[ام مهند]

السلام عليكم ورحمه الله وبر كاته

عندما اتحدث لاتعيرني الاهتمام واذا حدث تبدأ بالقاء التهم في وجهي ده اذا كنت انا المخطئه وكأنها فرصه وجاتلك (تفش غلك)
انا نكديه لان
تعشق التلفزيون والكنبه اكثر من اي شئ وعندك استعداد ان تستغني عني ولا تستغني عنهم ابدا

انا نكديه لان
عندما اتعطروالبس احسن الثياب لاتكلف خاطرك وتقول لي كلمه حلوه (باحبط بعد عنكم)

انا نكديه لان
عندما يفيض بي الحال واسألك عن رأيك في شعري او لبسي او حتي العطر لااسمع الا همهمه لا افهم منها شئ والادهي انك لا تكلف خاطرك ان ترفع نظرك الي

انا نكديه لان

اقضي النهار كله في المطبخ احضر ايشي حلو وايشي حادق وارتب المائده فلا يكون رده فعلك الا ان تقول ان الاكل ناقص ملح واذا كان مظبوط تقول انه فيه طعم كده مش عارف ايه

انا نكديه لان

عندما تستعد للنوم واحاول ان ابقيك معي حبه تقعد مغمض العينين وكأنك في معسكر تعذيب وتنام مني حبه وحبه اسمع شخيرك وانا اتحدث اليك

انا نكديه لان

عندما اتحدث اليك تشعرني كم انا تافهه وسطحيه التفكير وان كنت كذلك فبامكانك ان تاخذ بيدي وتهديني كتابا وتناقشني فيه

انا نكديه لان

عندما اطالب بحق من حقوقي الشرعيه في غير الاوقات الرسميه تتحجج انك مرهق وتعبان وتشد الغطاء وتنام

انا نكديه لان
اطلب منك الكثير من الرعايه والحب والحنان ولااجد الا القليل بل اقل القليل
كيف تنتظر مني ان استقبلك بالابتسامه والقبله الحاره والحضن الدافئ وانت لا تبتسم الا في المناسبات والاعياد
كيف تطلب مني ان اتزين واتجمل وانت لا تكاد تراني

اذن الزوجه النكديه ليست لانها كده وبتحب النكد اكيد في حاجات بتأثر في المرأه بتخليها كده ارجو منكم التفاعل والكتابه في وجهه نظرك لماذا الزوجه النكديه ؟؟؟؟؟؟؟؟

وشكرا ليكم وارجو من كل من يقرأ التفاعل وكتابه سبب

[أم لوجى و ملك]

روعه يا أم مهند تسلمى يا رب على الموضوع الجامد

[أم لوجى و ملك]

نسيت اقول ليه الزوجه نكديه
طبعا يا ام مهند انت اثرتى موضوع غايه فى الاهميه الست مش بطبيعتها نكديه ولكن فى 90%من الحالات بيكون بسبب الزوج وبسبب الاشياء اللى ذكرتيها.وكمان من ضمن الحاجات القاء التهم على الزوجه فى كل كبيره وصغيره فيما يخص الاولاد يعنى لو ابنك تعب يبقى انت السبب عشان خرج فى الهوا ولو حد من الاولاد جاب درجات وحشه برضه تبقى انت السبب عشان انت ام مهمله.ولوحد من الاولاد سلوكه مش مظبوط يبقى انت مش عارفه تربى...الخ اعتقد ان المشاركه افضل من القاء التهم .

[dr.sasu]

على كده بقى الستات كلهم نكديات ....و الله معاكى حق يا ام مهد ...انا تقريبا كل البنات اللى اتجوزوا قبلى بيعانوا من نفس الشئ وكانها حالة عامة ...بس بالللى بتقوليه تاكدى انك مش نكدية لا ...انا هسالك سوال اتى وحدك تعرفى اجابته ..هل جوزك واثق من نفسه ولا عنده عقدة نقص ...اصل الزوج اللى كده بيبقى فاضى من جواه , فدايما يعمل على التقليل من شان زوجته لان قوتها مصدر خطر بالنسبه له ..
اقول احيانا حسسيه انك موجوده ومعاه واحيانا خاليه يحس انه عاوزك انتى تقدرى تعملى كده...دعواتى ليكى بانصلاح الحال

[نهنوهة]

موضوع جميل جدا وبشكرك عليه
وفعلا ده بيحصل فى زيجات كتيرة والحمد لله ان أنا مش منهم ويارب انتم كمان متكونوش من الزوجات النكديات
بس أوعى ياام مهند يكون الكلام ده منك ده انتى اللى يتزوج واحدة زيك ميعرفش غيرها وميحبش غيرها

[ام مهند]

لا يانهنوهه مش انا انا حبت اوضح الحاجات اللي ممكن تأثر علي الزوجه بالسلب
انا عن نفسي بموت في الفرفشه وبكره الزعيق والنكد (انا بزعق للاولاد بس)وبخاف مووت من الصوت العالي

[hala_2007]

يا ام مهند انتي كدة اديتي للستات شماعة ان ازوجهم السبب ومتهيالي مش قوي كدة برضو في نسبة بتبقي من الستات

[مورة]

واللة انت سكر وموضوعك جة علي الجرح انتي عارفة بيعقد اماما التليفزيون كانة بيشوفة لاول مرة وكنبة اليفنج بيحبها اكتر مني علي فكرة انا بحب التهريج جدا بس الموضوع فية حاجات كتير جدا من الواقع بس واللة ولا بتفرق لانة في حاجات تانية بيعوضني فيها ربنا يهدي الجميع

[ام مهند]

[غادة درس]

عنجد احنا النساء ما بعجبنا العجب ؟؟؟؟؟؟؟؟

[ام مهند]

اشكرك ياغدغوده

[داليا محمد نور]

الموضوع جامد جدا ولكن لا اعتقد اني اعمل كل حاجة وهو مايقدرش للدرجة دي ولو قابلت انسان كدة هسيبه

[ام مهند]

مشكووووووووووره