[fairy princess]

معلش انا هتعبك معايا بس انا عندى سؤال وكنت محرجة انى اساله وبعد تردد طويل قول اقولة وامر لله
انا عندى الدورة الشهرية مش منتظمة خالص
يعنى ممكن تيجى كل شهر واسبوع او بعد كده والموضوع ده قلقنى بالذات انى قربت على الزفاف مش عارفة اعمل ايه ومكسوفة اروح لدكتور ياترى عادى ولى فى مشكلة انا عندى اخواتى كويسين
ياترى فى حل ولى اروح لدكتور ولى ؟؟؟

محرجة ليه يا حبيبتى...احنا كلنا اخوات
لو الدورة الشهرية عندك بتيجى اسبوع زيادة او اسبوع ناقص ...ده فى حدود الطبيعى
لان الدورة بتتاثر بالبرد...والحر....والقلق...وهكدا
لكن لو بتتاخر شهرين او تلاتة...ممكن تقلقى
وحتى لوكدة ...فى ادوية بتنظم الدورة فى الصيدلية زى (cyclopregnova)
لكن لازم تحت اشراف الطبيب...
زمن غير كسوف لان ده بيبقى من غير كشف ولا حاجة

[fairy princess]

هاى فيرى انا صيدلانيه 2007 لسه طازة وطبعا لا يفتى ومالك فى المدينه موضوعك حلو وانا هقيمه عشان يثبت لحد ما يبقى عندى خبرة واقدر افيد فتكات وانتى ماشاء الله عليكى زى العسل

يا اهلا وسهلا بالحبايب
وشكرا على دوقك يا جميل...اشتغلتى ولا لسه؟
لازم تبتدى شغل فى الصيدلية علشان تخدى خبرة...
وربنا معاكى
وانا مستنياكى يا قمر

[sh_moh]

شكرا يا قمر وموضوعك رائع ضرورى يتثبت

[جورى القمر]

انا وشى بيحرقنى اووى الايام دى استعمل اييية؟

[nefrtlove]

موضوعك جميل يا دكتورة
وميرسي خالص
انا جاية بس اشكرك على موضوعى لكن حاليا مفيش اسألة
هههههههه
شكراااااااااااااااااااا

[fairy princess]

شكرا يا قمر وموضوعك رائع ضرورى يتثبت

[fairy princess]

انا وشى بيحرقنى اووى الايام دى استعمل اييية؟

سلامتك يا جورى القمر
بس وشك بيحرقك من ايه
ممكن يكون جفاف فى الجلد او حساسية من الصابون
لو جاف استعملى كريم مغذى بالليل..اولاى حلو اوى...هايبقى كويس وماتسيبيش الميه تنشف عليه
لو حساسية من الصابون لازم تستعملى رغوة منظفة للوجه خالية من الصابون وفى منتجات كتير زى كلير اند كلين و جونسون

[fairy princess]

موضوعك جميل يا دكتورة
وميرسي خالص
انا جاية بس اشكرك على موضوعى لكن حاليا مفيش اسألة
هههههههه
شكراااااااااااااااااااا

[Lamaar]

انتى زى العسللللللللللللللللللللللللللللللللللل

[fairy princess]

يا لامار
مردتيش ليه؟

[fairy princess]

[fairy princess]

[zoom2009]

ممكن يا فيرى تحددى معاد على مدار اليوم علشان نسالك وتجاوبينا على طول ونكون متواجدين معاكى

[fairy princess]

انا بدخل على اد ما اقدر
لكن صعب احدد وقت معين
لكن وعد منى ان الرد فى خلال 24 ساعة

[fairy princess]

[أم روان]

ازيك يا فيرى يا قمر
طيب انا عايزه اعرف حاجه المسكنات كترها مضر
انا زوجى طبيب ومن يومين قالى انتى بتاخدى المسكنات كتير وما قاليش ايه السبب
يعنى بخدو للصداع والمغص والبرد وساعات بخدو علشان انام
يالله يا حلو قوللى

[رانيا الدلوعه]

موضوعك حلو قوي

2. أدوية التقليل من الشهية:
وهى مجموعة من الأدوية التى تقوم بالتأثير على المراكز العصبية الموجودة بالمخ والخاصة بالشبع والجوع فتؤدى إلى التقليل من الشهية وعدم الإحساس بالجوع. ومن الناحية النظرية هى حبوب ممتازة من ناحية نتائجها ولكن للأسف تكون عادة مصحوبة بالكثير من الأعراض الجانبية مثل التوتر العصبى الشديد وأحياناً الاكتئاب لذلك لا ينصح باستخدامها إلا بالحالات الخاصة وتحت إشراف طبى متواصل.

ممكن تقوليلي زي ايه من الادويه اسمائها يعني

[fairy princess]

يا اهلا بام روان...
طبعا كثرة استخدام المسكنات مضر,لان التأثيرات الدوائية للمسكنات تختلف لأنها ذات أصول كيميائية مختلفة

فمثلا :

الأسبرين:

يتميز عن البقية بزيادة سيولة الدم ( فلايعطى في حلات النزف مثلا )

كثير من مسكنات الالام التي تثبط مادة الcox1 (زى anti-cox):

تسببت تأخير في الوضع للحامل لأنها تثبط مادة البروستاغلاندين

ايضا كثير من المسكنات تزيد من حموضة المعدة ويمكن ان تسبب قرحة( مثل فولتارين-ديكلوفين-.....)

وهذا مثال آخر أيضا : للأطفال يستحب اعطاء الايبيبروفين لأنه أخف المسكنات وأقلها تأثيرات جانبية تقريبا

بينما البيروكسيكام يعتبر من المسكنات القوية والتي تعطى في الآلام الأشد.. لكنها بتأثيرات جانبية أكثر

وفى بعض الحالات اذا زادت الجرعة عن معدلها الطبيعى فى اليوم...يمكن ان تسبب تسمم
فجرعة من البنادول ( اسيت امينو فين American/ باراسيتامول British )
بمقدار 15 غرام في اليوم تسبب التسمم
أي ما يعادل 30 حبة
وربنا يشفينا جميعا
الخلاصة ...لازم تسمعى كلام جوزك...هههههه

[fairy princess]

موضوعك حلو قوي

2. أدوية التقليل من الشهية:
وهى مجموعة من الأدوية التى تقوم بالتأثير على المراكز العصبية الموجودة بالمخ والخاصة بالشبع والجوع فتؤدى إلى التقليل من الشهية وعدم الإحساس بالجوع. ومن الناحية النظرية هى حبوب ممتازة من ناحية نتائجها ولكن للأسف تكون عادة مصحوبة بالكثير من الأعراض الجانبية مثل التوتر العصبى الشديد وأحياناً الاكتئاب لذلك لا ينصح باستخدامها إلا بالحالات الخاصة وتحت إشراف طبى متواصل.

ممكن تقوليلي زي ايه من الادويه اسمائها يعني

ازيك يا رانيا
بصى يا ستى..الادوية دى المقصود بيها مادة sibotramine
زى : ريجيتريم-سيبوتريم-سليماكس-ميريديا

[zoom2009]

هاى فيرى انا سعيدة انك متواجدة دلوقتى وعايزة اسالك كام مرة احط فيها الكريم على مدار اليوم وكم سعره وعايزة اسالك عن كبسولات فيتا ماكس بلس