[fairy princess]

عندى سؤال يا جميل بس ما عنديش أمل.. مشكلتى من يوم ما اتولدت شعرى.. هو من الآخر كده "أكرت" زى ما بيقولوا.. مهما عملت واستعملت مش بيبان فيه حاجه خالص.. إلا بقى لو استخدمت كريم فرد.. عارفه إن أضراره جامده أوى بس لما باستخدمه كل حاجه بتبان فيه.. أنا صرفت على شعرى ده ألوفات.. وصبرت عليه كتير لانى بحاول معاه طول عمرى.. وهو دلوقتى اتهلك طبعا من كتر الفرد وخف خالص وبيقع كتير.. من الآخر مدّمر.. انا ناويه آخد بانتوجار مع لوسيون لتقوية وإنبات الشعر.. وباستعمل شامبو بانتين وبلسم بانتين وحمامات كريم مستورده وسيرم زيروفريز.. وباعمل ماسك زبادى بزيت الزيتون مع البخار.. ازاى شعرى ممكن يبقى طرى من غير الفرد؟ هل ده ممكن؟ ولا مستحيل؟

اهلا بيكى يا قمر

متتعقديش من شعرك كده


حتى الشعر الاكرت ليه جماله....

المهم نحافظ عليه....اهم حاجة انك تكملى البانتوجار

على الاقل شهرين علشان يجيب نتيجة كويسة
ويقل التساقط

والبلسم متسيبهوش على الشعر ...يعنى تحطيه وتسرحى بسرعة الاطراف وتشطفيه

وحمام الكريم مرة فى الاسبوع كفاية

وماسك الزبادى وزيت الزيتون ممتاز

وحاولى تبعدى عن الفرد خالص علشان مايدمرهوش تانى

ممكن تروحى تقصيه قصة تنفع مع الشعر الكيرلى علشان حتى مع التموجات يبقى شكله حلو

وممكن من وقت للتانى اعمليه فير(اكويه عند الكوافير) هايفرده ومش هايضره زى كريمات الفرد

ولو عرفت حاجة للفرد طبيعية هاقولك عالطول

[fairy princess]

شكرا يا دكتوره موضوعك اكتر من رائع
انا بسال حضرتك انا عملت فقشير كيميائي لبشرتي مدته شهرين تنصحيني استعمل بعده كريم ايه للتفتيح
الدوكين فورت او الدوباك او افالون؟

شكرا يا نونا يا قمر

طبعا التقشير بيشيل الطبقة القديمة من الجلد وبتبقى البشرة

الجديدة زى بشرة البيبى بالظبط

يعنى حساسة اوى

فمهم اوى انك تستعملى واقى من الشمس لانها لسه مافيهاش حماية طبيعية

وكريم الدوكين والدوباك نفس التركيبة ونفس التركيز4%

بس اهم حاجة تستعمليهم قبل النوم مباشرة وممنوع تخرجى بيه فى الضوء

افالون زيهم بس زيادة عليه فيتامين سى

اهم حاجة انك تستعملى كريم التفتيح يومين وتريحى يومين

ولو فى اى التهاب حصل استعملى ديرموفيت عالطول

[fairy princess]

حبيبتى فارى برنسيس شكرا لكى على هذا المجهود الرائع وجزاكى الله كل خير

عندى ليكى سؤال انا باذن الله طالعه الحج السنه دى ونفسى فى حاجه تمنع نزول

البيريود انا مركبه لوب الدكتوره نصحتنى بعدم اخذ حبوب منع الحمل لأنه مش هاينفع

مع اللوب ولما سألتها عن اى حاجه بديله قالتلى مفيش وانا بصراحه مش مقتنعه

اكيد فيه حل بأذن الله مهو مش معقول هاضيع الحج ارجوكى يادكتورة تشوفيلى اى

حل وجزاكى الله خيرا

اهلا بيكى يا ام حمبوكشة

ان شاء الله حج مقبول وذنب مغفور..بس ماتنسيش تدعيلى...ههههه

ممكن تاخدى (سيدولوت نور) اقراص مرتين يوميا صباحا ومساءا

قبل ميعاد الدورة المتوقع بثلاثة ايام وبحد اقصى تاخديه لمدة اسبوعين

وبعد مابتتوقفى عن اخذه بتيجى الدورة عادى بعدها بيومين

فاحسبيها انتى بقى حسب مواعيدك

وربنا يوفقك

[soka2008]

السلام عليكم ورحمه الله وبركاته اختى فى الله فرى عاوزة اى مرهم لتفتيح المنطقه الحساسه والركبه علشان فيهم اسمرار ممكن تفدينى بالله عليكى

[soka2008]

شكرا ليكى اختى العزيزة على فكرة الصيدلانيه ديه وممكن تقوليلى الادويه الواجب توافرها فى المنزل فى فصل الشتاء

[fairy princess]

