[ام الاولاد]

لا تزعل يا جميل احنا هنا كلنا اخوات و حبايب و ان شاء الله مع الاصرار كل الى بيدخل موضوع لازم يرد حتى لو بانتقاد و لكن طبعا بذوق

[أسعد أم]

حبيبتي زهرة ده انتي ما شاء الله عليكي والله كلنا عندنا نفس المشكلة ما تنسيش ان المنتدى كبر قوي وبقى فيه مواضيع كتير جدا كل يوم بيبقى فيه مواضيع كتير في كل قسم طبيعي ان الردود تبقى قليلة ساعات وكتير ساعات بس اوعي تزعلي وانتي بس انوي الفايدة وان شاء الله ربنا يجازيكي خير وازاي بقى تقولي هنسحب ده المنتدى ده بيتنا كلنا في حد ينسحب من بيته اللي كل اللي فيه بيحبوه ده معقول

[اموله المنفله]

عادى يازهره ماتفكرى فى موضوع الردود المهم انك تضيفى موضوع مفيد وتاخدى من وراه الاجر الرد مش هيضيف حاجه ولا ينقصها المهم الاستفاده من الموضوع وجزاكى الله خير ومبروك خروج الاسري

[شرين عمر]

هو كلنا فى الهو سواء ولكن مفيش زعل هوكدة اناكنت بردة كدة وهى مسالة تعود وكبري

[ام سراج]

انا كنت اعرف ان احنا الصعايده بس اللي دمنا حامي وبنتحمق بسرعه
احنا لازم ننسبك لشجره البيت الصعيدي فورا لأنك متفوقه في المجال ده..حتى عن الصعايده
بالنسبه للرد ع المواضيع ..ماتنسيش ان كلنا ستات وبنات =كنس+مسح+تنظيف
ده غير باب بيخبط..واد بيعيط..جوز بيلخبط...كده يعني
ساعات انا بدخل الموضوع علشان بحب صاحبته وبعدين الاقي الردود كلها حلوه وكامله طيب اقول ايه؟بطلع..وساعات جوزي يغلس ابقى لسه داخله الموضوع وهوه مزنوق في الايميل بتاعه وعايز الكمبيوتر دلوقت حالاً
ماتزعليش يازهوره..احنا ستات ونستحمل بعض...ولا ايه؟

[هبه مجدى]

ممكن يا زهره تهدى وما تزعليش نفسك وان شاء الله حتلاقى الردود نازله على موضوعاتك زى المطره والصابرين بخير

[رانيا الدلوعه]

يا زهرة يا عسل انتي والله دي مشكله كتير منا في المنتدي الواحد يهري في نفسه ويكتب مواضيع وبعدين تتركن علي جمب

انا راضيا ذمتك با الله عليكي يا شيخه ادخلي علي مواضيعي وشوفي كم المواضيع الي ما حد دخل عليها اصلا

عموما ما تزعلي منا

[جيهان 2008]

يا حبيبتي من غير زعل انتي اعملي الي عليكي واجرك علي الافادة عند الله