[dr.sasu]

الموضوع فى غاية الاهميه
فى وسط الظروف اللى المجتمع بيمر بيها مبنقدرش نفرق بين الكويس والوحش صح ؟

ازاى تعرفى ان خطيبك انسان كويس ولا بيمثل ....لان قبل الزواج لو فيه عيب اضربيه فى 10 امثاله تعرفى بعد الجواز هيكون ايه ...ده مش رايي ده راى دكتور فى علم النفس ...

ارجو ان كل قارئة تزيدنى من معرفتها لانه موضوع مهم بالنسبة لى
مستنيه مشاركتكم ...و جزاكم الله خيرا

[preatywoman]

شوفي حبيبتي %90من العيوب لاتظهر في فترة الخطوبه لان العشرة بتكون محدوده لكن فيه طباع معينه لازم تظهر في المعاملات زي البخل مثلا او عدم الالتزام وعشان كده لازم تتدققي في الاختيار وتدرسيه كويس وعليكي بالدعاء ان يرزقك الله الزوج الصالح وكمان لازم تعرفي لايزجد شخص كامل على وجه الارض لان الكمال لله وحده والحب يجعل الطرفين يتغاضوا عن عيوب بعضهم وتنمية المميزات

[اشرقت]

انا اؤيد preatywoman
ان الواحد يستشير احد المحارم من الرجال مثلا الاب الاخ العم الخال

لان الرجل اعلم بالرجل

ثم اذا وجدنا الالتزام الذى نبحث عنه نفوض الامر لله بعد الاستخارة
والله لن يضيعنا ما دمنا نبحث عن رضاه

اما اذا ظهرت بعد ذلك عيوب يمكن التغاطى عنها لانه لا يوجد انسان كامل

وهذا هو قدرنا

لكن فى نفس الوقت هناك عيوب تستحيل معها الحياه

[hala_2007]

لا قبل الجواز انسي تعرفي بيكونوا وضعين قناع الحب والحنية ويوم الجواز بيقلعوة علي الباب وهما داخلين

[مورة]

بصي هو فية اساس الواحدة لازم تكون حطة في حسبنها قبل ما تختار ومن اهم الصفات اللي تركزي عليها انة يكون بيراعي ربنة في كل حاجة لانة لو بيراعي ربنة وشخص متدين اكيد هيراعي ربنا فيكي كزوجة واكيد هيراعي اطفالة واكيد هيعرف حقوقك وحقوق بيتك

[dr.sasu]

شكرا لاهتمامكم و ارئكم الغاليه على قلبى بس سمعونى زغروطة ...ليه هتعرفوا بعدين

[اشرقت]

لولولوىىىىى بس انا ما بعرفش ازغرد

[dr.sasu]

اشرقت يا حبيبت قلبى تسلمى على الزغروطة الحلوة دى ...الله يبارك فيكى ...و دعواتى اليكى بكل خير

[eltourky]

عايزه اقول ان مش شرط العيب اللي بيكون ف الراجل قبل الجواز بيتاضعف بع الجواز0قبل الجواز كان باين ان زوجي هيكون متحكم جدا والخروج هيكون بالعافيه0بس لاقيت العكس بعد الجواز لانه تقريبا عرفني مش بخرج ع الفاضيه والمليان فمبقاش متجكم خالص

[ام مهند]

بصي ياحبيبتي
الرجال مواقف من اي موقف تعرفي خطيبك وبعدين خليك علي طبيعتك واطلبي منه كده لاني ملاحظه ان كلا الطرفين يحاول تجميل صورتوا امام الاخر
انت ممكن تثيري موضوع وناقشيه معاه وخلال المناقشه اكيد هيبان بعض صفات
ومش كلها وبعدين في صفات بتبقا ظاهره قوي في الانسان مش بيقدر يخبيها ولو حاول مليون مره
ولك زغروطه من عندي وانا واخده دواء للبرد اينما ايه زغروطه دايخه مووووووت

لووووووووووووولولولولولي

[Hanan Fouad]

لا و اللة زى ما بيقولوا الجواب بيبان من عنوانة
مش كل الرجالة بتحاول بتمسل فى رجالة كويسة وفعلا الرجال مواقف
حطى خطيبك فى موقف مرة واتنين وتلاتة وحتشوفى حقيقتة وهتلاقى زى ما بيتصرف معاكى هايكون بعد الجواز


معلش طولت عليكى

[dr.sasu]

شكرا لكل الفتكاوات
اللى نوروا الموضوع و اللى زغرطوا احلى زغريط
شكرا يا حنونة و انا متفقة معاكى

مش كل الرجالة بتحاول بتمسل فى رجالة كويسة وفعلا الرجال مواقف

حبيبة قلبى ام مهند كلامك حقيقى و بيجيب نتيجة فعالة

الرجال مواقف من اي موقف تعرفي خطيبك وبعدين خليك علي طبيعتك واطلبي منه كده لاني ملاحظه ان كلا الطرفين يحاول تجميل صورتوا امام الاخر

المهم ان بعد كل ده بيقع القناع بسبب موقف بسيط او ربما نعمة من ربنا يخلص الواحد من شر كان هيصيبة ...الحمد لله على كل شئ و احلى احساس و فضل من الله حسيته لما اخدت قرارى السليم بعدم اكمل مشوار الخطوبة ...و ان شاء الله اطئنكم انا بحال طيب و راحة نفسية لانى استخرت الله و استشرتكم و لا خاب من استشر ...شكرا لوجودكم يا غالين

[بدر البلوى]

انا رائى زي ام مهند الرجل لابد ان تفتحي معاة حوار بس ساخن وانتي هتعرفي
اية عيوبة واية مميزاتة
واغلب الرجال عندهم العيوب العصبية والبخل ودة ابشع شي واتمنا ربنا يرزقك بابن الحلال ويريح بالك