[بسمة خير]

السلام عليكم
اولا يارب تكونوا جميعا بخير
ثانيا عندي مشكله ولاقيت افضل حل اني احكيلكم عليها علشان تقدروا تساعدوني اخد القرار الصحيح
اولا انا كنت مخطوبه من فترة وبسبب غيرة خطيبي الدائمة ورفضه خروجي من البيت وكان قليل جدا لما يوافق ومع ان الخروجة كانت بتكون بنات صحابي بس وبنخرج في النادي او عند اي واحدة منهم وهو كان رافض غير انه مش عايز يسمع مني غير كلمة حاضر بس
وهو بصراحة عصبي جدا لكن لما بيكون هاديء بيكون اطيب قلب في الدنيا
بصراحة انا حبيته جدا ولسه بحبه بس سيبته علشان انا حسيت ان غيرته وصلت لدرجة التحكم وانا دلوقت حاسة اني عايزة ارجعله بجد مش بقدر اعيش من غيره وهو نفس الحاله بس طبعا زعلان علشان انا قلتله ننهي الحكايه لاني مش قدرة استحملك
بالله عليكم اعمل ايه ارجعله ولا افضل حيرانه ببعدي عنه

اذا اعجبك الموضوع و اردت نشره في المنتديات الاخرى فاستخدمي هذا الرابط:
بالله عليكم حيرانه...ساعدوني
http://forums.fatakat.com/thread39851

[سمر مون]

انا رايى .........ارجعيله بس اتفقى معاه انه لازم يغير من نفسه شوية عشان المركب تمشى
وخلى بالك مش هينسى انك فى يوم سيبتيه
فحاولى تبررى بكل الوسا ئل عن سبب بعدك واتاكدى انه سامحك
ويا رب يهديكوا وتعيشوا فى سعادة على طووووووووووول

[ام سراج]

لو هوه بيحبك يبقى اكيد اتعلم درس من بعدكم انا رايي زي سمر مون ارجعي بس اتفقي قبل الرجوع انه يحاول يتحكم في نفسه شويه وان انتي كمان ح تيجي على نفسك علشانه شويه علشان المركب تمشي..وافق يبقى تمام..رفض..يبقى انتي براحتك..وازني بين عيشتك معاه بطبعه ده..او بعدك عنه وراحتك رغم المك لبعده..واختاري اللي تحبيه وتقدري عليه
ربنا ييسر امورك يا حبيبتي

[salwasoula]

استخيري و ربنا يوفقك

[ام هيوي]

بالظبط اولا صلي صلاه استخاره وبعدين انتي عايزه ترجعيله بس هل هو لسه عايزك ولا لا لو هو كان لسه عايزك انا من رايي انك تتفاهمي معاه وعايزه اقولك ان حياتك لو اتبنت علي التفاهم والصراحه انتي هترتاحي اوي في حياتك بعد كدا وعايزه اقولك علي حاجه مهمه انا بفضل الراجل الغيور علي اهل بيته صدقيني هتعيشي مرتاحه معاه احسن من الراجل البارد اللي ما بيسالش انتي رحتي فين وجيتي منين ومع مين انتي ساعتها هتبوسي ايده ورجله انه يغير عليكي والكلام دا انا شفته كتيرلان الواحده مش بتحس بنفسها وبقيمتها الا لما تلاقي جوزها بيحبها وبيغير عليها ومن المهم جدا انك تتفاهمي مع غيرته وتقدريها وما تحاوليش تقلبي الموضوع وتتخانقي معاه وخليكي بنت حكيمه معليش طولت عليكي

[اموله المنفله]

استخيرى وخدى براي الاخوات وانشاءالله موفقه

[بسمة خير]

اولا السلام عليكم ثانيا بجد جزاكم الله خير علي مساعدتكم ليا وارائكم المفيدة ويارب ربنا يهديني للخير ويهدي جميع البنات المسلمين

[توته&]

والله العظيم وانا بقرأكلامك حسيت انى انا اللى كاتباه
انا كنت واقعه فى نفس المشكله من فتره بسيطه جدا اقل من شهر
وقولتله نفس اللى اللى قولتيه قولتله انى مش عايزه اكمل
وطبعا اى راجل فى الدنيا مهما كان بيحب عمره ما يستحمل كلمه زى دى لان الكلمه دى
بتعتبر جرح كبير بالنسبه لاى راجل
سيبنا بعض شهربدون علم الاهل لانه مش موجود فى مصر
بس لانى فعلا محتاجه محبتش اهلى يعرفه لانهم لو كانو عرفوا اكان الموضوع كده انتهى
واانا برغم انى قولت الكلمه دى بس مش كنت اقصد البعد بس لما بعد عرفت قيمته كويس اوى
انا طولت عليكى بس لانك مموضوعك يشبه موضوعى جدا فقولت احكيه
انا هقولك تعملى ايه وترجعيله ازاى
بصى يا ستى اى راجل فى الدنيا عصبى وعنيد بس بتختلف من راجل للتانى وانا فهمت من كلامك ان خطيبك عصبى جدا
لازم انتى تمتصى غضبه فى الوقت اللى بيبقى مدايقه فيه يعنى مش تطلبى منه حاجه
الا لما يكون هادى جدا وكويس معاكى يعنى مش فى عز ما تكونوا بتتكلموا فى موضوع وفى مشكله تقوليله انا خارجه مع اصحابى
اقصد انك تختارى الوقت المناسب
حسسيه بقيمته بمعنى انك تسمعى كلامه وتتناقشى معاه خلى بينكوا تفاهم
انا هقولك يا ستى ترجعيله ازاى
كلميه فى التليفون واعتزرى له عن الكلمه اللى قولتيها دى لانك انتى اللى غلطانه
وقوليله انك متقدريش تبعدى عنه وقوليله ان نفسى يكون فيه تفاهم بينا
لو انا غلطانه فى اى حاجه اقنعنى انى غلطانه
وقوليله انك عمرك ما هتبعدى عنه مهما حصل بينكم وانك مهما كان فى زعل بينكم
عمرك ما هتسبيه وانك عرفتى قيمته
انا بقولك الكلام دة كله
لانك لو سيبته عمرك ما هتعيشى سعيده تانى
لانك مش ضامنه اللى جاى دى حاجه تانى حاجه الحب مش بيجى فى العمر غير مره
واحده
انا وقت مشكلتى اللى حكيتلك عنها دى
انا مش كنت متخيله حياتى من غيره
وقولت لو مكنش فيه نصيب عمرى ما هتجوز وانى هفضل طول عمرى كده
ربنا يوفقك واعملى زى ما قولتلك وربنا يهديلك الحال
اسفه انى طولت عليكى