اختى فيرى مش عارفة اشكرك ازاى على موضوعك المفيد ولازم لازم يتثبت ده كفاية فيض المعلومات الى بنأخذها منه . انا قرأت ردك على اختى ام دومى وردك افادنى جداً فأنا لدى طفل عمره سنتان ونصف وجربت كل انواع الحبوب ومفيش حاجة نافعة معاية لانى للاسف اعانى من صداع نصفى متكرر كما انى اعانى من دوالى بالساقين وحاولت ان اركب لولب ولكن للاسف يطلع منى فى كل مرة ولذا الان ااخذ حبوب اكسلتون لان الدكتور قال انها اخف نوع ممكن يناسب حالتى بس نصحنى الا أستمر عليه مده طويلة وان أقرر الانجاب حتى اتفادى اى اضرار له ولقد سمعت عن حبوب ياسمين الجديدة بس عاوزه اعرف عنها أكثر وعن سعرها وهل تناسب حالتى اكثر من اكسلتون ام انها نفس التركيب معلش استحملى رغى الكتير واعانك الله على والف شكر

شكرا يا رينجو ده من ذوقك يا حبيبتى

عموما انتى مفروض ماتاخديش حبوب منع الحمل المركبة

علشان الصداع النصفى والدوالى

لكن ممكن تاخدى الحبوب الاحادية الهرمون زى الدكتور ماقالك

اللى بتحتوى على نوع واحد من الهرمونات ( البروجسترون)زى (اكسيليتون)

و حبوب ياسمين تحتوى على هرمون جديد وهو هرمونdrospirenone

ومستخرج من هرمونprogestogen ويعتبر قريب من خواصة الطبيعية

اى انه يتصرف بنفس الطريقة الطبيعية التى يقوم بها هرمون

الprogestogen الطبيعى فى الجسم ..

وبالتالى اعتبرت هذة الحبوب آمنه وموثوقة

هذا النوع الجديد لـprogestogen يقلل احتباس الماء.

هذا يعني ان النساء اللواتي يأخذن الحبّة التى تحتوي على الهورمون الجديد

drospirenone من المحتمل الا يزدادن وزنا بسبب احتباس الماء كما ان

ياسمين تحسن جلدك أيضا وشعرك

ومن مميزاتها:

التوقيت المتوقّع للدورة
دورة أقل ألما
مدة الدورة اقصرو الكمية أخف
تخفيض التوتّر ما قبل الدورة
راحة من آلام البطن

اما طريقة اخذ الحبوب ..

فيفضل البدء باول حبه فى اول يوم للدورة الشهرية وتستمر فى تناول الحبوب الى
نهاية العلبة الاولى وهى 21 حبة بعد الانتهاء من تناول العلبة يوجد فترة راحة
وهى 7 ايام فتتوقفى عن اخذ الحبوب خلال ال7 ايام اثنائها ستحدث الدورة
بعد يومين او 3 من التوقف عن اخذ الحبوب ثم تبدئى فى اخذ اول حبه مباشرة بعد
انتهاء ال7 ايام الراحة اى تؤخذ اول حبة فى العلبة الجديدة فى اليوم ال8 بعد
اسبوع الراحة ..


يجب الحرص على اخذ الحبة يوميا وبميعاد ثابت وعدم تفويت او نسيان اى حبة
حتى لا يقل فاعلية الحبوب ويحدث حمل غير متوقع ...

واذا قررتى الحمل توقفى عن الحبوب

واتمنى انك تكونى استفدتى

[fairy princess]

الف شكر يا فيرى على نصايحك الغالية و لية سؤال هو استخدام كريمات التفتيح غلط ولا صح

العفو يا طاطا

بصى سؤالك ده سؤال عام

يعنى طبعا مش هانستعملها عمال على بطال

لكن لو فى مشكلة فى البشرة او لونها مش موحد

او الحبوب سايبة اثار غامقة...يبقى هانستعمل الكريمات دى لهدف معين

لكن لو عموما انتى سمرا وعايزة تبقى افتح شوية

ممكن تستعملى كريمات الحماية من الشمس وتعملى ماسكات تفتيح طبيعية

وبكده تحافظى على بشرتك

لكن لو فى مشكلة معينة طبعا استخدمى كريم التفتيح

ولكل مشكلة نوع وطريقة استخدام

[fairy princess]

انا سيدة من العراق ولي اطفال 2 توام وطفل واحد يعيني المجموع 3 اطفال كانت ولادتي الاولى طبيعية والثانية بالتؤام قيصيرية وصارعندي زيادة في وزني كان وزني عند الزواج 65 واصبح الان 90 واي ريجيم اعمله افشل ولا اخسر اي وزن لكن الان استعمل حبوب صناعة مصرية اسمها ريجتريم قاطع شهية والان احس بقلة شهية لي صار يومين بدات استعملها شنو رايك ياستي

اهلا بيكى يا بسمة فى الصيدلية

وربنا يحفظلك اولادك...وزى ما رديت عليكى فى الخاص

انك ممكن تستعملى الريجيتريم لو ضغطك مش عالى

ولا فى اضطرابات فى الدورة

ولا بترضعى

وابداى بتركيز 10 الاول

وطبعا لازم مع الريجيم... ولازم تاكلى الثلاث وجبات تبع الريجيم

علشان معدل الحرق مايقلش عندك

هى ممكن تعملك بس شوية صداع وارق

لو تقدرى استحمليهم لحد ماتقدرى تستغنى عنها وشهيتك تقل طبيعى

[fairy princess]

