعرفهوش او انك تحطيه في المنتدي علني يعني اكنك بتحطي رقم تليفونك
بالنسبة للمشكلة دي فحلها بسيط بمشيئة الله لو بتستعملي الياهو ماسنجر ممكن تعملي حاجتي بس قبل كدا اول ماحد يطلب انك تضفيه عندك للقايمة ارفضي ودي سهلة
اولا لو انضاف عندك بالغلط روحي علي الاسم واعملي كلك يمين واختاري stealth settings بعدين اختاري appear permentantly offline
ودا ببساطة بيخليك تباني عند الشخص الاخر انك اوف لاين
كمان ممكن تخشي invisible يعني الوضع المخفي من اول ماتفتحي الياهو بس مش كل الناس هاتعرف انك اون لاين
ثانيا تضيفي الشخص لقايمة التجاهل ودي روحي علي قائمة messenger بعدين هايطلعلك صندوق دوري فيه علي ignore list هاتلاقي عندك خيارين ignore anyone who is not on my list والخيار التاني ignore only the people below
الخيار الاول يعني عدم السماح لاي حد انه يدخل بس افضل لو بتشتكي من شخص معين انك تختاري الخيار التاني وتحطية الايميل بتاعة بس يكون صح وبعدين apply و ok

وان شاء الله ماحدش يزعجك

واي استفسار حاضرين

[nona79]

ربنا يبارك في ام بسنت وام سراج قالولك المفيد ربنا يوفقك ويبعد عنك اناس الي مش كويسة

[bosycat0200]

شكرا على ارائكم ومشورتكم