جزاكي الله خيرا علي هذه المعلومات المفيدة

شكرا يا سيرميان واهلا بيكى يا حبيبتى

[fairy princess]

انتي تحفه يافيري وموضعك جميل جدا
وانا استفدت منه كتير
وارجو انك تساعديني
انا عندي القولون عصبي
والامساك رهيب دايما انا اسفه علي اللفظ ومش بدخل الحمام من غير ملين خالص
وقالولي ان دة غلط جد علشان الحمل لان فرحي قرب
وجربت ادويه كتير مهدئه للقولون بس مجرد متنتهي الجرعه مع الدكتور ارجع تاني زي ماكنت
ودة عملي مشكله نفسيه بسبب الانتفاح لاني مش معتادة علي الانتفاخ
كمان انا ابتعدت تماما عن البقوليات لانها بتتعبني بالذات الفول
وفي الفترة الماضيه لو اكلت طرشي بيعملي حموضه
وفي الوقت الحالي انا تعبت جدا من استخدام الملينات واحتجاز الاكل في بطني
لدرجه التعفن وببقي متدايقه جدا
دة غير انه بيخفض لي الضغط
وبيسبب لي زيادة ضربات القلب احيانا
اطلت عليكي وارجو ان تساعديني

اهلا بيكى يا ريرى

والف سلامة عليكى يا قمر

اولا بالنسبة للقولون لو فى دايما مغص والم(قولون عصبى) خدى (سبازموكانيولاز) اقراص قبل كل وجبة
هايريح بطنك ويحسن الهضم والانتفاخات

ثانيا موضوع الامساك..الملينات الوقتية طبعا بتعمل مغص ووقتية
انا افضل انك تستعملى لاكتيولوز بانتظام ملعقة كبيرة مرتين يوميا
هاتحسن حركة الامعاء وهاتقلل الامسال

حاولى فى اكلك تركزى على الالياف زى الخس الخضروات علشان
ننشط القولون شوية

وابعدى عن البقوليات والقشور لانها صعبة الهضم وهاتزود الانتفاخات

وفى دواء ممتاز اسمه(دايجيست ايز) ده كله زيوت طبيعية وانزيمات بيريح القولون ويقلل الغازات

وكمان حاولى تمشى لان المشى بيساعد على تحسين حركى الامعاء

[fairy princess]

اسفه نسيت اقولك كمان ان ظهري دائما تاعبني
شكرا

ممكن تاخدى كتافلام او بروفين

وابعدى عن الفولتارين والديكلوفيناك والاسبرين علشان الحموضة

ولو وزنك زائد قليليه علشان بيبقى حمل على الضهر

وزى ماقولتلك المشى هايبقى مفيد اوى للامعاء والضهر كمان

[fairy princess]

جزاكى الله كل خير

شكرا يا نور يا حبيبتى

[bodoooo]

شكرا ليكى على معلوماتك القيمه
وعاوزة اقولك انك جيتى لى نجدة لانى بصراحة فى حاجة قلقانى اوى وعاوزة افهمها
لا تؤاخذينى فى سؤالى:
بس انا عندى قشر بين الفخدين زى القشر اللى بيبقى فى فروة الراس على العلم انى انا بحافظ جدا على نظافتى الشخصيه وعلى تغيير ملابسى باستمرار
بس انا لاحظت ان القشر دة بيكتر لما بزيل الشعر اللى بين الفخدين وعند نموه
فانا مش عارفه هو دة طبيعى بس فترة نمو الشعر ولا انا عندى مشكله
فى انتظار ردك
وشكرا لاهتمامك

[bodoooo]

اه على فكرة نسيت اقولك انى انا كمان ساكنه فى المعادى

[جنة اثير]

موضوع غاية في الاهمية فعلا تسلمي يا قمر علي الموضوع الرائع
وانا فعلا جبت البيتادين للاسمرار بين الفخدين علشان سمعت عنو بس لسه ما استخدمتهوش فلو سمحتي قوليلي ممكن استخدم ايه بس يكون موجود بره مصر لان مش كل الادوية اللي فىمصر بتكون بره مصر ..

[وهم الحياه]

السلام عليكم ورحمه الله وبركاته
عايزه منك يا فيرى اى علاج للنسيان ضرورى لانى بنسى كتيييييييييييييير
وكنت عايز اسألك بالنسبه لتأخر الدوره الشهريه لبنت اكثر من شهرين هل هو خطر واذا كان خطر تكشف عند دكتور اه.

[الدمعة الحارة]

بتقولى حتى الشعر الأكرت ليه جماله؟؟؟
شكلك كده يا fairy princess ماشفتيش شعر أكرت قبل كده.. مافيهوش أى جمال ولا يمكن التحكم فيه.. بس متشكره على اهتمامك ومجهودك..